Dagblaðið Vísir - DV - 02.09.2011, Qupperneq 20
20 | Fréttir 2.–4. september 2011 Helgarblað
S
amhugurinn sem við höf-
um fundið hefur verið alveg
hreint ótrúlegur. Það hafa all-
ir staðið eins þétt við bakið á
okkur og hægt er,“ segir Her-
dís Eyjólfsdóttir, einn af aðstandend-
um Gísla Kr. Björnssonar og barna
hans.
Hanna Lilja Valsdóttir, eiginkona
Gísla, lést fyrir tveimur vikum eftir að
hún fékk blóðtappa í lunga. Hanna
Lilja gekk með tvíbura þegar hún lést
og fæddust tvær litlar stúlkur mánuði
fyrir tímann. Önnur þeirra, Valgerður
Lilja, lést aðeins vikugömul. Sigríður
Hanna dvelur nú á vökudeild Land-
spítalans og safnar kröftum.
Dafnar og styrkist
„Fjölskyldan er öll furðu sterk. Þau lifa
bara frá degi til dags eins og er. Gísli
er eins, hann tekur bara hvern dag fyr-
ir sig og þarf að glíma sjálfur við sína
sorg. Hann er sterkur og duglegur og
stendur sig vel, en áfallið er gífurlegt.
Þetta hefur þjappað fjölskyldunni
ótrúlega saman og þau eru sem ein
heild,“ segir Herdís og segist dást að
styrk Gísla og barnanna.
„Hún er orðin brött sú stutta, þegar
hún nær fullri fæðingarþyngd þá
verður það skoðað hvenær hún fær
að koma heim. Hún dafnar á hverjum
degi og styrkist. Þeir vilja halda henni
þarna áfram og það er læknanna að
ákveða hvenær hún kemur heim.
Starfsfólk vökudeildar er frábært, úr-
valsfólk. Það er haldið rosalega vel
utan um þau þarna.“
Vaktaskipti á vökudeild
Herdís segir að vinir og ættingjar Gísla
hafi skipt með sér vöktum á vökudeild
Landspítalans til þess að huga að Sig-
ríði Hönnu sem enn dvelur þar. Það
hefur létt undir með fjölskyldunni, en
Hanna Lilja og Gísli áttu tvö börn fyr-
ir, átta ára gamlan dreng og fjögurra
ára dóttur. Þau hafa bæði byrjað aft-
ur í leikskóla og skóla, og munu mót-
tökurnar í skólunum hafa verið ólýs-
anlegar. „Börnin og kennararnir tóku
svo fallega á móti þeim að ég á eigin-
lega engin orð yfir það,“ segir Herdís.
„Við erum bara að reyna að koma
lífi okkar aftur í fastar skorður,“ sagði
Gísli sjálfur í samtali við blaðamann
á miðvikudaginn. Hann vildi koma
á framfæri þakklæti fyrir allan þann
styrk og þær góðu kveðjur sem hon-
um og börnum hans hafa verið send-
ar undanfarnar vikur. Hann segist vera
klökkur yfir þeim samhug sem hon-
um hefur verið sýndur í kjölfar þeirra
hörmulegu atburða sem dunið hafa á
fjölskyldu hans. Á Facebook-síðu sína
ritaði hann síðasta mánudag.
„Kæru vinir. Ég vil þakka ykkur all-
ar góðar kveðjur og styrk sem þið haf-
ið sent mér, börnum mínum og fjöl-
skyldum okkar Hönnu. Athöfnin í dag
líður mér aldrei úr minni, né heldur
konan Hanna Lilja Valsdóttir sem ég
elska svo heitt og sakna svo sárt, og
dóttir okkar Valgerður Lilja, sem fékk
alltof stuttan tíma með okkur. Ljós
Liljanna minna tveggja lifir um ald-
ur og ævi í hjörtum okkar barnanna.
Hjartans kveðja, Gísli Kr.“
Allir gefa vinnu sína
Aðstandendur Gísla og fjölskyldunnar
hafa hópað sig saman og standa nú að
minningar- og styrktartónleikum um
Hönnu Lilju og fjölskylduna. Ástæðan
fyrir tónleikunum er tekjutap Gísla á
meðan hann sinnir börnum sínum og
styrkir þau í sorginni.
Herdís segir augljóst að lista-
mennirnir sem koma að tónleikunum
hafi verið meðvitaðir um sögu fjöl-
skyldunnar og ekki hafi staðið á nein-
um að taka þátt.
„Samúðin og velvildin er ótrúleg.
