Dagblaðið Vísir - DV - 23.04.2014, Blaðsíða 21

Helgarblað 23.–28. apríl 2014 Fréttir 21
Dekkverk WWW.DEKKVERK.IS578 7474
OPIÐ ALLA DAGA frá 10–19 // ÓDýr ný Dekk // LYnGáS 20, GArÐABÆ
Stefnir í tveggja
milljarða afskriftir
n Björn samdi við kröfuhafa Þreks n Útrásarfélagið situr eftir
E
itt af eignarhaldsfélögun­
um sem var í óbeinni eigu
Björns Leifssonar í World
Class skuldar rúma 2,2 millj­
arða króna umfram eignir. Um
er að ræða félagið Þrek Holding ehf.
sem var í eigu Þreks ehf., móðurfélags
World Class, sem varð gjaldþrota nú í
febrúar. Félagið á nánast engar eign­
ir, á annað hundrað þúsund, á móti
nærri rúmlega 2,2 milljarða skuldum,
samkvæmt ársreikningi félagsins fyrir
2012. Ljóst er því að það stefnir í af­
skriftir á kröfum hjá Þrek Holding ehf.
Félagið Þrek ehf., sem Björn átti
og sem í dag heitir ÞS69 ehf., eftir
að hafa verið tekið til gjaldþrota­
skipta árið 2010, hélt utan um 50
prósenta hlut í Þrek Holding ehf. á
móti jafn stórum eignarhluta fjár­
festingarbankans Straums. Meðfjár­
festir Björns var félag í eigu Guð­
mundar Ágústs Péturssonar. Þrek
Holding ehf. hélt svo aftur utan um
eignarhluti í líkamsræktarstöðvum í
Danmörku sem Björn og Straumur
keyptu saman.
Útrásin sligaði Björn
Björn hefur aldrei farið í grafgötur
með að útrás hans til Danmerkur
hafi verið mistök. Hann segist hafa
fengið slæma fjárfestingarráðgjöf
frá Straumi í viðskiptunum en hluti
af viðskiptunum við bankann sner­
ist meðal annars um að hann gekkst
í sjálfskuldarábyrgð upp á 10,2 millj­
ónir danskra króna vegna lánsins frá
Straumi.
Um tíma leit út fyrir að Björn
færi í persónulegt gjaldþrot út af
sjálfskuldarábyrgðinni og lýsti hann
því yfir í viðtali við Viðskiptablað­
ið í október 2009. „Ég er á leiðinni í
gjaldþrot,“ sagði Björn í viðtalinu. Í
viðtalinu kenndi Björn Straumi um
vandræði sín: „Vandann sem ég er að
glíma við má rekja til ævin týralega
vitlausra ráðlegginga frá Straumi
þegar ég og viðskiptafélagi minn,
Guðmundur Ágúst Pétursson, keypt­
um helmingshlut í dönsku líkams­
ræktarfyrirtæki.“
Björn náði hins vegar að forðast
persónulegt gjaldþrot — ástæðan
fyrir því liggur ekki fyrir — og er hann
eigandi World Class í dag ásamt
konu sinni, Hafdísi Jónsdóttur.
Rót vanda Björns
Segja má að Danmerkurviðskiptin í
gegnum Straum séu rót vandamála
Björns Leifssonar í World Class en
auk þess að vera sjálfur í persónuleg­
um ábyrgðum vegna lána sem tek­
in voru til að fjármagna verkefnið í
Danmörku þá var móðurfélag World
Class á Íslandi einnig í ábyrgðum
fyrir lánum félagsins. Erfiðleikarnir
snúast því ekki um rekstur World
Class sem líkamsræktarstöðvar held­
ur frekar um fjárfestingu og skuld­
setningu sem stóð ekki undir sér.
Þessar ábyrgðir áttu stóran þátt
í að leiða til gjaldþrots móðurfé­
lags World Class á Íslandi en í að­
draganda þess seldi Björn rekstur
líkamsræktarstöðvanna út úr fé­
laginu og til annars félags í sinni eigu
fyrir 25 milljónir króna árið 2009.
Það félag, móðurfélag World Class
og rekstraraðili þess, heitir í Þrek ehf.
