Dagblaðið Vísir - DV - 23.04.2014, Blaðsíða 26

Útgáfufélag: DV ehf. • Stjórnarformaður: Þorsteinn Guðnason • Ritstjóri: Reynir Traustason • Aðstoðarritstjóri: Ingibjörg Dögg Kjartansdóttir Ritstjórnarfulltrúi: Ingi
Freyr Vilhjálmsson • Umsjónarmaður innblaðs: Viktoría Hermannsdóttir • Umsjónarmaður helgarblaðs: Kristjana Guðbrandsdóttir • Framkvæmdastjóri
og vefstjóri DV.is: Jón Trausti Reynisson • Sölu- og markaðsstjóri: Heiða B. Heiðarsdóttir • Umbrot: DV ehf. • Prentun: Landsprent • Dreifing: Árvakur
Heimilisfang
Tryggvagötu 11
Hafnarhvoli, 2. hæð
101 Reykjavík
FRéttASkot
512 70 70FR jál S t, ó Háð DAg b l Að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AðAlnÚmeR
RitStjóRn
áSkRiFtARSími
AUglýSingAR
Sandkorn
26 Umræða Helgarblað 23.–28. apríl 2014
Undir fölsku flaggi
Þ
að er fagnaðarefni ef til verður
nýr hægriflokkur við hlið Sjálf­
stæðisflokksins. Þar með yrði
til valkostur fyrir þá sem vilja
annað á hægri vængnum en öfl sem
aðhyllast frændhygli, ríkishyggju og
einangrun. Gamli Sjálfstæðisflokk­
urinn hóf undarlega vegferð með til­
komu Davíðs Oddssonar á sínum
tíma. Í stað þess að vera frjálslyndur
flokkur allra stétta varð hann þröng­
ur sérhagsmunaflokkur þar sem við
völd sátu menn sem aldrei höfðu gert
út á annað en ríkisrekstur sem lifi­
brauð. Flokkurinn sem kenndi sig við
öflugt einstaklingsframtak og frelsi
var leiddur að kjötkötlum ríkisins af
mönnum sem aldrei höfðu að neinu
marki komið nálægt einkarekstri.
Sjálfstæðisflokkur Davíðs sigldi
undir fölsku flaggi. Opinber stefna var
að auka frelsi einstaklinga til athafna
og snúa frá ríkisrekstri þar sem slíkt
væri mögulegt. Frelsi einstakling­
anna átti að vera í öndvegi og efna­
hagur landsins átti að blómgast und­
ir þeim gunnfána. Rauði þráðurinn
var sá að ríkið ætti sem minnst að
vasast í rekstri. Þetta var hin yfirlýsta
stefna þegar Sjálfstæðisflokkurinn lét
þjóðarbankann, Landsbanka Íslands,
í hendur lukkuriddurum sem að sögn
höfðu grætt himinháar upphæðir á
bjórverksmiðju ytra. Og hinn stjórn­
arflokkurinn, Framsókn, fékk líka
sitt því vildarvinir þess flokks fengu
Búnaðarbankann á silfurfati en sá
banki varð síðar Kaupþing. Báð­
ir þessir bankar tóku áhættuflug­
ið við einkavæðinguna og urðu
helstu hvatarnir að því stór­
slysi sem hrunið varð Íslending­
um árið 2008. Flokkur frelsis og
einkaframtaks brást kjósendum
sínum herfilega með því að láta
fjöregg þjóðarinnar í hendur vit­
leysinga. Frelsi og heiðarleiki
varð aukaatriði. Einkaframtakið fólst
í því að fara ránshendi um eigur rík­
isins.
Það er athyglisvert að skoða for­
ystumenn Sjálfstæðisflokksins síð­
ustu áratugi. Sá sem er mest áberandi
er Davíð Oddsson. Hann hefur aldrei
komið nálægt einkarekstri í neinni
mynd en alla tíð verið á spena ríkis­
ins eða annarra. Ferillinn hófst þar
sem hann stjórnaði sjúkrasamlagi.
