Dagblaðið Vísir - DV - 17.02.2012, Side 36

36 Rómantík og konur 17.–19. febrúar 2012 Helgarblað
Síðumúla 20
www.blomabud.is
sími 553 1099
í 45 ár
Konudagsblóm
DV lagði spurningar um rómantík fyrir nokkrar annálaðar kjarnakonur. Þær Saga Garðarsdóttir, Bryndís Gyða Michelsen,
Ragnheiður Ragnarsdóttir, Ólöf Jara Skagfjörð og Íris Hólm eru allar sammála um að hvað rómantíkina varðar sé fín
línan á milli rómantíkur og smekkleysis.
Hvað finnst þér ekki rómantískt?
„Að barna mig vísvitandi án þess að láta
mig vita.“
Maðurinn þinn lætur húðflúra nafn
þitt á bringuna. Þín viðbrögð? „En
sniðugt, nú getur þú bara bætt „sorgar“
fyrir framan og þá er þetta nokkuð lýsandi
fyrir tilvist þína. Annars er ég á leiðinni út að
hitta mann sem er með heila. Bæ.“
Frumsamin ástarljóð? Góð hug-
mynd eða slæm? „Mjög góð hugmynd.
Frumsamdar drápur eða mjög flókin
fimmundarlög útsett fyrir fullmannaðan
karlakór sem kemur og syngur með erma-
hnappa er grunnforsenda þess að ég nenni
að elska einhvern til baka. Tilfinningalíf mitt
í heild gengur fyrir karlakórum. Svo já, ljóð
væri góð byrjun.“
Hjartalaga sælgæti og bangsar með
ísaumuðum ástarjátningum? Hvað
finnst þér um það? „Mér finnst sælgæti
ógeðslegt óháð lögun og bangsar ágætir fyrir
hunda og börn. Mér þætti leiðinlegt að vera
ruglað saman við hund eða barn og svo gefið
eitthvert ólögulegt ógeð að japla á. Þá þætti
mér súkkulaðigosbrunnur eða lifandi panda
merkt mér mun fullorðinslegra og meira
elegant.“
Bónorð? Hvernig á kærastinn ekki
að biðja þín? „Það eru bara tvær leiðir
færar að hjarta mínu. Önnur er í gegnum
kallkerfi Kringlunnar, hin er í gegnum föður
minn. Allt annað er bara feik.“
Gjafapakkning frá kynlífsbúð á konu-
daginn. Eru það núna titrandi eggin
sem tala en ekki blómin? „Fæst kynlíf
í búðum? Hvar eru þær? Hvar hef ég verið?
Og hvað hef ég verið að gera? Einu sinni þá
hitti ég svona talandi gervigreindaregg og við
áttum mjög gefandi samræði. Aftur á móti þá
hef aldrei hitt blóm sem hefur lagt eitthvað
gáfulegt til málanna og hvað þá fullnægt
mér. Þetta eru kannski bara fordómar en mér
finnst þessi innfluttu blóm ekki hafa neinn
áhuga á að kynnast mér eða læra að eiga í
samskiptum við mig. Túlípanar eru þó skástir,
mér hefur gengið ágætlega að tengja við þá
enda tala ég reiprennandi flæmsku. Eggið
hins vegar var algjör snillingur, mjög hresst
og hefði vel getað endað í skemmtanabrans-
anum. Ég sagði það oft við það „ Kýldu bara
á það af fullum krafti – þú átt eftir að spæla
allt þetta lið!“ og svo hlógum við. Ég veit hins
vegar ekkert hvar það er í dag en ég vona
bara að það hafi það gott.“
Hvað finnst þér rómantískt? „Allar
ófabríkeraðar gjafir hjartans. „Hæ fæv“
getur verið alveg ferlega rómantískt.“
„Hæ fæv“ getur
verið rómantískt
Saga Garðarsdóttir leikkona
Konur tjá sig um rómantík
Hvað finnst þér rómantískt?
„Þegar hann gerir eitthvað sem ég býst
ekki við. Eitthvað sem hann gerir bara
til þess að gleðja mig en myndi aldrei
annars gera.“
Hvað finnst þér ekki rómantískt?
„Svona „show-off“ rómantík. Hún er ekki
frá hjartanu og ekki 100% einlæg. Mjög
órómantískt.“
Má konan fara niður á hné og
biðja um hans hönd? „Að sjálfsögðu.
Ég myndi samt líklega vilja fá bónorð!“
Eru konur rómantískari en karl-
menn? „Nei, alls ekki. Mjög misjafnt
eftir fólki. Ég held að almennt sé samt
meiri pressa á þeim en okkur.“
Þýða blóm á öðrum degi en á
afmæli og konudegi að hann hafi
gert eitthvað af sér? „Nei, það
þýðir bara að það hlýtur að vera frum-
sýningardagur…“
Maðurinn þinn lætur húðflúra
nafn þitt á bringuna. Þín við-
brögð? „Bara jákvæð. Það væri algjört
diss að fara taka einhverja mömmu á
þetta og benda honum á hversu óskyn-
samlegt þetta sé. Ef það væri hins vegar
maður einhvers annars þá myndi ég
sjálfsagt fussa og sveia.“
Gæinn sem þú ert að deita
gefur þér hjartalaga sælgæti og
bangsa með ísaumuðum ástar-
játningum? Hvað finnst þér? „Það
fer eftir því hvort það er „show-off“
rómantík eða eitthvað einlægt. Maður
sér nú vanalega í gegnum það strax.“
Bónorð? Er eitthvað bannað í
þeim efnum? „Ekki nú til dags held ég,
alla vega ekki miðað við YouTube-mynd-
böndin sem ég hef séð. Ég held samt að
ég, persónulega, myndi ekki vilja að það
yrði gert fyrir framan fullt af fólki.“
Gjafir á konudaginn. Eru titrandi
egg að taka við af blómum? „Eeee,
ég vona ekki. Selja þeir þau í búntum? Ég
myndi alla vega ekki vilja fá tylft titrara
á konudaginn.“
Ólöf Jara Skagfjörð leik- og söngkona
Pressan er á
strákunum