Dagblaðið Vísir - DV - 18.02.2011, Qupperneq 16

16 | Nærmynd 18.–20. febrúar 2011 Helgarblað
Fljótur upp stuttan
metorðastigann
Björn Ingi Hrafnsson hefur unnið að
ferli sínum sem fjölmiðlamaður frá
11 ára aldri. Um tíma gerðist hann
stjórnmálamaður eftir að hafa eytt
dágóðum tíma sem aðstoðarmaður
Halldórs Ásgrímssonar, fyrrverandi
utanríkisráðherra og forsætisráð-
herra. Í starfi sínu sem aðstoðarmað-
ur Halldórs hóf Björn Ingi að fjárfesta
í íslenskum fyrirtækjum og hagnaðist
vel á viðskiptum með íslensku bank-
ana. Björn Ingi hvarf á augabragði
úr forystu Framsóknar í borginni og
snéri sér að fjölmiðlum, sem áttu hug
hans allan fyrir stjórnmála-
ferilinn.
Í dag fer hann fyrir einum stærsta
útgefanda íslenskra vefmiðla á Ís-
landi þar sem hann er meðal ann-
ars í slagtogi með útrásarvíkingum
og samstarfsmönnum úr Framsókn-
arflokknum. Hann hefur komið víða
við og í dag fæst hann við ýmislegt,
frá útgáfu fjölmiðla til sölu kynlífs-
tækja.
Ellefu ára fréttaritari
Björn Ingi byrjaði feril sinn í blaða-
mennsku ungur. Strax 9 ára var hann
farinn að leggja drög að ritstörfum.
Störf hans í fjölmiðlum hófust þeg-
ar hann gaf út ljósritað blað með
úrklippum úr öðrum dagblöð-
um. Hann varð síðar fréttarit-
ari Morgunblaðsins, 11 ára að
aldri, þar sem hann bjó á Flat-
eyri. Í Morgunblaðinu árið 1985
var rætt við Björn Inga, sem þá
var 11 ára, og hann spurður út
í framtíðardraumana. „Já, ég er
alveg ákveðinn að verða blaða-
maður,“ sagði hann í viðtali við
blaðið. „Ég vinn allt sjálfur, en fæ
foreldra mína til þess að hjálpa
mér við prófarkalestur,“ sagði
hann um blaðið Viljann sem
hann gaf út á þessum tíma.
Björn Ingi starfaði
á nokkrum fjöl-
miðlum þegar
hann lauk
grunn-
skóla og var meðal annars ritstjóri
Breiðholtsblaðsins og dagskrár-
gerðarmaður á Rás 2 samhliða
menntaskólanámi. Síðar varð hann
blaðamaður á Eintaki og Morgun-
póstinum og sá um ensku knatt-
spyrnuna á sjónvarpsstöðinni Stöð 3.
Hann snéri svo aftur á Morgunblaðið
þar sem hann varð fyrst íþróttafrétta-
maður áður en hann fór yfir í almenn
fréttaskrif. Björn Ingi varð svo þing-
fréttaritari Morgunblaðsins, áður en
hann hvarf sjálfur yfir í pólitísk störf
sem skrifstofustjóri þingflokks Fram-
sóknarflokksins.
Eftir að hann hvarf af sviði stjórn-
málanna eftir að hafa lent í brotsjó í
borgarpólitík var hann svo fljótur að
finna sér starf sem ritstjóri Markað-
arins, viðskiptablaðs Fréttablaðs-
ins. Sjálfur hafði hann þá lagt stund
á fjárfestingar og grætt eitthvað á
þeim. Hann var um tíma ritstjóri á 24
stundum sem kom út um tíma. Hann
tók við af Ólafi Stephensen, núver-
andi ritstjóra Fréttablaðsins. „Þetta
er gríðarlega spennandi og jafn-
framt ögrandi verkefni,“ sagði hann
í viðtali við Morgunblaðið þegar
tilkynnt var að hann tæki við rit-
stjórastarfinu.
„Ég ákvað snemma að fjöl-
miðlar væru eitthvað sem ég
ætti samleið með,“ skrifaði
Björn Ingi á heimasíðu sína
bjorningi.is, sem ekki lengur er
virk. Þar rifjaði hann upp tím-
ann á Morgunblaðinu og störf
sín á ýmsum fjölmiðlum.