Skiptastjóri Þreks ehf. höfðaði síðar
mál til að reyna að fá sölunni á lík­
amsræktarstöðvunum rift en dóm­
kvaddur matsmaður taldi verðmæti
World Class vera um 800 milljónir og
því nam kaupverðið um 3 prósent­
um af ætluðu verðmæti félagsins.
Í viðtali við DV.is í febrúar sagði
Björn að í umfjölluninni um skulda­
stöðu félaga sem tengdust World
Class væri alltaf verið að ræða um
sama lánið: Lán Þrek Holding ehf. hjá
Straumi og þær ábyrgðir sem fylgdu
því láni. „Einu skuldirnar sem eru
inni í þessu félagi í dag eru skuldirn­
ar við Straum sem Þrek var í ábyrgð
fyrir […] Það er alltaf sama lánið sem
verið er að skrifa um; þetta lán sem
Þrek var í ábyrgð fyrir. Straumur lán­
aði í raun og veru þessu félagi á sín­
um tíma og svo voru Þrek og Sport
fitness [annar hluthafi í dönsku lík­
amsræktarstöðvunum] í ábyrgð fyr­
ir því.“
Björn sagðist ekki hafa komið að
rekstri þessa félags, Þreks Holdings
ehf., síðan Straumur leysti það til sín
árið 2009: „Þetta er bara félagið sem
hélt utan um hlut okkar í fyrirtæki í
Danmörku. Straumur leysti þetta
félag til sín á sínum tíma. Síðan var
bara ákveðið að loka þessu.“
Sagðist ekkert hafa
fengið afskrifað
Björn skrifaði grein í Kópavogsblaðið
nú í apríl þar sem hann bar til baka
fréttir þess efnis að hann hefði feng­
ið afskrifað. „Hvorki ég né fyrirtæki á
mínum vegum hafa fengið afskriftir.
Ég hef verið hjá sama viðskiptabanka
í tæp þrjátíu ár. Ekkert fyrirtækja
minna og engin kennitala hjá mér er
gjaldþrota. Ég er hvorki kennitölu­
flakkari né afskriftarkóngur.“
Ljóst er hins vegar að uppgjör á
Þrek Holding ehf. mun ekki fara fram
án þess að einhverjar niðurfærslur
krafna eigi sér stað en þetta má áætla
út frá ársreikningi félagsins fyrir árið
2012 þar sem skuldir umfram eignir
námu meira en tveimur milljörðum
króna.
Búið gert upp í sátt
Sigubjörn Þorbergsson, skiptastjóri
Þreks ehf., segir að Björn Leifsson
hafi gert upp við kröfuhafa Þreks og
að málefni félagsins sé ekki leng­
ur á hans höndum. Hann vill ekki
gefa upp hvort, eða þá hversu mik­
ið, Björn greiddi upp í útistandandi
kröfur á hendur félaginu. „Þau fengu
búið sitt bara til baka. Þeir [kröfuhaf­
arnir] voru bara sáttir, held ég.“
Sigubjörn höfðaði fjögur riftun­
armál gegn Birni og félögum hans
vegna meðferðarinnar á eignum
Þreks ehf. í aðdraganda gjaldþrots
félagsins en þeim málaferlum lauk
með áðurnefndum hætti: Björn
komst að samkomulagi við kröfu­
hafa Þreks ehf. um uppgjör á skuld­
um félagsins.
Sigurbjörn segir að hann geti ekki
greint frá því hversu háar kröfurn­
ar voru í bú félagsins. „Björn náði
bara samkomulagi við þá. Það voru
allir mjög sáttir. Þeir afturkölluðu svo
bara kröfur sínar,“ segir Sigurbjörn.
„Málinu er lokið hvað mig varðar og
það gengu allir sáttir frá þessu borði.“
Skiptastjórinn fyrrverandi seg­
Stefna DV
Björn Leifsson og Hafdís Jónsdóttir
hafa stefnt DV fyrir brot á friðhelgi
einkalífs þeirra vegna umfjöllunar
blaðsins um fjárhagsmálefni þeirra og
World Class síðastliðin ár. Umfjöll-
unin snerist um gjaldþrot Þreks ehf.
