Dagblaðið Vísir - DV - 23.04.2014, Blaðsíða 28

28 Umræða Helgarblað 23.–28. apríl 2014
Þrjú ráð fyrir Sith-ráðstefnuna í Háskólabíói
Þ
að vita þetta fáir en Svarthöfði
var einu sinni í sértrúarsöfn-
uði. Sem ungur maður gekk
hann í söfnuðinn og lærði þar
sínar mikilvægustu lífslexíur. Þess
vegna fagnar Svarthöfði því að Sith-
reglan sé loksins, árið 2014, að ryðja
sér til rúms á Íslandi.
Það sem Svarthöfði lærði í
reglunni var að vera ætíð á tánum.
Lærimeistari Svarthöfða hataði hann
og hatrið var gagnkvæmt, en þó var
ákveðin óttablandin ást og virðing
fólgin í sambandinu. Svarthöfði á
erfitt með að útskýra þetta enda var
umrætt skeið í lífi hans sveipað mik-
illi óreiðu.
Meginstólpinn í heimspeki
Sith-reglunnar er að verða hvað
sterkastur, svo þú lifir af, en leiðin til
þess er stöðugt mótlæti. Þannig var
það alsiða að lærisveinar reyndu að
drepa lærimeistara sína ef færi gafst,
og lærimeistarinn sendi lærisvein-
inn í þungar þrautir. Það var eins
konar samlífi, þar sem kennari og
nemandi voru sífellt upp á sitt besta.
Eða dauðir.
Svarthöfði minnist þessara tíma
með hlýjum hug, úr blokkaríbúð-
inni í Breiðholti yfir eðalkaffi frá Kól-
umbíu. Það fór því notalegur ylur um
hann þegar hann sá auglýsingu frá
manni sem hyggst kenna fólki lög-
mál Sith-reglunnar. Sá maður var
hluti af þeim jarðneska söfnuði sem
mest svipar til Sith-reglunnar; Wall
Street.
Auglýsingin var þó, líkt og alltof
margt á jörðinni, uppfull af hræsni.
Það er ekki sagt einfaldlega: „Sith-
ráðstefna Jordan Belfort“, heldur þarf
að tala undir rós og kalla hana „sölu-
ráðstefnu“. En Svarthöfði veit vel að
ráðstefnuboðið er prófsteinn og boð
frá einum farsælasta Sith-meistara
jarðarinnar. Svarthöfða er annt um
lesendur sína þannig að hann ætlar
að gefa hér nokkur góð ráð í þessu
samhengi.
Í fyrsta lagi, farðu á Sith-ráðstefn-
una. Þú sérð ekki eftir því, ekki frekar
en Svarthöfði.
Í öðru lagi, ekki borga þig inn á
hana. Svarthöfði telur augljóst að þar
sé Darth Belfort að prófa væntanlega
lærisveina. Hvaða fífl myndi borga 50
þúsund krónur inn á ráðstefnu? Veit
fólk hversu mörg kíló af arabica-kaffi
það eru? Darth Belfort vill augljós-
lega að þú svindlir þér inn, eða beitir
annars konar kænsku og blekkingum
à la Wall Street.
Í þriðja lagi, lærðu og sigraðu. Til-
einkaðu þér það sem Darth Belfort
segir. Hræsni jarðarbúa er takmarka-
laus þannig að hann verður ekki eins
skýrmæltur og meistari Svarthöfða á
sínum tíma, sem hvatti hann til þess
að reyna að drepa sig. Hann mun
ekki hvetja þig til að nýta „sölutækn-
ina“ (Lesist: myrku hlið máttarins)
gegn sér, en það er það sem hann vill.
