Dagblaðið Vísir - DV - 23.04.2014, Blaðsíða 42

Helgarblað 23.–28. apríl 201442 Lífsstíll
Unaðsreitur á jörð
F
á lönd eru eins ljúf heim að
sækja og Taíland. Landið er
bæði fjarlægt og framandi,
menningin allt önnur en við
eigum að venjast á norður-
hjaranum. Þar fer saman einstök
gestrisni fólks og einstakt loftslag
og úr verður unaðsreitur á jörð.
Það er sama hvað þig langar til
að gera, þú finnur það í Taílandi.
Fjöldi Íslendinga hefur nýtt sér
þessa paradís á jörðu og dvelja
margir langdvölum þarna í Austur-
Indíum á meðan aðrir skutlast bara
í fáar vikur.
Útlendingar ánetjast SS-pylsum
Það verður flestum mikil upplifun
að koma til Asíu í fyrsta skipti og
ekki laust við að allir ættu að stefna
á að koma þar við að minnsta
kosti einu sinni á lífsleiðinni. Ís-
lendingarnir eru dreifðir um allt
land upp til sveita og í bæjum og
þorpum um allt. Langflestir eru þó
á Pattaya eða þar í grennd, segja
má að þessi ferðamannaborg sé
miðstöð alls Íslendingasamfélags í
landinu.
Sveitamennirnir koma þang-
að reglulega til að eiga spjall við
vini og kunningja sem hægt er að
ganga að vísum á nokkrum stöð-
um í borginni. Til dæmis er haldið
úti pylsubar þar sem seldar eru ís-
lenskar SS-pylsur, með SS-sinnepi
og öllu því sem Íslendingar eru
vanir. Þeir félagar Friðrik Þorbergs-
son og Sigurður Ingi Lúðvíks-
son bjóða upp á margt annað að
borða og flest að drekka á barn-
um sínum. Fróðlegt er að sjá hvað
útlendingarnir sífellt ánetjast SS-
pylsunum þannig að það eru ekki
bara Danir sem verða háðir þeim.
Hjálpar fólki í vandræðum
Á daginn hittist landinn gjarnan
á ströndinni eða við langborðið á
Nirun Condo hvar fjöldi Íslendinga
býr og tveir Íslendingar leigja út
íbúðir og mótorhjól. Þetta íbúða-
hótel státar af 2.400 íbúðum og er
því þorp út af fyrir sig. Þar er hægt
að leigja herbergi allt frá 25.000 ís-
lenskum krónum á mánuði. Sig-
urður Pálsson, kallaður Siggi body,
á þar hátt á annan tug íbúða sem
hann leigir út auk þess að hjálpa
fólki af öllu þjóðerni með vega-
bréfsáritanir og annað slíkt sem
krefst þekkingar á taílenskum lög-
um en þó ekki síst góðra tenginga
við stjórnkerfið. Sumir segja að
hann sé eins konar bæjarstjóri í
Nirun og svo mikið er víst að mikið
er til hans leitað af fólki sem komið
er í vandræði með einhverja hluti.
Úða í sig skordýrum
Eitt sem einkennir landið og kem-
ur flestum ánægjulega á óvart er
fjölbreytt framboð á mat enda mat-
sölustaðir á hverju horni og vagn-
ar á götum úti þar sem fólk selur
manni eitthvað í svanginn. Matar-
menning Taílendinga er hrein
dásemd. Sjávarfangið er hreint
lostæti líkt og annað sem boðið er
upp á. Nánast er gerður matur úr
öllu sem náttúran gefur af sér. Sumt
er ekki aðlaðandi fyrir augað en er
fullkomlega í lukku þegar bragðað
er á því. Einhverra hluta vegna lét
ég skordýrin alveg eiga sig en vinir
mínir úðuðu þessu snakki í sig sem
ekkert væri. Vinsælastar voru djúp-
steiktar engisprettur og svo sem
margt fleira sem við eigum ekki að
venjast hér í landi hrútspunga og
sviðahausa.
Fallegustu konur heims?
En Taíland er meira en bara Patt-
aya, höfuðborgin Bangkok er þess
virði að taka sér nokkra daga til
að skoða sig um. Hægt er að fara í
síkjasiglingar sem eru engu líkar,
gamli fljótamarkaðurinn er merki-
legt verslunartorg á bátum. Þar
er allt falt og ferðamenn geta látið
róa með sig um svæðið og gert góð
kaup í alls konar. Ég brá mér í sigl-
ingu og naut leiðsagnar miðaldra
leiðsögumanns og eitt af því sem
hann taldi Taílandi til tekna var að
þar væru fallegustu konur heims.
Enskur ferðamaður sem sat hjá mér
hallaði sér að mér og sagði þetta
einkenna vanþróuð lönd, að þau
þættust öll eiga fallegustu konurn-
ar. Mér varð hugsað heim.
Rómantík og framandi umhverfi
Næturmarkaðurinn í PatPong er
einn af skemmtilegustu mörkuð-
um landsins og gaman að ráfa þar
um, stutt í næturlífið sem er ein-
hver mesti suðupottur heimsins og
hefur allt að bjóða sem nokkrum
getur látið sér detta í hug að finna
í einni borg.
Einn vinsælasti staður ferða-
manna er að skoða brúna yfir
Kwai-fljótið sem búið er að skrifa
um bækur og búa til um bíó-
myndir. Þetta er talinn einn róm-
antískasti staður landsins og því
að vonum að hann sé vinsæll hjá
fólki sem vill njóta rómantíkur
og framandi umhverfis. Boðið
er upp á lestarferð yfir brúna og
um nágrennið með hundgamalli
lest sem hefur gengið þarna um í
áratugi. Margt er með sömu um-
merkjum og var þegar myndin
Brúin yfir Kwai-fljótið var tekin, til
dæmis stendur GMC-trukkurinn
þarna enn þá.
