Dagblaðið Vísir - DV - 17.02.2012, Qupperneq 20

20 Fréttir 17.–19. febrúar 2012 Helgarblað
Jón Steinar Mýrdal: Sæll, Snorri. Hefur
þú einhvern tímann lýst því fyrir
nemanda eða nemendum þínum eða í
návist þeirra að þér þyki það rangt að vera
samkynhneigður?
 Snorri: Ég minnist þess ekki en það má þó
vera. Þetta efni hefur aldrei verið til umfjöll-
unar í tímum nema að nemendur hafi viljað
spyrja en það hefur ekki orðið ofan á.
Aðalsteinn Kjartansson: Tekur þú öllu
sem segir í Biblíunni bókstaflega? Er
ekkert rými til túlkunar? Réttlæta
frásagnir af Lot og dætrum hans til dæmis
sifjaspell?
 Snorri: Biblían fjallar um mjög mikið efni og
sum skilaboðin eru í gegnum dæmisögur,
önnur ljóð og þannig skil ég Biblíuna – kynni
mér efni hennar og tek afstöðu.
Páll Svansson: Hvaða kostum telur þú
þig vera gæddan framar öðrum til að
leiða fólk í andlegu lífi?
 Snorri: Engum.
Kristján Sigurðarson: Hvers vegna
heldur þú að þér komi kynhneigð
annarra við?
 Snorri: Mér kemur við líf og hegðun sam-
borgaranna. Kynhneigðin er núna á dagskrá
og krafan er að taka hana út af syndalist-
anum, það er kjarni málsins.
Tryggvi Tómasson: Nú er Ísland
þátttakandi í alþjóðasamfélaginu og
jafnframt með umburðalyndari þjóðum.
Þú ert á móti samkynhneigð, hvernig vilt þú
kenna börnum og unglingum umburðarlyndi?
Hvaða leiðir vilt þú fara?
 Snorri: Ræða við þá, opna á rétta sam-
hengið, að þú getur verið á móti án þess að
hata og vilja hefna. Umburðarlyndið þýðir
að vera ósammála en sýna samt kærleika og
vinsemd.
Ásta Sigrún Magnúsdóttir: Þegar Guð
skapaði heiminn – að því gefnu að það
sé bara einn Guð – hver skapaði þá
samkynhneigða?
 Snorri: Ritningarnar tala um „kynvilluna sem
ávöxt hjáguðadýrkunar“ – ég held að það sé
mikið til í þessu. Kynvillan var þekkt fyrirbæri
á dögum Biblíunnar.
Ísak Jónsson: „Kynni mér efni hennar og
tek afstöðu.“ Þannig að það er í raun þín
persónulega ákvörðun að taka
yfirlýsingum um samkynhneigða í Biblíunni
bókstaflega á meðan þú lítur annað öðrum
augum?
 Snorri: Sá sem trúir Biblíunni tekur orð Jesú
bókstaflega en hefur postulana og spámenn-
ina að grundvelli – þegar þeim ber saman þá
er það fullkominn Guðs vilji.
Valgeir Ragnarsson: Þú vísar oft í
Biblíuna máli þínu til stuðnings. Hér
kemur ein spurning sem ég fór að velta
fyrir mér eftir að hafa gluggað í 5. Mósebók.
Hversu þrjóskur þarf sonur manns að vera til þess
að maður fari með hann að þingstaðnum við
borgarhliðið, þar sem öldungarnir sitja, til þess að
láta grýta hann til bana? (5. Mósebók 21:18-21)
 Snorri: Mjög þrjóskur, við höfum engan
mælikvarða tengdan þessu efni. En eitt er
víst, að Guð veitir AUÐMJÚKUM náð, þrjóskan
er mikill tálmi í að kynnast Guði og taka við
Jesú Kristi sem syni Guðs.
Mandy Jóhannesdóttir: Guð skapaði
manninn í sinni mynd og Kristur
predikaði að allir menn væru jafnir. Hver
gefur þér leyfi til að ganga í berhögg við orð hans
og boðskap? Sá yðar sem syndlaus er, kasti fyrsta
steininum.
 Snorri: Satt segir þú, við erum öll jöfn, synd-
arar, fallið mannkyn. Leiðin er út úr ruglinu og
upp á hærra plan siðferðilega.
Kristján Sigurðarson: Þú svarar ekki
fyrri spurningu minni. Hvers vegna telur
þú að þér komi EINKAmál annarra við?
