Dagblaðið Vísir - DV - 17.02.2012, Side 12

12 Fréttir 17.–19. febrúar 2012 Helgarblað
Flæktust í sakamál
eftir átök um Glitni
n Engeyingarnir og Vafningsmálið n Misstu undirtökin í Glitni með dramatískum hætti
Þ
að var augljóst mál að FL
Group menn ætluðu sér að
taka völdin í bankanum, og
ég taldi best að vera ekki í
þeim hópi. Maður hafði lif-
að í voninni að hægt væri að vinna
með þessum mönnum, en ekki bara
að vinna fyrir þá,“ sagði Einar Sveins-
son, fyrrverandi stjórnarformaður og
hluthafi í Glitni í viðtali við Morgun-
blaðið árið 2010. Í viðtalinu ræddi
Einar um þær hræringar sem áttu
sér stað í hluthafahópi Glitnis á vor-
mánuðum 2007 þegar félög honum
tengd og Milestone seldu tæplega 20
prósenta hlut í bankanum til aðila
tengdum FL Group.
Einar og Milestone héldu hins veg-
ar eftir 7 prósenta hlut í bankanum í
gegnum félagið Þátt International sem
síðar var endurfjármagnað í Vafnings-
fléttunni svokölluðu sem mikið hef-
ur verið í umræðunni í vikunni. End-
anlegu ástæðuna fyrir því að félög
tengd Einari, bróður hans Benedikt
og Milestone tóku síðar þátt í Vafn-
ingsfléttunni er að finna í þeim hrær-
ingum innan Glitnis sem áttu sér stað
á vormánuðum 2007. Fyrir þann tíma
höfðu Einar, Benedikt og Milestone
verið meðal stærstu hluthafa bankans
og var Einar stjórnarformaður hans.
Gögn sem DV hefur undir höndum
sýna að Þáttur International mátti ekki
selja hlutabréf sín í Glitni í heilt ár eft-
ir sölu Einars, Benedikts og Milestone
á hlutabréfum sínum. Þetta þýðir að
þrátt fyrir að kaupandi að bréfum
Þáttar International hefði fundist þá
máttu þeir ekki selja hlutabréfin.
Stöndug ætt flækist í sakamál
Fyrir vikið, meðal annars, flæktust
Einar, Benedikt og sonur hans, Bjarni
Benediktsson, núverandi formaður
Sjálfstæðisflokksins, í Vafningsflétt-
una þegar Glitnisbréfum Þáttar Int-
ernational var forðað frá því að lenda
hjá bandaríska fjárfestingarbankan-
um Morgan Stanley í febrúar 2008.
Vafningsmálið varð að sakamáli
í desember 2011 þegar tveir af fyrr-
verandi starfsmönnum Glitnis, Guð-
mundur Hjaltason og Lárus Weld-
ing, voru ákærðir fyrir umboðssvik
vegna aðkomu sinnar að því. Bæði
Einar og Bjarni voru yfirheyrðir sem
vitni hjá embætti sérstaks saksókn-
ara vegna aðkomu sinnar að málinu.
Fjölskyldumeðlimir einnar þekktustu
og stöndugustu ættar Íslands, Eng-
eyjarættarinnar, flæktust þannig inn
í sakamál þar sem sérstakur saksókn-
ari gaf út einungis sína þriðju ákæru
í málum sem varða íslenska banka-
hrunið.
Annað sem er áhugavert við átök-
in um Glitni er að þar tókust á ný og
gömul öfl í íslensku viðskiptalífi: FL
Group, með Hannes Smárason og Jón
Ásgeir Jóhannesson í broddi fylking-
ar, gegn Einari Sveinssyni, og tengd-
um aðilum, og Karli Wernerssyni, og
tengdum aðilum, en auður þeirra var
reistur á eldri grunni en hinna – stofn-
inn í auðlegð Einars og fjölskyldu
kom frá rótgrónum fyrirtækjum eins
og Sjóvá og Eimskipum og á meðan
Milestone var stofnað á apótekara-
auði Werners Rasmussonar.
Þá ber vitanlega einnig að geta
þess að forsvarsmenn í Sjálfstæðis-
flokknum, flokknum sem margir úr
Engeyjarættinni hafa stutt og jafn-
vel unnið fyrir – Bjarni Benediktsson
eldri, Björn Bjarnason, Halldór Blön-
dal og Bjarni Benediktsson yngri svo
dæmi séu tekin – höfðu á þessum
tíma átt í hatrömmum áralöngum
deilum við Jón Ásgeir Jóhannesson
og fyrirtæki hans Baug, deilum sem
hverfðust um Baugsmálið svokallaða.
Átökin um Glitni voru því líka á milli
nýja og gamla Íslands ef svo segja, ný-
ríkra viðskiptamanna og kaupsýslu-
manna sem byggðu sitt að hluta á
ættarauði, annars vegar manna sem
forysta Sjálfstæðisflokksins vildi allt
hið versta og hins vegar hóps manna
sem flokkurinn hafði haft í hávegum.
„Alveg ljóst“
Í viðtalinu við Morgunblaðið sagði
Einar enn frekar að Kaupþing hefði
verið sá aðili sem hafði samband við
hann og falast eftir bréfum hans í
bankanum. Fyrst hafi hann ekki vilj-
að selja en svo Kaupþing boðið betur.
