Dagblaðið Vísir - DV - 23.04.2014, Blaðsíða 27

Umræða 27Helgarblað 23.–28. apríl 2014
Þetta
verður erfitt
Bæjarfulltrúinn Oddur Helgi Halldórsson hjólaði um Evrópu um páskana. - DV
Í
landi einu bjó þjóð sem hafði
miskunnarleysi sem sitt aðals-
merki, þar var umburðarlyndi
nær óþekkt og þar var kærleik-
ur af svo skornum skammti að það
tók því ekki að slást um hann. Þessi
þjóð skreytti skip sín með spjótum.
Í þessu landi vann flest fólkið
við að tálga spjót. En margir karlar
unnu við að herða stál sem notað
var í sverð og í odda á spjótin. Svo
var þar einnig fólk sem hafði sér-
hæft sig í þeirri ágætu iðn að smíða
skildi.
Þetta samfélag þekkti einung-
is sögu stríðsins, fólk ræddi ein-
vörðungu um vopn og hvernig
þeim mætti beita í þágu þeirra sem
þurftu að vernda eigur sínar. Þar
þótti sælla að þiggja en gefa. Enda
var þar fullkomlega óþekktur siður
að fólk væri að gefa eitthvað sem
það gat sjálft geymt í sínu yndis-
lega eignasafni. Og á meðan allt
fólkið tálgaði spjót og tók ógnandi
á móti þeim sem sóttu að, má segja
að eigurnar hafi eiginlega verndað
sig sjálfar. Eignin sjálf var þannig
sverð og skjöldur þeirrar þjóðar.
Einn bjartan vordag þegar flest-
ir landsmenn sátu við að tálga
spjót, kom til landsins ungur mað-
ur. Hann ógnaði engum og reyndi
ekki að eignast neitt. Hann gekk
um, heilsaði fólki og ef brauð-
mylsna varð á vegi hans þá þótti
það hin mesta búbót. Hann lifði á
því sem aðrir vildu ekki. Og þegar
fólk hafði nánast vanist nærveru
hans, áttaði það sig á því að hann
gerði akkúrat ekkert. Hann tálgaði
ekki spjót og hann átti ekki einu
sinni skjöld.
Einhverju sinni reyndi eitt stór-
mennið að fá unga manninn til að
halda á regnhlíf. En hann var svo
laus við að óttast regnið, að hann
leyfði regnhlífinni að fjúka. Og upp
frá þessu var hann sagður vera sá
sem gerði akkúrat ekkert. Hann
ferðaðist um. Að hausti hnaut
hann um þúfu og fann berjalaut,
að vetri lifði hann á því sem annað
fólk vildi ekki éta, að vori nærðist
hann nánast einvörðungu á fegurð
heimsins og að sumri færði náttúr-
an honum allt sem hann þurfti.
Mikið var rætt um þann akkúrat
ekki neitt. Brandarar og langar
sögur voru sagðar af þessum mátt-
lausa og veila bjána sem var svo
sinnulaus að honum gæti ekki
einu sinni tekist að bera hönd fyrir
höfuð sér. Hann var bara til og það
þótti einfaldlega ekki nóg í þessu
landi. Hann var svo auðveld bráð
að það tók því ekki að murka úr
honum tóruna.
Svo hvarf hann einn góðan veð-
urdag. Eftir hann lá ekkert; akkúrat
ekkert. Hann hafði engu komið í
verk og hvorki skapað né eyðilagt.
Hann hafði ekki einu sinni tálgað
sér spjót. En þegar hann hvarf þá
vaknaði söknuður sem sofið hafði
lengi. Fólk bókstaflega saknaði
hans sem gerði akkúrat ekkert. n
Ekkert er skuggi af skugga,
skugga sem aldrei deyr,
skugga á gegnsæjan glugga,
glugga sem gerir ei meir
en að gangast við nafninu gluggi,
gluggi sem sýnir þér eitt;
skugga sem er ekki skuggi,
skugga sem er ekki neitt.
Sá sem gerði akkúrat ekkert
Kristján Hreinsson
Skáldið
skrifar
Vonleysið
var algjört
Hreint
helvíti
Hilmar Brynjólfsson var inni í göngunum þegar sprengt var. - DV
Mikil
vonbrigði
Form. Geysisfélagsins um niðurstöðu héraðsdóms. - DVGuðrún Jónsdóttir segir starfið hjá barnavernd erfiðasta starfið. - DV
1 Sumarveður næstu daga Sumarveður verður á landinu í
dag, miðvikudag, ef marka má veðurspá
Veðurstofu Íslands. Er þar um að ræða
fyrstu veðurfarslegu sumardagana í
ár – þriðjudaginn 22. apríl og miðviku-
daginn 23. apríl. Í dag, miðvikudag, má
búast við hita upp í 14 gráður í Reykjavík
og 10 til 15 gráður víða annars staðar á
landinu.