Það skiptir sér enginn af því hvað þú gerir í
svefnherberginu, hví skiptir þú þér af öðrum?
 Snorri: Hvaða einkamál ertu að tala um?
Telur þú samkynhneigðina einkamál þegar lög-
gjafar, prestar, skólar, kennarar, þú og ég erum
öll leidd til að taka afstöðu með eða á móti?
Tryggvi Tómasson: Myndir þú mæta á
gaypride gleðigöngu samkynhneigðra til
að sýna stuðning þinn? Styður þú
baráttu samkynhneigðra í að hafa sömu réttindi
og gagnkynhneigðir?
 Snorri: Ég styð það að allir menn hafi sömu
mannréttindi – þeir eru komnir með meiri
réttindi þegar mér er meinað að blogga um
þetta og er rekinn frá störfum vegna þess.
Heldur þú að gangan myndi styðja minn rétt?
Hildur Steindórsdóttir: Sæll. Hvernig
myndir þú bregðast við ef barnið þitt
kæmi til þín og segði þér að hann/hún
væri samkynhneigð?
 Snorri: Ég myndi faðma barnið mitt og elska,
styðja það með ráðum og dáð en ekki sam-
þykkja þennan lífsmáta. Ég mundi hvetja það
til að taka ekki þátt í því sem erfir ekki Guðs
ríkið.
Heimir Bergmann: Sæll, Snorri:, nú
lagðir þú að jöfnu samkynhneigð
(kynvillu eins og þú kýst svo
auðmjúklega að túlka það) og bankarán, getur þú
útskýrt þetta betur?
 Snorri: Ég hef í huga versið í 1. Korintubréfi
6:9 en þar kemur þetta samhengi; hórdóms-
menn, saurlífismenn, kynvillingar, þjófar né
ásælnir … Guðs ríki erfa. Þessi atriði eru á
syndalistanum.
Eyþór Jóvinsson: Ef tilfinningar manna
og ástir stangast á við Biblíuna, hverju á
maður þá að fylgja? Og af hverju?
 Snorri: Þú mátt ekki láta tilfinningar ráða,
það var eitt að atriðunum sem Móse lagði
fyrir Ísraelsmenn, láta orðið ráða (4. Mós.
15:39) til að spillt hjarta ráði ekki för. Sjáum
við það ekki á hruninu?
Ingvar Gíslason: Er einhver þér
nákominn samkynhneigður?
 Snorri: Já, nokkrir náungar.
Ísak Jónsson: Ert þú sammála þessu
uppeldisheilræði: Aga þú son þinn, því
að enn er von, en farðu eigi svo langt, að
þú deyðir hann. (Orðskviðir 19:18.)
 Snorri: Þetta er fínt hjá Salómon, auðvitað
drepum við engan mann en agaleysið hefur
drepið mikinn fjölda!
Sighvatur Jónsson: Af hverju telur þú
trúarbrögð yfir höfuð hafa svona miklar
áhyggjur af kynhneigð og kynlífi fólks?
 Snorri: Trúarbrögð hafa þá tilhneigingu að
stilla þjóðfélagið í samskonar hegðun og
reglu. Þorgeir sagði Ef ver brjótum í sundur
lögin þá brjótum vér og í sundur friðinn. Þetta
er því kjarnaatriði.
Björn Gunnarsson: Sæll, Snorri:. Er
möguleiki á að þú sért samkynhneigður
sjálfur?
 Snorri: Nei.
Franz Gunnarsson: Af hverju er þér
fyrirmunað að fara eftir starfsreglum
sem þér eruð settar sem kennara?
 Snorri: Það eru aðeins munnleg fyrirmæli
sem stangast á við grundvallarrétt og
stjórnarskrá Íslands. Þeir mega ekki fara fram
á þetta, það er stjórnarskrárbrot.
Pétur Harðarson: Af hverju að einblína
svona á samkynhneigð? Hvað segir
Biblían t.d. um giftingarsáttmálann? Má
rjúfa hann samkvæmt ströngustu skilgreiningu
Biblíunnar?
 Snorri: Einblína? Ég hef bloggað um margs-
konar efni, núna er þetta hitamálið og ég sit
fyrir svörum – Ég gerði þetta ekki að hita-
máli!
Logi Björnsson: Telur þú að „að kona
sem ekki er hrein mey við giftingu skuli
dregin að húsi föður síns og grýtt þar til
bana?“ (5. Mós, 22:21) Hvort fellur þetta undir
„dæmisögur“ eða „önnur ljóð“?
