Dagblaðið Vísir - DV - 02.09.2011, Blaðsíða 24

24 | Fréttir 2.–4. september 2011 Helgarblað
H
ann kemur mér fyrir sjón-
ir sem mjög heilsteypt-
ur og heiðarlegur maður
og mjög gestrisinn væg-
ast sagt,“ segir Halldór Jó-
hannsson, aðstoðarmaður Nubos á
Íslandi.
„Sem dæmi þá finnst honum
mikilvægt að þeir sem hann er að
kaupa af komi í heimsókn til hans
í Kína til að þeir fái traust á því sem
hann er að gera. Þar er ekki græðg-
in að leiðarljósi, hann þarf ekki að
gera þetta.“
Huang Nubo, auðkýfingurinn og
ævintýramaðurinn sem er að reyna
að kaupa Grímsstaði á Fjöllum,
fæddist í júní 1956 í Lanzhou í Kína
og er því nýorðinn 55 ára gamall.
Hann er nú búsettur í Peking, höf-
uðborg Kína.
Nubo er stofnandi, eigandi og
jafnframt stjórnarformaður fast-
eignafélagsins Zhongkun Group.
Hann er ljóðskáld og mikill útivist-
armaður og hefur gengið á hæstu
fjöll í öllum heimsálfum. Þá hef-
ur hann bæði ferðast á Norður- og
Suðurpólinn.
Töluverð dulúð ríkir yfir auð-
kýfingnum, en óhætt er að segja að
það sé á huldu hvernig hann auðg-
aðist og komst á þann stað sem
hann er á í dag.
Gerði bindandi kauptilboð
Mikið hefur verið fjallað um Nubo í
fjölmiðlum síðustu daga, bæði hér
á landi og erlendis, vegna fyrirhug-
aðra kaupa Zhongkun Group á 300
ferkílómetra jörð á Grímsstöðum á
Fjöllum, en það eru um 0,3 prósent
af öllu flatarmáli Íslands.
Jörðin á Grímsstöðum er ein sú
stærsta á landinu og Nubo mun
vera tilbúin að greiða fyrir hana
milljarð króna, sem er líklega hæsta
verð sem greitt hefur verið fyrir jörð
hér á landi. Nubo vill reisa fimm
stjörnu glæsihótel á svæðinu ásamt
hestabúgarði og átján holu golfvelli.
Hann vill tengja saman þjóð-
garðana tvo, Vatnajökulsþjóðgarð
og þjóðgarðinn í Jökulsárgljúfrum
og hefur sveitarstjórnin í Norður-
þingi skrifað undir viljayfirlýsingu
um samstarf við Nubo um verk-
efnið.
25 prósenta hlutur umræddrar
jarðar er í eigu íslenska ríkisins en
75 prósent í eigu nokkurra land-
eigenda. Samkvæmt Halldóri Jó-
hannssyni, aðstoðarmanni Nubos
hér á landi, hefur hann nú þegar
gert bindandi kauptilboð í 72,19
prósenta hlut í jörðinni. Tilboðið er
þó gert með þeim fyrirvara að bæði
íslensk og kínversk stjórnvöld sam-
þykki kaupin.
Samkvæmt íslenskum lögum
er erlendum aðilum utan EES-
svæðisins ekki heimilt að kaupa
jarðir hér á landi, en hægt er að
sækja um undanþágu til innan-
ríkisráðuneytisins. Staðfest hefur
verið að Zhongkun Group hafi lagt
inn umsókn fyrir slíkri undanþágu
síðastliðinn miðvikudag og hefur
Ögmundur Jónasson innanríkis-
ráðherra sagt að umsóknin verði
skoðuð óháð þjóðerni umsækj-
anda.
Hann hefur þó lýst því yfir, bæði
í innlendum fjölmiðlum og erlend-
um, að nauðsynlegt sé að fara vel
yfir fyrirætlanir Nubos áður en gef-
ið verði á þær grænt ljós.
Munaðarlaus milljarða­
mæringur
Nubo var í 161. sæti á lista Forbes
yfir ríkustu menn í Kína árið 2010.
Eignir hans eru metnar á rúm-
lega 100 milljarða íslenskra króna.