og afleidd málefni sem rekja má til
útrásarinnar til Danmerkur. Í stefnu
þeirra Hafdísar og Björns segir meðal
annars:
„Atlaga stefnda var óvægin og
langvinn, stóð allt frá október 2009
til febrúar 2014. Engu breytti fyrir
stefnda, þótt Björn Kr. Leifsson legði
spilin á borðið fyrir starfsmann
stefnda í viðtali sem stefndi birti
30. nóvember 2009. Stefndi lét
ekki nægja að birta viðtalið, heldur
endurnýtti það sem fram kom í því
trekk í trekk með það að markmiði að
koma inn hjá þjóðinni að stefnendur,
Björn og Hafdís, væru óreiðufólk; fólk
sem flutt hefði verðmæti úr gjaldþrota
félagi í annað félag, hlypu frá skuldum
og skildu kröfuhafa eftir í sárum;
fólk sem stundaði kennitöluflakk;
fólk sem nyti náðar í bankakerfinu;
fólk sem setti blett á bæjarhátíð
vegna þess að stefnandinn Laugar
ehf. gæfi sigurvegara í fjallgöngu-
keppni bæjarhátíðarinnar verðlaun;
fólk sem lifði hátt og gæti leyft sér
að fara til útlanda í frí. Til að prýða
frétt af meintu lúxuslífi birti stefndi í
heimildarleysi myndir úr fjölskylduferð
til að sýna þjóðinni hvernig þeir gætu
lifað sem hlypu frá skuldum sínum og
fyrirtækja sinna. Með þessari atlögu
fór stefndi á svig við 26. gr. laga um
fjölmiðla nr. 38/2001 og kynnti með
markvissum hætti undir hatri á stefn-
endum, en bann er lagt við slíku í 27. gr.
fjölmiðlalaga.
Stefnendur og fyrirtæki þeirra voru
eins og meginþorri íslenskra fyrirtækja
eftir efnahags- og bankahrunið hér á
landi í október 2008 í fjárhagsvanda.
Fjármál einstaklinga og fyrirtækja,
eignir þeirra og skuldir eru einkamál
sem allan almenning varðar ekkert
um. Varði samfélagið um þessi mál
eiga þau ekki að vera síendurtekið
umfjöllunarefni fjölmiðla með þeim
hætti sem stefndi viðhafði. Hvorki
stefnendur né nokkurt félag sem
stefnendur hafa átt og rekið hafa
stundað kennitöluflakk með það að
markmiði að skilja kröfuhafa þeirra
eftir með sárt enni og glatað fé. Við
fjárhagslega endurskipulagningu
rekstrar stefnenda og félaga þeirra
var í einu og öllu farið að lögum og
óvilhallir og sjálfstæðir dómstólar
látnir skera úr um ágreiningsefni.
Þessi vinnubrögð skiluðu sér í því að
ÞS69 ehf., sem knúið var í gjaldþrot
með mjög sérstökum aðgerðum eins
kröfuhafa, gekk frá öllum skuldum sín-
um og fengu eigendur þess það afhent
á ný. Ekkert milljarða gjaldþrot varð og
hvorki Björn Kr. Leifsson, Hafdís Jóns-
dóttir né nokkurt félag á þeirra vegum
hljópst frá skuldbindingum sínum.“
ist ekki vita hvort uppgjörið á Þrek
Holding hafi verið hluti af uppgjöri
Björns við kröfuhafa Þreks Holding
ehf., samt var Þrek eigandi Þreks
Holdings. „Ég veit ekkert um það.“
Miðað við skuldastöðu Þreks
Holding þá liggur hins vegar fyrir að
afskrifa þarf stóran hluta af skuld­
um félagsins. Engar eignir eru á bak
við skuldirnar og í raun takmarkað­
ir hagsmunir inni í félaginu. Þetta
er félagið sem stofnað var utan um
útrás World Class og sem gerði það
að verkum að eigendur World Class
seldu líkamsræktarstöðvarnar til
annars fyrirtækis í kjölfar hrunsins. n
Ingi Freyr Vilhjálmsson
ingi@dv.is
„Ég
er á
leiðinni í
gjaldþrot
Tveggja milljarða skuldir
Félagið sem stóð fyrir útrás
Björns Leifssonar til Danmerkur
er gjaldþrota og skuldar tvo millj-
arða umfram eignir. Mynd Rakel ÓSk
erfiðleikar vegna útrásar World Class
lenti í erfiðleikum vegna útrásarinnar til
Danmerkur á árunum fyrir hrun en svo virðist
sem búið sé að vinda ofan af fyrirtækinu.