Boðið er upp á gistingu í frum-
stæðum bambuskofum á fljótinu
og notalegt að láta fljótið rugga
sér í svefn í hinni fullkomnu kyrrð
sem þar ræður ríkjum, allt þar til
að birtunnar er von og búdda-
munkar hefja daginn með því að
kyrja. Það er dásamlegt að vakna
og fara inn í nýjan dag hlaðinn
orku munkanna.
Borg tamdra kvenna
Norður í landi eru borgir á við Chang
Mai sem eru eftirsóttar af ferðafólki
sem leitar rólegheita, enda ljúft að
dvelja þarna í kaffiræktarhéruðun-
um. Á þessu svæði er varla sá strá-
kofi að ekki sé selt þar kaffi sem mað-
ur heldur í hverjum skúr að hljóti að
vera besta kaffi í heimi. Þar er líklega
besti og skemmtilegasti næturmark-
aður landsins. Þar er landslag með
því fallegasta sem gerist og margt að
sjá úr fjöllum sem mæld eru í þús-
undum metra. Tamdir fílar sýna list-
ir á einum stað og tamdar konur
með hálshringi á öðrum.
Reyndar er mælt með að láta
vera að borga inn í þorpið með
tömdu konunum sem fluttar eru
frá Búrma til að vera til sýnis í litlu
þorpi sem búið var til sem leiksvið
utan um þær. Meira að segja Sam-
einuðu þjóðirnar hafa reynt að fá
þessum „mennska dýragarði“ lokað
en taílensk yfirvöld hafa verið treg til
vegna teknanna sem eru af þessum
sýningargripum.
Land hinna þúsund brosa
Mikið er af eyjum með fram strönd-
um Taílands. Á eyjum þessum er
lífið rólegra en á ferðamannastöð-
unum uppi á landi. Þær eru um-
flotnar svo tærum og hreinum sjó
að kristall sýnist helst sem kámað
gler í samanburði. Mjög eftirsótt er
að læra köfun á þessum eyjum og
sækir fólk frá öllum löndum í nám í
þessum tæra sjó sem sólin lýsir upp
þannig að útsýni í kafi er lengra og
meira en fólk hefur áður séð.
Þeir sem tök hafa á ættu ekki
að láta fram hjá sér fara að heim-
sækja sveitir landsins, þar kemst
maður í kynni við hið raunveru-
lega Taíland, land hinna þúsund
brosa. Allir taka gestum fagnandi
og binda gjarnan hamingjubönd
um úlnlið þeirra til að ferðin megi
heppnast sem best og fólk njóti
velvilja Búdda. Í sveitinni strit-
ar fólk á ökrum fyrir ótrúlega lág
laun og því ekki að furða að fólk
þar reyni að finna sér maka frá öðr-
um löndum í von um betra líf fyr-
ir sig og sína. Það er ekki lítill kjark-
ur sem konur sýna þegar þær taka
sig upp úr afskekktu sveitinni sinni
og fara jafnvel á hrollkalda eyju
norður undir heimskautsbaug
til að finna sér nýtt líf. Sápurnar í
sjónvarpinu hafa sýnt þeim að líf-
ið hjá hvíta fólkinu er bara leikur
frá morgni til kvölds. Sem betur fer
verða sumar hamingjusamar í nýja
landinu, aðlagast og ná að hjálpa
fátæku fjölskyldunni sinni sem enn
berst við akrana sem gjarnan eiga
til að vera óvissir vegna flóða eða
þurrka. Þarna á landbúnaðurinn
ekki neina sjóði, hvað þá flottustu
hótel landsins.
Margir tengja Taíland við vændi
Allt of margt fólk tengir Taíland við
vændi eitt og sér. Auðvitað er heil-
mikið um vændi þar eins og svo víða
í öðrum löndum. Vændið í Taílandi
er frábrugðið því sem er í Evrópu,
þar með talið Íslandi, að því leyti
að vændiskonurnar eru að leita sér
að framtíð, þær bíða eftir að detta í
lukkupottinn, bíða eftir að lukkan
færi þeim mann sem tekur þær með
sér í dýrð fjarlægðarinnar en margar
verða fyrir sárum og djúpum von-
brigðum þegar þangað er komið.
Mýta með miðaldra karla
Það er líka þekkt mýta að einungis
miðaldra og gamlir karlar ferðist til
Taílands. Þangað fer fólk á öllum
aldri, konur og karlar, hjón og pör
og flest kemur þetta fólk aftur því
það er með Taíland eins og brenni-
vínið að það sleppir ekki þeim sem
það hefur einu sinni náð tökum á.
Asía er heimur sem allir ættu að
kíkja á og Taíland er örugglega það
land sem léttast er að heimsækja af
Asíulöndum. Það er mikil villa sem
sumar íslenskar konur segja að
það sé eitthvað „krípí“ við að fara
í þessa paradís sem allir ættu að
heimsækja. n
ritstjorn@dv.is
n Skordýrasnakk, fegurð, tamdir fílar og konur, vændi og draumar um betra líf
Guðmundur Sigurðsson
hefur ferðast mikið um
Taíland. Hér segir hann
okkur frá sinni reynslu
af landinu. Í ferðum
sínum hefur hann kynnst
ótrúlegri fegurð landsins
og góðmennsku íbúa.
En Taíland á sér líka
skuggahliðar sem fela
í sér vændi, tamda fíla
og borg hinna tömdu
kvenna.
„Þeir sem tök hafa
á ættu ekki að
láta fram hjá sér fara að
heimsækja sveitir lands-
ins, þar kemst maður í
kynni við hið raunveru-
lega Taíland, land hinna
þúsund brosa.