 Snorri: Nei, þetta gerum við ekki. Þetta fellur
undir Jóhannes 8; sá yðar sem syndlaus er
kasti fyrstur steini á hana – og þeir gengu allir
í brott!
Sighvatur Jónsson: Af hverju velur þú
samkynhneigð sérstaklega úr Biblíunni
til að níðast á en ekki margt annað sem
einnig þykir tabú í dag, t.d. nauðganir og grýtingar
sem þykja allt í lagi í Biblíunni?
 Snorri: Ég valdi hana ekki, það voru aðrir sem
völdu að kalla hana ekki synd. Með hin atriðin
þá ferðu með staðlausa stafi með nauðganir,
en grýtingar voru aftökuaðferð, þá vantaði
byssu eða svefnlyf!
Jón Steinar Mýrdal: Hefur þú á
einhverjum tímapunkti lent í því að þurfa
að kenna efni sem stangast á við þína
trú? Kannski þróunarkenninguna eða
jarðfræðikenningar?
 Snorri: Já, já, og farið létt með. Þá kynnir
maður efnið og kennir sem kenningu – það er
afar létt!
Ólafur Kristjánsson: Þú sem fullveðja
maður, að ég held, sérð þú virkilega
ekkert athugavert við það að nota bók
sem skrifuð var á bronsöld, sem siðferðislegan
áttavita og lífsleiðarvísi núna þegar árið er 2012?
 Snorri: Nei, hún leiðir fram mannlífið í 4.000
ár og skv. henni þá hefur ekki orðið ör þróun í
mannheimum!
Katrín Aðalsteinsdóttir: Hvernig er
það, ef einstaklingur í söfnuðum þínum
kemur út úr skápnum, hvernig bregst þú
við?
 Snorri: Ég tala við hann og heyri hvað hefur
komið upp á, það eru viðbrögð hans sem ráða
hvert framhaldið er!
Sigurður Björnsson: Í biblíuþýðingunni
frá 2005 var textanum í KÓR 6:9 breytt
þannig að kynvilla var felld út. Telur þú
að þessi þýðing sé röng?
 Snorri: Þessi þýðing er líkari því sem Oddur
Gottskálksson ritaði 1540 – margt annað
sem stendur í nútíma Biblíunni stenst ekki,
t.d. að kalla allt systkin þar sem frummálið
segir „bræður“.
Elías Þórsson: Ef ást og kærleikur er
hornsteinn kristni, og eitt það besta sem
guð gaf okkur, hvernig getur þá ást milli
tveggja fullorðinna einstaklinga verið af hinu illa?
Er ást ekki alltaf frá guði?
 Snorri: Ást og kærleikur er aldrei af hinu illa.
Okkur er uppálagt að elska óvini okkar! Við
erum að fjalla um hegðun manna, viðhorf og
gjörðir.
Ólafur Ólafsson: Nú segir Biblían líka að
ef maki konu deyr barnlaus, eigi ekkjan
að sofa hjá bræðrum hins látna þar til
hún eignast son (Mark12:18-27). Getum við
virkilega fylgt lögum Biblíunnar?
 Snorri: Þetta atriði var lögbundið í samfélagi
gyðinga og til þess gert að varðveita arf
fjölskyldunnar. Þér er frjálst að gera slíkt hið
sama en ert ekki þrælbundinn í slíku efni,
segir Páll postuli.
Elmar Viðarsson: Ferðu eftir öllu sem
stendur í Biblíunni? Hefurðu aldrei á
ævinni sagt ósatt? Er mögulegt að lifa
samkvæmt öllu sem Biblían segir?
 Snorri: Ég reyni að temja mér að fara eftir
öllu, ég hef sagt ósatt og ég hef stolið og ég
hef … viltu vita meira? Þessi atriði er hægt að
fyrirgefa og þar hvíli ég í voninni.
Rúnar Sigurjónsson: Hver er þín skoðun
á þróunarkenningunni, trúir þú á hana?
Eða ertu með sköpunarkenninguna sem
hinn eina sannleik?
 Snorri: Ég tel þróunarkenninguna ranga.
Ég sé samt að barnið þróast upp í fullorðinn
mann og getur stundum orðið óargadýr. Ég
sé líka öfugþróun þegar menn verða eins og
svín, aða af aurum apar!
Brynja Dögg: Þú segir að þetta sé
stjórnarskrárbrot. En er það ekki lögbrot
að vera með hatursáróður gegn
náunganum? Hvort sem það er vegna
kynhneigðar, trúar eða annars?