Við höfum fundið fyrir ótrúlegum
stuðningi. Í tengslum við tónleikana
þá var alveg sama hvert ég hringdi,
ef listamennirnir voru lausir þetta
kvöld, þá var það ekki spurning að
þeir myndu mæta. Allir sem koma að
tónleikunum gefa vinnu sína og við
fáum húsnæðið lánað frá Guðríðar-
kirkju. Meira að segja posann fáum
við frítt.“
Allir vilja aðstoða í
svona aðstæðum
Fólk hefur oft samband við listamenn
og biður þá um að taka þátt í minn-
ingartónleikum eða góðgerðartón-
leikum, en mikill fjöldi listamanna
hefur viljað leggja nafn sitt við tón-
leikana á mánudaginn og taka þátt í
þeim. Meðal þeirra sem ætla að koma
fram á eru Friðrik Ómar og Jógvan
Hansen. Friðrik Ómar segist ekki hafa
þurft mikinn umhugsunartíma þegar
haft var samband við hann, enda hafi
aðstæðurnar verið mjög sérstakar.
„Það er auðvitað mjög mikið
hringt í tónlistarmenn til að halda
svona tónleika, sérstaklega á haustin
og maður getur ekki alltaf gert allt, en
þessar aðstæður eru skelfilegar. Við
höfum það mjög gott við hin og það
er gott að geta gefið af sér vegna svona
málefnis.“
Þeir félagarnir ætla að taka tvö lög
á tónleikunum og Friðrik Ómar segir
að það hafi verið aðalmálið að koma
saman. „Það vilja allir hjálpa í svona
aðstæðum. Á mánudaginn er aðal-
málið að koma saman og styrkja gott
málefni,“ segir Friðrik.
Einvalalið tónlistarmanna
Á Facebook-síðu tónleikanna segir
meðal annars að tilgangur þeirra sé
að létta undir með fjölskyldunni fjár-
hagslega þar sem Gísli er tekjulaus á
meðan hann annast börn sín.
Tónleikarnir verða haldnir í Guð-
ríðarkirkju í Grafarvogi næstkomandi
mánudagskvöld og hefjast klukkan
20.30. Miðaverð er kr. 3.000 en einnig
er tekið á móti frjálsum framlögum í
styrktarsjóðinn. Þá er hægt að leggja
inn á söfnunarreikninginn: 0322-13-
700345, kt. 080171-5529.
Meðal þeirra sem koma fram á
tónleikunum eru Páll Óskar Hjálm-
týsson og Monika Abendroth hörpu-
leikari. Diddú, Anna Guðný Guð-
mundsdóttir píanóleikari, Friðrik
Ómar og Jógvan Hansen, Jón Jónsson,
Sigurður I. Snorrason klarínettuleik-
ari, Davíð Ólafsson, Stefán Helgi Stef-
ánsson, Helgi Már Hannesson píanó-
leikari, Gospeltónar, Jóhann Friðgeir
Valdimarsson og Gréta Salóme Stef-
ánsdóttir fiðluleikari.
Allar nánari upplýsingar um tón-
leikana má sjá á Facebook-síðu tón-
leikanna undir „Minningar- og styrkt-
artónleikar Hönnu Lilju Valsdóttur og
barna.“
Friðrik Ómar og Jógvan taka lagið
Friðrik Ómar segir að allir vilji hjálpa í að-
stæðum líkt og þeim sem fjölskyldan er í.
n Samúðin og velvildin ótrúleg n Styrktartónleikar fyrir tekjulausan föður
n Vaktaskipti á vökudeild n Sigríður Hanna vex og dafnar
„Hún er orðin
brött sú stutta“
„Hún dafnar
á hverjum
degi og styrkist.
Hanna Lilja og Valgerður Lilja
Mæðgurnar Hanna Lilja og Valgerður
Lilja voru jarðsettar á mánudaginn. Val-
gerður Lilja var vikugömul þegar hún lést.
Einn dag í einu Gísli og Hanna Lilja áttu saman
fjögur börn. Tvö þeirra eru á skólaaldri og byrjuðu
aftur í skólanum í þessari viku en fjölskyldan tekur
bara einn dag fyrir í einu.
Gísli og Hanna Lilja Gísli tekur sér frí frá störfum vegna aðstæðnanna sem fjölskyldan er í.
Sigríður Hanna kemst vonandi fljótt heim af vökudeildinni og þá verður nóg að gera á heimilinu.
Kemur fram Páll Óskar er einn þeirra
fjölmörgu tónlistarmanna sem koma fram á
tónleikunum á mánudaginn
Ásta Sigrún Magnúsdóttir
blaðamaður skrifar astasigrun@dv.is