9.108 hafa lesið
2 Sorgin yfirbugar ferðafé-laga Vilborgar Á miðvikudag
var óvissa með framhald Everestferða-
langa eftir að fyrirtækið Adventure
Consultants tilkynnti að það færi ekki
fleiri ferðir upp fjallið á þessu ári. Það er
fyrirtækið sem Vilborg Arna Gissurar-
dóttir, Everestfari, var í slagtogi með.
„Þessir þrír kæru vinir okkar voru lykil-
menn í starfsemi okkar og við þekktum
flesta hina þrettán sem týndu lífi. Eftir
miklar umræður og umhugsun höfum
við komist að þeirri erfiðu niðurstöðu
að hætta við allar ferðir á árinu 2014,“
sögðu aðstandendur fyrirtækisins.
5.600 hafa lesið
3 Manchester United búið að reka Moyes
Englandsmeistarar Manchester United
staðfestu á miðvikudag að David Moyes,
knattspyrnustjóri félagsins, hefði verið
rekinn. Hann lét af störfum aðeins tæpu
ári eftir að tilkynnt var að hann yrði
eftirmaður Sir Alex Ferguson. Moyes
stýrði liðinu aðeins í rúmlega níu mánuði
þrátt fyrir að hafa skrifað undir sex ára
samning, en afar slakt gengi liðsins á
tímabilinu hefur vakið gríðarlega athygli
og reiði meðal stuðningsmanna þess.
4.065 hafa lesið
4 Magnús Scheving: Við erum ekki bara álver“
Magnús Scheving sagði frá því í viðtali
í páskablaði DV að kvikmynda- og
sjónvarpsgerð í landinu eigi undir högg
að sækja. Ríkisstjórn sjái ekki tækifærin
sem kvikmyndagerðarfólk hefur lagt
þrotlausa vinnu í að hlúa að svo þau
skili margföldum arði til landsins. „Mér
finnst stjórnvöld oft vera of skammsýn,“
segir Magnús sem sagði að Jón Ásgeir
Jóhannesson hefði lagt Magnúsi til pen-
inga í upphafi Latabæjarævintýrisins.
4.026 hafa lesið
Mest lesið
á DV.is
Ögmundur Jónsson
þingmaður Vinstri grænna
Kjallari
Á
nýafstöðnu þingi Evrópu-
ráðsins kom internetið mjög
til umræðu. Í ályktunar-
tillögu, sem lá fyrir þinginu,
var lagt til að samþykkja að
líta bæri á aðgang að internetinu
sem grunnþjónustu sem allir ættu
rétt á. Undir það tók ég í umræðu
um málið og benti á að samskipti á
netinu og upplýsingaöflun þar, væri
orðin mikilvægur hluti daglegs lífs.
Rifjaði ég upp könnun sem gerð var
í Danmörku undir aldarlok þar sem
atvinnurekendur voru inntir eft-
ir því hvað þyrfti að vera til staðar á
tilteknu svæði áður en þeir treystu
sér til þess að taka ákvörðun um að
reisa þar starfsstöð.
Nú yrði internetinu bætt við
Þeir hafi svarað því til að á svæð-
inu þyrftu að vera góð barnaheim-
ili og skólar, heilsugæsla, traustvekj-
andi löggæsla og samgöngur góðar.
”Annars fáum við ekki fólk til starfa,“
hafi þátttakendur í könnuninni sagt
nær einróma. Nú myndu þeir bæta
internetinu við. Á því léki enginn
vafi í mínum huga.
Í fyrrnefndu umræðuplaggi
þings Evrópuráðsins, sem sam-
þykkt var nær einróma áður en yfir
lauk, sagði á þá leið, að internetið
væri ekki aðeins orðið veigamikill
þáttur í stoðkerfi samfélagsins held-
ur í reynd einnig hluti af almanna-
rýminu.
Hluti af almannarýminu
Því væri fráleitt annað en gera
sömu kröfur um það sem fram færi
á internetinu og annars staðar í al-
mannrýminu. Reyndar kom þetta
sjónarmið einnig fram í fyrrnefndu
umræðuplaggi. Þetta þýðir með-
al annars að við leggjum að jöfnu
ritskoðun frétta á internetinu og í
hefðbundnum fjölmiðlum og sama
gildir um takmarkanir á almennum
samskiptum fólks í millum. Í um-
ræðunni fagnaði ég því sérstaklega
að forseti þingsins, Anne Brasse-
ur, hefði fyrir hönd Evrópuráðsins
gagnrýnt tyrknesk stjórnvöld fyrir
að loka fyrir tilteknar rásir á netinu
í aðdraganda nýafstaðinna kosn-
inga. Benti hún á í yfirlýsingu sem
hún sendi frá sér, að ritskoðun gengi
þvert á samþykktir Evrópuráðsins
og dóma Mannréttindadómstólsins
í Strasbourg.