 Snorri: Hatursáróður? Hvaða áróður? Þið
hafið fermst og teljið ykkur kristin – er
ekki kominn tími til að vita hvað kristnin
inniheldur? Hún segir okkur með hvaða
augum Guð lítur þetta atriði.
Baldvin Sigurðsson: Gerir þú þér grein
fyrir því að þegar þú ýtir undir fordóma
gagnvart minnihlutahópum þá er það
stjórnarskrárbrot sem málfrelsið ver ekki?
 Snorri: Ég ýti ekki undir fordóma þegar ég
hef kynnt mér efnið, lesið lærðar greinar og
bækur. Þegar niðurstaðan rímar við Biblíuna
þá má sannleikurinn heyrast, það er von fyrir
manninn að Guð geri okkur betri.
Atli Þórðarson: Að þínu mati, Snorri:: Er
einhver munur á manni sem dregur fólk í
dilka eftir kynhneigð, og manni sem
dregur fólk í dilka eftir t.d. kynþætti, stjórnmála-
skoðunum og/eða trúarbrögðum?
 Snorri: Við höfum ekki leyfi né efni á að draga
fólk í dilka, og það tel ég mig ekki gera, en þeir
sem vilja njóta mannréttinda mega líka heyra
hina hliðina, ekki satt?
Jón Steinar Mýrdal: Hver er afstaða þín
til getnaðarvarna, t.d. smokksins? Hvað
finnst þér um að einhverjir talsmenn
kirkjunnar hafa talað gegn smokknum t.d. í Afríku
þar sem HIV-faraldur geisar?
 Snorri: Ég veit að smokkurinn hjálpar
mönnum að komast upp með framhjáhald.
Hjónum sem velja að nota smokk eða pillu er
frjálst að fara að eins og þau vilja. En þeim er
ekki frjálst að eyða fóstri.
Siggi Sigurðsson: Þú hefur sagt að þú
myndir „tala við“ samkynhneigða
nemendur þína um villu þeirra. Fyndist
þér í lagi ef kennari sem aðhyllist múhameðstrú
reyndi að sannfæra dóttur þína um að nota blæju
utandyra?
 Snorri: Þegar stúlka eða drengir fá valið þá
er þetta í lagi, við getum ekki ráðið meiru um
manninn en að valið verði til staðar, svo tekur
einstaklingurinn ákvörðun.
Katrín Aðalsteinsdóttir: Segir þú frá
því í skólanum að þú teljir þróunarkenn-
inguna ranga?
 Snorri: Já, og bendi t.d. á að aldur jarðar sé
álitamál, ef ég er spurður.
Rúnar Sigurjónsson: Þú telur
þróunarkenninguna ranga, gott og vel.
En hvað er alheimurinn þá gamall?
 Snorri: Um daginn var hann sagður 18 millj-
arða ára. Svo yngdist hann um 4 milljarða og
er talinn 14 milljarða ára í dag. Ég tel lífið ungt
og alheiminn ekki svo gamlan en þó talsvert
eldri en ég er.
Indíana Hreinsdóttir: Hvað finnst þér
um þá staðreynd að samkynhneigðir
íslenskir unglingar eru mun líklegri til að
reyna að taka eigið líf en aðrir unglingar,
samkvæmt nýrri rannsókn? Af hverju telurðu að
svo sé?
 Snorri: Það er alveg hræðilegt að taka sitt
eigið líf. En nú hefur þjóðfélagið allt sam-
þykkt þessa hneigð sem eðlilega. Af hverju
finna þeir ekki fyrir meiri vellíðan, getur verið
að eitthvað hið innra nagi?
Valgeir Ragnarsson: Þegar maður
kaupir hebreskan þræl, þá á hann að
vinna sem þræll í sex ár en svo þarf að
veita honum frelsi. (2. Mósebók 21:2) Er þetta
hæfilegur tími að þínu mati?
 Snorri: Já, og mætti stytta hann. Orðið
„þræll“ má einnig vera þýtt sem vinnumaður.
Því gat þetta verið baktrygging fyrir manninn
að hann fengi viðurværi sitt og öryggi í 6 ár.
Hafsteinn Árnason: Ef konan þín
heldur framhjá þér, ætti þá ekki að drepa
hana eins og kveðið er á um í 22. kafla 5.
Mósebókar?
 Snorri: Nei, það ætti ekki að drepa hana,
en þetta er skilnaðarorsök og allavega
hjónabandið deyr, traustið deyr og það vil ég
ekki heldur!