Fáðu sjálfan Darth Belfort til þess
að kaupa verðlaus bréf í íslenskum
banka – eða einhverju öðru viðlíka
drasli – og fara á hausinn í kjölfarið,
og þú munt sjálf/ur verða Sith-meist-
ari sem vert er að taka mark á! n
„Krónan er einkunnarspjald“ Umsjón: Henry Þór Baldursson
Vinsæl
ummæli
við fréttir DV í vikunni
U
ndanfarna daga hefur
„stóra knattspyrnustjóra-
málið“ einokað alla um-
ræðu hér heima og erlendis
og örlög David Moyes ver-
ið á allra vörum. Umræða um slaka
frammistöðu Moyes í stóli knattspyrn-
ustjóra Manchester United hefur þó
ekki einungis snúist um knattspyrnu
og æfingatækni. Undir yfirborðinu
leynast gríðarlegir hagsmunir fjár-
málaafla og peningamanna sem
hafa fjárfest í fyrirtækinu Manchester
United og fyrir þau öfl snýst málið ekki
síður um tap og hagnað af viðskiptum.
Þess vegna er biðlundin líklega jafn
lítil og raun ber vitni.
Enska knattspyrnan er löngu
komin undir markaðslögmálin al-
ræmdu eins og svo margt fleira sem
engum hefði komið til hugar fyrir
nokkrum áratugum að ætti heima á
markaði. Á síðasta ársfundi Samtaka
atvinnulífsins var eitt aðalstef fundar-
ins aukin áhersla á einkarekstur í vel-
ferðarkerfinu og menntakerfinu og
rætt fjálglega um að hleypa einkaað-
ilum að kökunni – sem sagt sameign-
inni sem íslenskir skattborgarar hafa
byggt upp áratugum saman og eru
skólarnir, spítalarnir, heilsugæslan
og fleira. Af hverju vilja einkaaðilarn-
ir komast þarna að? Jú væntanlega af
því að það er góður bissness.
Einkenni nýfrjálshyggjunnar er
að æ fleiri svið mannlífs færast und-
ir markaðslögmál og þau eru heim-
færð upp á hluti þar sem þau eiga
ekki endilega við. Þannig sýna ný-
legar rannsóknir frá Bandaríkjunum
að einkareknir skólar skila ekki betri
árangri en opinberir, sé tekið tillit
til lýðfræðilegra þátta. Þar hefur al-
menna skólakerfið hins vegar ver-
ið talað niður áratugum saman með
þeim afleiðingum að þegar foreldrar
eru spurðir um afstöðu sína eru al-
gengustu svörin þau að skólakerfið
sé ómögulegt jafnvel þó að sá opin-
beri skóli sem þeirra börn ganga í sé
hinn ágætasti!
Ástæðan fyrir þessu tali – sem líka
er beitt gegn heilbrigðiskerfinu og
ýmsum öðrum opinberum geirum –
er að plægja jarðveginn fyrir einka-
aðila; tala niður það sem er fyrir og
auðvelda markaðnum innreið sína
þannig að einkaaðilar geti í róleg-
heitunum tekið yfir samfélagslegar
eignir.
Mantra Sjálfstæðisflokksins um
að „leysa þurfi krafta einkafram-
taksins úr læðingi“ er raunar gam-
alkunnug en sá flokkur stóð ásamt
Framsóknarflokknum fyrir umfangs-
mikilli einkavæðingu á árunum fyrir
hrun og seldi þá ríkiseignir með þeim
ömurlega árangri að almenning-
ur í landinu stóð eftir mun blankari
en áður. Nokkrir útvaldir náðu hins
vegar að hagnast vel á viðskiptunum.
Ýmsir ráðherrar núverandi rík-
isstjórnar eru nú búnir að rifja upp
möntruna og boða aukinn einka-
rekstur, til dæmis í heilbrigðiskerf-
inu. Þá hefur ríkisstjórnin boðað
umtalsverða einföldun á regluverki
og hefur forsætisráðherra lagt til að
öll lagasetning sem tengist atvinnu-
lífi þurfi að fá gæðastimpil hags-
munaaðila á borð við Viðskiptaráð
og Samtök atvinnulífsins. Hér er um
dæmigerða orðræðu nýfrjálshyggj-
unnar að ræða þar sem fer saman
að draga úr eftirliti og regluverki
og auka þátt einkaaðila í opinberri
þjónustu. Hér virðast menn því engu
hafa gleymt og ekkert hafa lært.