Snowden á fundi
Evrópuráðið leggur ríka áherslu á
gagnsæi og opna umræðu og í sam-
ræmi við þær áherslur var efnt til
opins fundar með Edward Snowden
um gervihnött frá Moskvu.
Nokkrum sinnum hef ég tekið mál
Snowdens upp á þingi Evrópu-
ráðsins og gerði nú enn í umræðu
á þinginu til að þakka fyrir framlag
hans til mannréttinda. Snowden
sýndi sem kunnugt er fram á hvern-
ig bandaríska leyniþjónustan hef-
ur misnotað tæknina, þar á meðal
internetið, til gríðarlega viðamikilla
persónunjósna.
Persónuvernd
Þar er komið að hinni hliðinni á
hinu opna netsamfélagi – og það er
mikilvægi mótvægisins: persónu-
verndin; að vernda okkur gagnvart
þeim sem vilja hnýsast í persónu-
leg mál sem flestir eru sammála
um að aðrir hafi ekki rétt á að hnýs-
ast í. Á þinginu var rætt um mikil-
vægi alþjóðasamstarfs í þessu efni
og má minna á að fram hefur kom-
ið tillaga á Alþingi Íslendinga um
að Íslendingar skuli stuðla að slíku
alþjóðlegu samstarfi. Pétur H. Blön-
dal er fyrsti flutningsmaður þessa
þingmáls en aðrir nefndarmenn í
stjórnskipunar- og eftirlitsnefnd eru
meðflutningsmenn.
Vettvangur glæpamanna
Glæpamenn láta ekki möguleika
internetsins fram hjá sér fara.
Persónunjósnir eru að sönnu glæp-
ur þótt þær séu ekki alls staðar skil-
greindar sem slíkar. Sama gildir um
ofbeldisklám sem er margmilljarða
peningavél, sem malar gullið fyrir
óprúttna sölumenn. Nýuppgötvað-
ur hópur viðskiptavina framtíðar-
innar eru börn sem í vaxandi mæli
eru markhópur þessara aðila og
hafa þeir fundið leiðir til að þröngva
sér inn í heim barnsins. Þá hefur og
komið fram að bein misnotkun á
börnum fer fram um netið.
Ekkert lagafrumvarp!
Sem innanríkisráðherra fól ég sér-
fræðingum að kanna erlenda lög-
gjöf, einkum í Noregi, og leggja fyrir
mig tillögur um hvernig mætti skil-
greina klám betur en gert er í ís-
lenskum lögum. Þá setti ég á lagg-
irnar starfshóp til að gera skýrslu
um mögulegar leiðir til að koma
í veg fyrir að óprúttnir sölumenn
gætu ruðst inn í heim lítilla barna
með söluvöru sína. Engar tillögur
höfðu mér borist þegar ég hvarf úr
embætti. Þess vegna er það mikill
misskilningur, sem staglast er á sínkt
og heilagt, að ég hafi haft á prjónun-
um lög um þetta atriði. Málið komst
einfaldlega aldrei á það stig að ræða
tilteknar tillögur og þá hvort yfirleitt
ætti að ráðast í lagabreytingar!
Umræða er nauðsynleg
Það sem eflaust olli þessum
misskilningi er sú staðreynd að ég
tók afdráttarlausa afstöðu í umræðu
um klám og ofbeldisiðnað. Það var
nokkur nýlunda að menn voguðu
sér að ræða slíkt þegar internetið
var annars vegar. Ýmsir ruku upp til
handa og fóta og þær raddir heyrð-
ust að bara umræðan ein um ein-
hver afskipti af internetinu gæti
skaðað viðskiptahagsmuni íslenskra
netfyrirtækja. Utan úr heimi bárust
einnig mikil viðbrögð, annars vegar
frá málsvörum klámiðnaðarins sem
yfirleitt báru fyrir sig ást á skoðana-
frelsi en einnig barst stuðningur frá
einstaklingum sem láta sig mann-
réttindi varða. Hvað neikvæðu við-
brögðin varðar þóttu mér upphróp-
anirnar minna á að internetið er
enn, jafnvel heitustu aðdáendum
þess, svo fjarlægt að þeir líta á það
sem guðspjöll að hrófla við því, jafn-
vel að ræða málið er bannað!
Internetið er komið til að vera og
á að þjóna okkur sem einstaklingum
og samfélagi okkar. Sé það misnot-
að af ofbeldismönnum þarf að ræða
með hvaða hætti þeim verði settur
stóllinn fyrir dyrnar. n
Internetið, lýðræðið og ofbeldið
„Það sem ef-
laust olli þessum
misskilningi er sú stað-
reynd að ég tók afdráttar-
lausa afstöðu í umræðu
um klám og ofbeldsiðnað.