Þaðan lá leiðin til Reykjavíkurborgar
og áfram inn á Alþingi og á stól for­
sætisráðherra. Þegar pólitískur ferill
hékk á bláþræði skipaði hann sjálf­
an sig sem seðlabankastjóra. Eftir
nöturleg starfslok þar tóku eigend­
ur Morgunblaðsins hann upp á sína
arma og gerðu að ritstjóra Morgun­
blaðsins. Svipaða sögu er að segja af
Geir Haarde, arftaka Davíðs. Engum
sögum fer af því að hann hafi náð að
fóta sig á grundvelli einstaklingsfram­
taks í sjálfstæðum rekstri. Þvert á móti
hefur hann verið mestan sinn starfs­
aldur á jötu ríkisins. Hann­
es Hólmsteinn Giss­
urarson er einn
helsti hugmynda­
fræðingur Sjálf­
stæðisflokksins
á síðari tím­
um. Hann hef­
ur boðað tæra
frjálshyggju og
hefur undantekn­
ingarlaust haf­
ið einkafram­
takið til
skýjanna. Sjálfur er hann því marki
brenndur að hafa lifað sína starfsævi
að mestu leyti á launum sem tek­
in eru af skattfé. Ekkert dæmi er um
að hann hafi reynt sig við atvinnu­
rekstur af neinu tagi. Hann trúir á
einkaframtakið en lifir á ríkinu. Sá
forystumanna Sjálfstæðisflokksins
sem hefur komist næst atvinnurekstri
er Bjarni Benediktsson, núverandi
formaður, sem gegndi stjórnarfor­
mennsku í eignarhaldsfélagi N1 og
fleiri félögum. Menn geta deilt um ár­
angurinn þar en ljóst má vera að hann
fékk smjörþefinn af einkarekstri og
þekkir til sem slíkur. Sú reynsla hefur
þó ekki orðið til þess að hann nái að
stýra flokknum samkvæmt yfirlýstri
stefnu hans. Það er á vakt Bjarna sem
flokkurinn stendur nú á barmi klofn­
ings.
Helsti hvatamaður að stofnun Nýja
Sjálfstæðisflokksins er Benedikt Jó­
hannesson. Benedikt er þaulreyndur
úr viðskiptalífinu og margt bendir til
þess að hann hafi til þess siðferði
og vilja að ganga um eigur rík­
isins með almannahag
að leiðarljósi. Þá hef­
ur ekki reynt á annað
en að hann muni virða
lýðræðisreglur og stuðla
að heilbrigðu einstak­
lingsframtaki innan þess
ramma
frelsis sem tryggir að menn steli ekki
eða sölsi undir sig eigur almennings.
Það er íslensku samfélagi hollt að
hafa tvo átakapóla til hægri og vinstri.
Heiðarlegir vinstrimenn vilja að ríkis­
reksturinn sé sem fyrirferðarmestur
og trúa því að þannig farnist þjóðfé­
laginu best. Hægrimenn sem fylgja
hugsjónum sínum eru á þeirri skoðun
að einstaklingar eigi að stjórna og
bera sem mesta ábyrgð í atvinnulíf­
inu. Og sumir eru reyndar á því að
nær algjört frelsi og sem minnst eft­
irlit eigi að vera til staðar. Hvorug
stefnan gengur upp ein og sér. Far­
sælast er að þessir kraftar takist á og
þannig myndist sú blanda sem inni­
heldur sjónarmið beggja. Vandinn
er aftur á móti sá að hægra megin
hafa verið menn á
spena ríkisins sem
haldið hafa uppi
fagurgala um frelsi
og einstaklings­
framtak. Þessu
verður að breyta.
Það er því fagnað­
arefni að fá fram
afl til hægri sem
gerir út á þau gildi
sem boðuð eru. n
Stjörnur Friðriks
Friðrik Pálsson, hótelstjóri á Hót­
el Rangá, er á meðal framtaks­
sömustu ferðafrömuða á Íslandi.
Mikið vatn hefur
runnið til sjáv­
ar síðan hann
var hvað þekkt­
astur fyrir að
reka einkahluta­
félagið Góðráð
ehf. sem rukkaði
Landssímann heitinn um ráð­
gjafarlaun stjórnarformanns­
ins. Í seinni tíð hefur Friðrik
rekið Hótel Rangá á Suðurlandi
með glæsibrag. Það nýjasta í
rekstri hans er sérstakt stjörnu­
skoðunarhús þar sem hægt er
að renna af þakinu og horfa til
himins.
Endurkoma Hjartar
Fréttamaðurinn öflugi, Hjörtur
Hjartarson á Stöð 2, hefur átt erf­
iða tíma á köflum eftir útistöður
við vinnufélaga.
Fyrst stóð hann
í ströngu eftir að
hafa tekist á við
Eddu Sif Páls-
dóttur íþrótta­
fréttamann þar
sem þau störfuðu
saman á Ríkisútvarpinu. Hann
var í framhaldinu rekinn en fékk
vinnu á Stöð 2. Þar varð uppá­
koma á dögunum þegar honum
mislíkaði við samstarfsmann og
tók í hann. Hjörtur fékk áminn­
ingu og ákvað að taka á sínum
málum sem hann gerði. Um
liðna helgi sneri hann aftur sem
nýr og betri maður á Stöð 2,
áhorfendum til ánægju.
Gildruklettar Benedikts
Eitt af fyrirtækjunum sem fékk
há lán í Sparisjóði Keflavíkur
heitir Gildruklettar ehf. og
var meðal annars í eigu Einars
Sveinssonar fjárfestis og Bene-
dikts Jóhannessonar, eiganda
útgáfufélagsins
Heims. Félagið
varð gjaldþrota
og þurfti Lands­
bankinn að af­
skrifa um 650
milljónir króna
hjá fyrirtækinu
í fyrra. Í ljósi þessara tengsla
Benedikts við Sparisjóðinn í
Keflavík vakti nokkra athygli í
fyrra þegar sonur sparisjóðs­
stjórans í Keflavík, Sverrir Geir-
mundsson, var ráðinn í stjórn­
arstöðu hjá Heimi þrátt fyrir
takmarkaða reynslu af útgáfu­
starfsemi.