„Í lok mars 2007 fæ ég upphringingu
frá Kaupþingi, og ég spurður hvort
ég hafi áhuga á að selja hlut minn í
Glitni. Þær verðhugmyndir sem þar
voru nefndar vöktu ekki áhuga hjá
mér. Kaupþing hringdi aftur nokkru
síðar og bauð mér sölutryggingu á
bréfunum verði sem ég samþykkti.
Kaupþing var minn viðmælandi í
þessum efnum, en það er alveg ljóst
hverjir stóðu að baki þessu,“ en með
síðustu staðhæfingunni vísaði Einar
til FL Group, sem hann grunaði um
að hafa unnið að því með Kaupþingi
að komast yfir Glitni.
Í kjölfarið var undirritaður sölu-
tryggingarsamningur sem kvað á um
að Einar, Karl og tengdir aðilar seldu
Kaupþingi tæplega 20 prósenta hlut í
Glitni fyrir rúmlega 80 milljarða. Hlut-
hafar Glitnis, með FL Group í broddi
fylkingar, skiptu Bjarna Ármannssyni
í kjölfarið út sem forstjóra bankans
og settu Lárus Welding yfir bankann
í hans stað og Einar Sveinsson lét af
starfi stjórnarformanns og Þorsteinn
M. Jónsson tók við þeirri stöðu. Einar
Sveinsson og Karl Wernersson undir-
rituðu sölutryggingarsamninginn.
Jón Ásgeir neitar
Jón Ásgeir Jóhannesson hefur þráfald-
lega neitað því að hafa vitað um eða
plottað sölutryggingarsamning Kaup-
þings við þá Einar og Karl. Í viðtali við
DV fyrr í mánuðinum sagði hann um
málið: „Ég veit ekkert um málið enda
vann ég ekki á sölutryggingarsviði
Kaupþings.“ DV spurði hann aftur út í
málið í vikunni og vitnaði sérstaklega
til túlkunar Einars Sveinssonar á við-
skiptunum en fékk aftur sama svar:
„Enn og aftur, ég vissi ekki um neina
sölutryggingu í Kaupþingi. Af hverju
hringir þú ekki í Kaupþingsmenn?“
Héldu eftir hlut sem þeir máttu
ekki selja
Í sölutryggingarsamningnum við
Kaupþing kom fram að félög Einars
og Karls ættu að halda eftir 7 pró-
senta hlut í Glitni af þeim tæplega
26,5 prósentum sem þeir áttu í bank-
anum. Orðrétt sagði um þetta í samn-
ingnum: „Af ofangreindu hlutafé
munu Einar Sveinsson og Karl Emil
Stýrðu bankanum Einar Sveinsson var stjórnarformaður Glitnis þar til að FL Group yfirtók bankann í apríl 2007. Hann var endurkjörinn sem formaður stjórnarinnar í febrúar 2007 en
þurfti að hætta snögglega í apríl eftir yfirtöku FL Group á bankanum í apríl. Karl Wernersson og Bjarni Ármannsson sjást með honum á myndinni.
Ingi Freyr Vilhjálmsson
fréttastjóri skrifar ingi@dv.is
7. febrúar 2007
n Karl Wernersson og tengdir aðilar gera lánasamning
við bandaríska fjárfestingarbankann Morgan Stanley
um fjármögnun á hlutabréfum í Glitni í gegnum Þátt
International, Þátt og fleiri félög. Félög í eigu Karls halda
samtals utan um tæplega 27 prósenta hlut í bankanum.
20. febrúar 2007
n Einar Sveinsson endurkjörinn formaður
bankaráðs Glitnis á aðalfundi hans. Hannes
Smárason hafði krafist þess að Einar Sveinsson
gæfi stjórnarformennskuna til FL Group,
stærsta hluthafa Glitnis, en ekki varð af því.
Lok mars 2007
n Kaupþing hefur
samband við Einar og
býður honum sölu-
tryggingu á bréfum
hans í Glitni.
Byrjun apríl 2007
n Einar Sveinsson og Karl Wernersson samþykkja
sölutryggingu Kaupþings á hlutabréfum sínum í
Glitni, á samtals tæplega 20 prósenta hlut fyrir
rúmlega 80 milljarða króna. Samkvæmt sölutrygg-
ingarsamningnum halda þeir eftir 7 prósenta hlut.
16. apríl 2007
n Kaupþing hefur náð að
selja tæplega fimmtung
hlutafjár Karls og Einars í
Glitni. Ljóst er að þeir munu
hverfa úr stjórn Glitnis.
30. apríl 2007
n Ný stjórn tekur við Glitni undir formennsku FL
Group. Einar Sveinsson hættir sem formaður stjórnar
og Þorsteinn M. Jónsson tekur við. Bjarni Ármannsson
hættir sem forstjóri og Lárus Welding tekur við. Yfir-
taka FL Group á Glitni fullkomnuð.
2. maí 2007
n Karl Wernersson
og Einar Sveinsson
gera með sér samn-
ing um eignarhald á 7
prósenta hlut í Glitni
28. janúar 2008
n Morgan Stanley gjaldfellir rúm-
lega tíu milljarða króna lán Þáttar
International hjá Morgan Stanley.
Þáttur fær frest til 2. febrúar til að
greiða lánið upp. Það tekst ekki.
20082007