Kelly Cahill: Nú stendur í Biblíunni að
það sé synd að vera sköllóttur og raka
sig, má ekki álykta að guð hafi ákveðið
að taka hárið þitt vegna synda?
 Snorri: Jú, það er ljómandi skýring. En ég á
samt miskunnsaman og kærleiksríkan föður
sem gæti gert mig hárfínan á ný!
Anton Bergland: Ef þú ert svona
trúaður, af hverju stendur þá í Biblíunni
að guð gefi öllum tilgang í lífinu? Ég er
sjálfur gay og hann gaf mér þann tilgang. Oft
hugsa ég til þess að fá að vera straight. Ég get
ekki breytt sjálfum mér, eða hvernig guð skapaði
mig.
 Snorri: Má vera að þú sért kominn að þessari
spurningu til að Guð fái aðgang að þér og gera
þig að tákni á Íslandi, að hann endurfæðir og
umbreytir þér? Við trúaðir höfum séð mörg
undur í umbreytingu manna.
Árni Árnason: Telur þú það eðlilegt að á
meðan samkynhneigðir unglingar eru í
áhættuhóp varðandi sjálfsvíg telji
kennari samkynhneigð dauðadóm?
 Snorri: Páll postuli var kallaður „skaðræði“,
fór um, drap og tortímdi. Hann breyttist – þú
ert ekki verri en hann, þess vegna áttu von.
Jesús endurfæðir, hreinsar og uppbyggir.
Jóhann Jónsson: Hví ætti ég að leggja
allt undir á að Biblían sé hið rétta rit
Guðs, en ekki Kóraninn? Af hverju ekki
Óðinn, Þór, sólarguðinn Ra, Allah, Múhameð eða
einhver annar af þúsund guðum sem „hafa verið
til“?
 Snorri: Innihald Biblíunnar hefur reynst vera
svo áreiðanlegt, t.d í fornleifafræði. Ef hún
væri ekki til staðar þá vissu menn ekkert um
stóran hluta mannkynssögunnar. Það bendir
á sannleiksgildi hennar!
Siggi Sigurðsson: Þú sagðir áðan að
hórdómur ætti ekki að vera dauðasök,
þrátt fyrir að það standi í Biblíunni. Ertu
að velja eftir hentugleikum hvaða ritningartexta
þú kýst að telja til eftirbreytni?
 Snorri: Nei, Jesús sagði: „Sá yðar sem
syndlaus er, kasti fyrsta steininum.“
Dauðarefsingin var ekki felld úr gildi heldur
sett í þann farveg að við höfum ekki efni á að
farga hórkonu, ekki heldur fóstri.
Daníel Guðlaugsson: Er ekki rétt að þú
kærir brottvikninguna til að fá úr því
skorið hvað má hafa eftir Biblíunni og
hvað ekki?
 Snorri: Nei, ég hef ekki kært neitt. KÍ, mitt
stéttarfélag, sér um þetta og málið er í „ferli“
hjá þeim. En ég vil líka benda á að ég áskil
mér allan rétt til að kæra.
Hólmar Finnsson: Stjórnarskráin
verndar málfrelsi en því má setja skorður
með lögum, sem er einmitt gert með
233. gr. almennra hegningarlaga. Telur þú að
ummæli þín um samkynhneigða samrýmist
ákvæðum þeirrar greinar?
 Snorri: Já, algerlega, ég hef ekki veist að
neinni persónu með fúkyrðum. En því er ekki
að heilsa hjá mörgum sem fjalla um mig. Þar
er munurinn – ég tala um málefnið en ekki
persónuna.
Ester Og Jens Ívar: Ætlar þú að
mótmæla aðgerðum Akureyrarbæjar?
Og ef svo, hvernig ætlarðu að gera það?
 Snorri: Ég lét bóka að þessi aðgerð stæðist
ekki stjórnarskrá né grein 14:8 í kjarasamningi
milli kennara og sveitarstjórna. KÍ er með
málið í skoðun.
Snorra Óskarssyni grunnskólakennara var vikið tímabundið frá störfum eftir að hann lét þau ummæli falla að samkynhneigð væri
synd. Á Beinni línu á DV.is gafst lesendum tækifæri til að spyrja hann spjörunum úr og óhætt er að segja að hart hafi verið að honum sótt.
„Ég tel þróunar-
kenninguna ranga“
Nafn: Snorri Óskarsson.
Aldur: 49 ára.
Starf: Framhaldsskólakennari.
Menntun: Kennaramenntun.