Dagblaðið Vísir - DV - 02.09.2011, Qupperneq 22

22 | Fréttir 2.–4. september 2011 Helgarblað
Klæðningar og viðgerðir
á gömlum húsgögnum
Iðnbúð 5 - 210 Garðabæ - Sími: 554 1133 - asgrimur@bolstra.is
B
jörn Ingi Sveinsson, fyrr­
verandi framkvæmdastjóri
Saxbyggs og stjórnarmað­
ur í Glitni, virðist enn koma
að mörgum fasteignaverk­
efnum í Berlín. Situr hann í stjórn
tveggja fasteignafélaga í borginni.
Félagið Saxbygg var nokkuð stór­
tækt þar í borg. Það var í eigu Nóa­
túnsfjölskyldunnar og Bygginga­
félags Gylfa og Gunnars. Saxbygg
Invest, dótturfélag Saxbyggs skildi
eftir sig 42 milljarða króna gjald­
þrot á Íslandi en einungis fengust
0,07 prósent upp í kröfur félagsins.
Stærsta eign Saxbygg Invest
var fimm prósenta hlutur í Glitni
sem að mestu var fjármagnaður
með láni frá Kaupþingi. Var Sax­
bygg fimmti stærsti hluthafi Glitn­
is. Þrátt fyrir að fyrri eigendur Sax­
byggs hafi skilið eftir sig milljarða
króna gjaldþrot á Íslandi virðast
þeir enn tengdir fasteignaverkefn­
um í Berlín í gegnum félagið Volc­
an Partners B.V. sem skráð er í Hol­
landi en hét áður Saxbygg Invest
B.V. og var skráð með sama heim­
ilisfang og Volcan Partners í Tilburg
í Hollandi.
„Ég ætla ekki að tjá mig um það.
Félagið Saxbygg Invest B.V. er ekki
lengur til en heitir Volcan Parnters
B.V. í dag,“ segir Björn Ingi Sveins­
son aðspurður hvort ekki sé rétt að
félag tengt fyrrverandi eigendum
Saxbyggs eigi enn hlut í fasteigna­
félögum í Berlín.
Björn Ingi segist vinur Þjóðverja
sem voru reknir
Þeir Werner Jenke og Kai Ren­
ken, sem voru starfsmenn Liegen­
schaftsfonds fasteignafélags í eigu
Berlínarborgar, voru reknir fyrr á
þessu ári fyrir að hafa persónulega
komið að fasteignaverkefnum með
Íslendingum, samfara því að sjá um
sölu eigna fyrir Berlínarborg. Kai
Renken sat bæði í stjórn Berlin To­
wers GmbH og Ice­Invest GmbH,
félaga sem Saxbygg fjárfesti í. Upp­
haflega ætluðu umræddir starfs­
menn að selja FL Group 45 fast­
eignir upp á 100 milljónir evra árið
2007 en ekkert varð af því vegna
mótmæla stjórnmálamanna í Berl­
ín.
Fjölmiðlar í Berlín hafa flutt
margar fréttir af tengslum þeirra
Jenkes og Renkens við íslenska
fjárfesta undanfarna mánuði. Hafa
meðal annars verið uppi háværar
raddir um að Holger Lippmann,
forstjóri félagsins, segði af sér vegna
þátttöku tveggja starfsmanna hans
í verkefnum með íslenskum fjár­
festum. Der Tagesspiegel, Berliner
Zeitung, Welt Online og Berliner
Morgenpost hafa fjallað um mál­
ið. „Þetta eru bara vinir mínir. Ég er
alltaf í sambandi við vini mína. Hef
átt í samskiptum við þessa menn í
mörg ár og þá sérstaklega Kai Ren­
ken,“ segir Björn Ingi aðspurður
um tengsl sín við umrædda menn
sem voru reknir fyrr á þessu ári.
Magnús Ármann og Saxbygg í
Berlin Towers
Þekktasta verkefnið sem Sax­
bygg tengist í Berlín er líklega
Berlin Towers. Samkvæmt fund­
argerð lánanefndar Glitnis frá því
í nóvember árið 2007, sem birtist
í skýrslu rannsóknarnefndar Al­
þingis, óskaði fjárfestingarfélagið
Saxbygg eftir 25 milljónum evra að
láni til byggingarverkefna í Berlín.
Var um að ræða þrjú verkefni og var
Berlin Towers eitt þeirra. Björn Ingi
sat í stjórn Glitnis frá því í lok apríl
árið 2007 og þar til bankinn fór í
þrot haustið 2008. Bæði Saxbygg og
félag Magnúsar Ármann fjárfestu í
Berlin Towers.
Berlin Towers GmbH á eignir
upp á um 8,4 milljónir evra, eða
nærri 1,4 milljarða íslenskra króna.