Hann hefur þó komist töluvert ofar
en það. Árið 2006 var hann í 36.
sæti, en síðan þá hefur hann jafnt
og þétt færst neðar á listanum. Árið
2008 var hann í 72. sæti en ári síðar
var hann kominn niður í sæti 114.
Þrátt fyrir að vera milljarðamær-
ingur í dag hefur Nubo ekki allt-
af verið með fullar hendur fjár. Þá
hefur hann einnig þurft að upplifa
bæði sorgir og svik í lífinu og þyk-
ir töluvert brenndur af því. Hann
missti báða foreldra sína ungur að
árum. Faðir hans lést í menning-
arbyltingu Maós Zedong og móðir
hans lést af slysförum skömmu síð-
ar. Tíu ára gamall var Nubo því orð-
inn munaðarlaus.
Þeir Íslendingar sem þekkja til
Nubos og DV ræddi við vissu ekki
hvað varð um hann þegar foreldr-
ar hans létust, en líklegt er að hann
hafi farið á einhvers konar heimili
fyrir munaðarlaus börn.
Svikinn af félaga
Að missa foreldra sína er þó ekki eina
áfallið sem Nubo hefur orðið fyrir í
einkalífinu, en á þeim árum sem fer-
ill hans í viðskiptum var að rísa þá fór
eiginkona hans frá honum.
Á svipuðum tíma sveik besti
vinur hans og viðskiptafélagi hann
mjög illa. Sá var einnig hátt settur í
Zhongkun Group. Nubo mun hafa
tekið svikin mjög nærri sér og nán-
ast misst trúna á mannkynið í kjöl-
farið.
„Minning er eitur og þú munt
verða sár, ég fæ mig varla til að rifja
upp fortíðina,“ hefur verið haft eftir
honum, en hann tjáir sig gjarnan á
ljóðrænan hátt. Nubo talar yfirleitt
frekar um sig sem ljóðskáld en fjár-
festi og er meðal annars meðlimur í
kínverska rithöfundasambandinu,
fulltrúi í ljóðastofnun Kína og vinn-
ur við rannsóknir hjá ljóðarann-
sóknarstofnun Peking-háskóla.
Þá hefur Nubo einnig í um ára-
tug verið aðalstyrktaraðli Kínversk-
íslenska menningarsjóðsins hér á
landi.
Dýrasta flík sögunnar
Fyrstu kynni Nubos af Íslandi voru
á háskólaárunum, en hann stund-
aði nám í Peking-háskóla ásamt
Hjörleifi Sveinbirnssyni. Þeir lentu
saman í herbergi á heimavistinni
og tókst með þeim góður vinskap-
ur. Hjörleifur hefur þó ekki viljað
eigna sér heiðurinn af þeim millj-
arðaframkvæmdum sem Nubo hef-
ur hug á hér á landi.
„Maður getur auðvitað sagt að ef
það hefði ekki verið þá hefði hann
sjálfsagt aldrei heyrt um Ísland eða
tekið sérstaklega eftir því,“ sagði
Hjörleifur þó í samtali við DV í síð-
ustu viku, og vísar þar til vinskaps
þeirra félaga.
Hjörleifur sagði einnig frá því
í viðtali í fréttum Stöðvar 2 að
móðir hans hefði hefði sent hon-
um lopapeysu einn kaldan vet-
ur á háskólaárunum og gaf hann
Nubo peysuna. Mun Nubo hafa
viljað endurgjalda þessa gjöf með
framkvæmdum sínum á Íslandi.
Hjörleifur gantaðist með að líklega
væri lopapeysan umrædda því dýr-
asta flík sögunnar.
Valinn af flokknum
Eins og áður sagði þá er lítið vitað
hvað Nubo aðhafðist á árunum frá
því að hann missti foreldra sína og
þangað til hann hóf háskólanám í
bókmenntum við Peking-háskóla.
Á þeim tíma var menningarbylt-
ingunni að ljúka og valið var inn í
háskólana í Kína eftir bakgrunni
einstaklinga. Það má því ætla að
Nubo hafi annaðhvort verið vel
tengdur inn í Kommúnistaflokkinn
eða verið afburðanemandi og þótt
skara það mikið fram úr að hann
fékk inni í háskólanum.