Vinur Þórólfs
Ekki er einhugur meðal fram­
sóknarmanna í Reykjavík um að
Guðni Ágústsson verði oddviti
flokksins í komandi sveitastjórn­
arkosningum.
Eitt af því sem
sumir fram­
sóknarmenn fetta
fingur út í eru
tengsl Guðna við
Þórólf Gíslason,
kaupfélagsstjóra
á Sauðárkróki. Ráðherrann fyrr­
verandi fékk framkvæmdastjóra­
starf hjá Samtökum afurða­
stöðva í mjólkuriðnaði þegar
hann hætti þingmennsku.
Kaupfélag Þórólfs er einn valda­
mesti aðilinn í samtökunum í
gegnum eignarhald sitt í Mjólk­
ursamsölunni. Góð vinátta er
milli Guðna og Þórólfs. Stuðn­
ingsmenn Guðna telja þó fráleitt
að það hafi áhrif á getu Guðna
til að starfa að borgarmálum í
Reykjavík.
Reynir Traustason
rt@dv.is
Leiðari
„Hann
trúir á
einkaframtakið
en lifir á ríkinu
Börnunum líður vel saman
og þá gengur þetta vel
Ég óttast
lítið
Magnús Scheving stendur á tímamótum. - DV
Það yrði
hræðilegt
Nanna Elísa Jakobsdóttir nemi segir verkfall setja allt úr skorðum. - DVÁrni Svanur Daníelsson og Kristín Tómasdóttir eiga sex börn samtals. - DV
Barnaborgin Reykjavík
F
átt skiptir okkur foreldra
meira máli en að geta veitt
börnum okkar hamingjuríka
æsku og sjá þau vaxa og
dafna. Reykjavíkurborg er á
margan hátt fyrirmyndarstaður fyr­
ir barnafjölskyldur, enda búum við
að góðum skólum, fjölbreyttu frí­
stundastarfi, heilbrigðu borgarum­
hverfi og þéttu öryggis­ og stuðn­
ingsneti ef eitthvað bjátar á. Við
erum því að mörgu leyti afar lánsöm.
Getum gert betur
En við getum gert enn betur og í
mínum huga skiptir fátt meira máli í
stjórnmálum dagsins, en einmitt það
að gera borgina okkar að enn betri
stað fyrir börn og barnafjölskyldur.
Þannig borg viljum við sem bjóðum
okkur fram fyrir XS í Reykjavík og
þess vegna ætlum við að forgangs­
raða málefnum barnafjölskyldna á
næsta kjörtímabili.
Við ætlum að efla stuðning við
barnafjölskyldur og tryggja að for­
eldrum standi til boða ráðgjöf og
fræðsla sem taki mið af ólíkum
þörfum og aldursskeiðum barna.
Öll börn eiga að njóta sín í skólun­
um, þeim á að líða vel og ganga vel í
námi. Það er borgarkerfisins að laga
sig að börnunum en ekki að laga
börnin að kerfinu.
Fjölga rýmum
Við ætlum að fjölga leikskólarým­
um fyrir fjölskyldur með ung börn.
Við ætlum að hækka frístundastyrk
með hverju barni í 50 þúsund krón­
ur á kjörtímabilinu og taka upp sam­
ræmdan systkinaafslátt á milli leik­
skóla og frístundaheimila.
Við ætlum að stytta „vinnudag“
barna með samþættingu frístunda­
og skólastarfs og stuðla um leið að
fleiri samverustundum fjölskyldna.
Við ætlum að tryggja að hollar og
ódýrar skólamáltíðir standi leik­ og
grunnskólabörnum til boða óháð
efnahag.
Minna skutl
Við ætlum líka að minnka skutlið og
efla enn frekar hinn svokallaða frí­
stundastrætó. Við viljum einnig eyða
þeirri óvissu sem bíður margra ungra
fjölskyldna þegar fæðingarorlofi for­
eldra lýkur og á næsta kjörtímabili
ætlum við að taka markviss skref við
að brúa bilið milli fæðingarorlofs og
þar til börn komast inn á leikskóla.
Undir forystu Dags B. Eggertsson­
ar ætlar XS að tryggja að í Reykjavík
verði áfram komið ríkulega til móts
við barnafjölskyldur þannig að þær
geti treyst því að þar sé hagstæðast
að búa fyrir barnafjölskyldur. n
Heiða Björg Hilmisdóttir
skipar 6. sæti á lista XS í Reykjavík.
Kjallari
MyND SiGTRyGGuR ARi