Skuldir félagsins nema 5,8 millj­
ónum evra, nærri 950 milljón­
um íslenskra króna. Þeir Björn
Ingi Sveinsson og Kai Renken
sátu í stjórn Berlin Towers en
fóru úr stjórn á árunum 2009 og
2010. Björn Ingi situr í dag í stjórn
Warten berger straâe 24 GmbH og
Ice­Invest GmbH en talið er að
aflandsfélög sem tengjast fyrri eig­
endum Saxbyggs eigi hlut í félög­
unum tveimur. Kai Renken sat líka í
stjórn Ice­Invest. „Það má vel vera,“
sagði Björn Ingi þegar blaðamaður
spurði hvort ekki væri rétt að hann
sæti enn í stjórnum umræddra
félaga. „Ég er bara að vinna fyrir
erlenda aðila sem eiga þetta,“ segir
hann aðspurður um af hverju hann
sitji enn í stjórn fyrir félagið Volcan
Partners B.V. sem áður hét Saxbygg
Invest B.V.
Búið að semja við skiptastjóra
Saxbyggs
Árið 2009 bárust fréttir af því
að Einar Gautur Steingrímsson,
skiptastjóri þrotabús Saxbyggs,
hefði stefnt fyrri eigendum Sax­
byggs vegna sölu á erlendum fast­
eignaverkefnum til félaga þeirra.
Veitti Saxbygg 5,3 milljarða króna
lán til þriggja félaga sem komu að
fasteignaverkefnum í Bretlandi,
Þýskalandi og Noregi. Björn Ingi
er framkvæmdastjóri umræddra
félaga í dag og eru þau skráð í pers­
ónulegri eigu sömu aðila og áttu
Saxbygg fyrir hrun.
„Það liggur fyrir fullkomið sam­
komulag um uppjör á milli Sax­
byggs og þeirra aðila sem að því
stóðu. Það er enginn ágreining­
ur þar um,“ segir Björn Ingi um
stefnu skiptastjóra Saxbyggs. Einar
Gautur Steingrímsson, skiptastjóri
Saxbyggs, staðfestir að búið sé að
semja um erlendar eignir félagsins.
„Það er búið að ná sáttum og sam­
komulagi um málið í heild sinni.
Það fól í sér að eignir í London voru
orðnar lítils virði og samkomulagið
tók tillit til þess. Eignir í Þýska­
landi verða gerðar upp samkvæmt
matsgerð og er búið að borga inn
á þær. Samkomulag hefur einnig
verið gert um fasteignirnar í Nor­
egi,“ segir Einar Gautur í samtali
við DV. Enn virðist þó allt á huldu
um það hvort fyrri eigendur Sax­
byggs haldi enn utan um erlendu
fasteignirnar og þá jafnvel í gegn­
um aflandsfélög. Líkt og áður kom
fram neitar Björn Ingi, fyrrverandi
framkvæmdastjóri Saxbyggs og nú­
verandi framkvæmdastjóri fjögurra
félaga sem enn er í eigu fyrrverandi
eigenda Saxbyggs, að upplýsa um
eignarhaldið.
n Saxbygg seldi erlendar fasteignir sínar út úr félaginu árið 2008 n Búið að semja við skiptastjóra sem krafðist
riftunar árið 2009 n Björn Ingi Sveinsson, fyrrverandi framkvæmdastjóri Saxbyggs, enn í stjórn félaga í Berlín
„Þetta eru bara vin-
ir mínir. Ég er alltaf
í sambandi við vini mína.
Björn Ingi enn í stjórnum
fasteignafélaga í Berlín
Berlin Towers Hér má sjá tvær stórar blokkir í Berlín sem eru í eigu félagsins Berlin Towers
GmbH en Saxbygg og félag Magnúsar Ármann komu að kaupum á því árið 2007.
Annas Sigmundsson
as@dv.is
Viðskipti
Neitar að upplýsa um eignarhald
Björn Ingi Sveinsson, fyrrverandi fram-
kvæmdastjóri Saxbyggs og stjórnarmaður í
Glitni, neitar að upplýsa um það hverjir séu
eigendur að tveimur þýskum fasteigna-
félögum þar sem hann situr enn í stjórn.
MyNd: FréTTaBlaðIð
Félag Staða
Aldersgate Invest ehf. Framkvæmdastjóri
Brandenburg Invest ehf. Framkvæmdastjóri
Cromwell Holdings ehf. Framkvæmdastjóri
Stenias ehf. Framkvæmdastjóri
Wartenberger straâe 24 GmbH Stjórnarmaður
Ice-Invest GmbH Stjórnarmaður
Stjórnarseta Björns Inga Sveinssonar í dag:
*Fjögur fyrst töldu félögin eru íslensk félög um erlenda starfsemi sem Saxbygg átti.
Hin tvö eru þýsk félög sem talin eru tengd fyrrverandi eigendum Saxbyggs.