Hjörleifur sagðist í samtali við
DV ekki vita hvernig það kom til að
Nubo hóf nám við skólann. Hann
staðfesti hins vegar að hann hefði
verið afburðanemandi og sagði
hann mjög kláran.
„Það þarf ekki mjög klókan aðila
til að átta sig á því að maður sem er
settur í herbergi með fyrstu útlend-
ingunum sem koma í háskólann í
Peking hlýtur að hafa verið talinn
mjög heilsteyptur maður af flokkn-
um,“ segir Halldór Jóhannsson, sem
augljóslega telur það enga tilvilj-
un að Hjörleifur og Nubo hafi lent
saman í herbergi á heimavistinni.
Miðað við orð Halldórs, sem
þekkir ágætlega til Kína, má draga
þá ályktun að Kommúnistaflokkur-
inn hafi valið Nubo inn í skólann.
Starfaði í áróðursmála­
ráðuneytinu
Eftir að Nubo lauk háskólanámi
starfaði hann meðal annars fyrir
áróðursmálaráðuneyti kínverska
Kommúnistaflokksins, sem og hjá
ráðuneyti uppbyggingarmála.
Nubo staðfesti sjálfur í viðtali
við fréttamiðilinn China Daily í
vikunni að hann hefði starfað fyrir
Kommúnistaflokkinn. Hann sagð-
ist þó einungis hafa verið venju-
legur embættismaður og þvertók
fyrir að tengjast flokknum á nokk-
urn hátt í dag. „Það er fáránlegt að
draga þá ályktun að fyrirtækið mitt
sé styrkt af yfirvöldum,“ sagði Nubo
við China Daily.
Í samtali við fréttamiðilinn sagð-
ist hann fyrst hafa komið til Íslands
vegna ljóðahátíðar Kínversk-ís-
lenska menningarsjóðsins í fyrra.
„Landslagið heillaði mig upp úr
skónum og íslenskir viðskiptamenn
tjáðu mér að þeir hefðu áhuga á að
laða kínverska fjárfesta að landinu,“
sagði Nubo um það hvers vegna
hann hefði svo mikinn áhuga á Ís-
landi.
Að starfa fyrir Kommúnista-
flokkinn á þessum tíma hefur vissu-
lega verið stökkpallur fyrir Nubo út
í lífið, en eftir að hann lét af störf-
um þar um miðjan tíunda áratug
síðustu aldar stofnaði hann Zhong-
kun Group. Fyrirtækið var smátt í
sniðum í fyrstu en óx hratt og dafn-
aði í það stórveldi sem það er í dag.
Sannur vinur vina sinna
Nubo á nokkra góða vini hér á
landi. Eins og Hjörleifur þá er
Ragnar Baldursson einnig góður
vinur Nubos, en þeir þrír hafa til
dæmis gengið saman á Norðurpól-
inn. Halldór, aðstoðarmaður Nu-
bos, kynntist honum fyrir ári síðan
og hefur upp frá því haldið ágætis-
sambandi við hann.
Halldór segir Nubo vera traust-
an mann og sannan vin vina sinna.
Það lýsir því kannski ágætlega hve
góður vinur hann er, að þegar Hall-
dór var staddur í Kína fyrir skömmu
ásamt börnunum sínum þá átti
sonur hans afmæli. „Nubo frétti af
n Huang Nubo varð ungur munaðarlaus n Var svikinn af félaga sínum og missti trúna
á mannkynið n Var valinn af kommúnistaflokknum inn í Peking­háskóla n Heil­
steyptur og heiðarlegur maður, segir félagi hans n Vill kaupa 0,3 prósent af Íslandi
Dularfulli Kínverjinn
sem kaupir Ísland
Sólrún Lilja Ragnarsdóttir
solrun@dv.is
Úttekt
Viljayfirlýsing Bergur Elías Ágústsson, sveitarstjóri í Norðurþingi, og Huang Nubo skrifa
hér undir viljayfirlýsingu um samstarf. MyND HallDór JóHaNNSSoN„Hann kemur mér
fyrir sjónir sem
mjög heilsteyptur og heið-
arlegur maður og mjög
gestrisinn vægast sagt.