Niðurstaðan af slíkri stefnu er
nefnilega sáraeinföld. Eftir því sem
fleiri svið samfélagsins eru færð und-
ir lögmál markaðarins fer stærri hluti
samfélagsins úr sameign yfir í einka-
eign. Meiri auður þjappast á færri
hendur og ójöfnuður eykst. Brauð-
molakenning nýfrjálshyggjunnar
– um að molar af auð hinna ríku
sáldrist niður eftir samfélaginu til
þeirra sem minna hafa – hefur ekki
reynst halda vatni. Ójöfnuður í heim-
inum fer nú vaxandi, meðal annars
vegna þeirrar virku pólitísku stefnu
sem aftur vex nú fiskur um hrygg á
Íslandi þrátt fyrir að hafa beðið skip-
brot fyrir örfáum árum. Ójöfnuður er
hins vegar, ásamt loftslagsbreyting-
um, metinn sem mesta samfélagsógn
21. aldar. Gegn honum ættum við öll
að vinna. Það gerum við ekki með
því að færa öll svið mannlífsins undir
markaðsöflin. n
Engu gleymt og ekkert lært
Katrín Jakobsdóttir
formaður VG
Kjallari „Enska knattspyrn-
an er löngu kom-
in undir markaðslögmál-
in alræmdu eins og svo
margt fleira sem engum
hefði komið til hugar fyr-
ir nokkrum áratugum að
ætti heima á markaði.
Mynd ReUteRs
Svarthöfði
darth Belfort Svarthöfði hvetur fólk til að fjölmenna á Sith-ráðstefnuna hans Belfort, en
svindla sér inn à la Wall Street. Mynd ReUteRs
„Ég held að
Gabríel sé alvöru
hetja - svona
hetja sem er send á jörðina til
þess að kenna fáfróðu fólki
reglur lífsins. Persónulega
finnst mér Gabríel sigurvegari
- ótrúlega sætur strákur og
mikið í hann varið - kannski
eru börnin bara afbrýðisöm
vegna þess hve góða þú átt
að - mundu Gabríel að þetta
tekur enda og þá stendur þú
ofar öllum - þessir krakkar
munu þurfa að lifa við að
hafa hagað sér svona. Ég
fékk sömu meðferð og þú
þegar ég var lítil - en ég
er orðin 30 ára í dag og
ótrúlega hamingjusöm.
Bíddu bara - ég er viss um að
þinn tími komi fljótt. Þú ert
svo mikilvægur i lífinu - því
þú kennir öðrum bara með
því að vera til. Það eru sko
ekki allir sem fá slíkt hlutverk
- þín einhverfa vinkona Lára.“
Athugasemd Láru Kristínar
Brynjólfsdóttur við frétt um
Gabríel Víði Kárason, 12 ára, sem
ítrekað hefur orðið fyrir grófu einelti og
ofbeldi af hendi annarra barna.
23
„Dettur þessu
fólki virkilega
í hug að
stofnun klofningsflokks
út úr sjálfstæðisflokknum
breyti einhverju um hag
almennings hér á landi.
Úlfurinn verður alltaf úlfur,
það er sama í hvaða lit
sauðargærunnar hann klæðir
sig. Ef þeir eru svona fullir af
umhyggju fyrir almenningi
hverjar eru þá áherslur þeirra
í skuldaleiðréttingunni fyrir
almenning eða er þetta bara
enn ein leiðin til að troða
okkur inn í ESB....“
Athugasemd Pálmeyjar Gísla-
dóttur um frétt þess efnis að
nýr Sjálfstæðisflokkur yrði til
eftir páska.
7