Formaður íþróttafélags-
ins í hverfinu
Á þeim tíma sem Björn Ingi
starfaði hjá Morgunblað-
inu kynntist hann eiginkonu
sinni, Hólmfríði Rós Eyjólfs-
dóttur. Saman eiga þau tvo
syni, þá Hrafn Ágúst og Eyj-
ólf Andra. Þau Hólmfríður eru
búsett í Breiðholtinu og búa
þar í glæsilegu einbýlishúsi sem
þau tóku í gegn fyrir hrun. Einn
viðmælenda DV talaði um að heima
hjá Birni Inga hafi hann séð stærsta
flatskjá sem hann hafi nokkurn tím-
ann séð.
Það kom mörgum á óvart þeg-
ar Björn Ingi var kjörinn formaður
Íþróttafélags Reykjavíkur, ÍR. Hann
hafði ekki verið virkur félagsmaður í
félaginu og kom mörgum aðalfund-
argestum á óvart með framboði sínu.
Synir hans tveir leggja stund á íþrótt-
ir hjá félaginu en það kom ekki í veg
fyrir að það kvisaðist að hann væri
að hefja undirbúning að endurkomu
í stjórnmál og að hann vildi tryggja
sér stuðning félagsmanna íþróttafé-
lagsins. Ekkert hefur þó bólað á end-
urkomu hans í stjórnmálin og hef-
ur hann þess í stað gerst stórtækur á
fjölmiðlamarkaðnum.
Nokkurrar óánægju gætir meðal
félagsmanna ÍR og eru nokkrir sem
hafa sýnt óánægju sína með því að
hverfa úr stuðningshópi félagsins
og þátttöku á viðburðum þess vegna
formennsku Björns Inga. Einn þeirra
segir mestu óánægjuna stafa af
rekstri Björns á vefversluninni mona.
is sem selur meðal annars hjálp-
artæki ástarlífsins. „Strax var vart
óánægju, bæði með vinnubrögðin,
hvernig var að kjöri hans staðið, og
hans persónu, hans bakgrunn. Svo
hefur þessi óánægja stigmagnast,“
segir félagsmaður ÍR sem DV ræddi
við og bætir við að óánægjan sé ekki
síst vegna sölu hans á kynlífshjálpar-
tækjum.
Björn Ingi tók virkan þátt í ýms-
um félagsstörfum á yngri árum og
var meðal annars formaður félags
sagnfræðinema við Háskóla Íslands.
Hann sat í stjórn Röskvu – sam-
taka félagshyggjufólks við Háskóla
Íslands og sat í stúdentaráði um
tveggja ára skeið.
Fljótur upp stuttan metorða-
stiga Framsóknar
„Hann er nú ekki svona hugsjóna-
maður,“ segir gamall skólafélagi
Björns Inga um hann. „Það kom eng-
um á óvart að hann hafi valið sér að
fara í Framsóknarflokkinn, það er
minnsti flokkurinn og stysti met-
orðastiginn,“ segir hann og bendir
á að Björn Ingi hafi ekki verið lengi
að komast til metorða í flokknum.
Björn Ingi settist í miðstjórn Sam-
bands ungra framsóknarmanna árið
2002, þegar hann var 28 ára. Eftir að
hafa hætt störfum á Morgunblaðinu
og gerst skrifstofustjóri fyrir Fram-
sóknarflokkinn og forstöðumaður
kynningar og útgáfu fyrir flokkinn
varð hann áberandi í forystu flokks-
ins. Björn var orðinn aðstoðarmaður
Halldórs Ásgrímssonar utanríkisráð-
herra, og síðar forsætisráðherra, þeg-
ar hann var á þrítugsaldri. Þar starf-
aði hann við hlið Steingríms Sævars
sem nú er ritstjóri Pressunnar, sem
er að hluta í eigu Björns Inga.
Í þingkosningunum árið 2003 tók
hann sæti sem varaþingmaður fyrir
Framsóknarflokkinn í Reykjavíkur-
kjördæmi suður. Hann var þar vara-
maður Jónínu Bjartmarz sem hafði
ein framsóknarmanna náð kjöri sem
aðalmaður á þing í kjördæminu.
Hann fór síðar sjálfur í framboð fyrir
Framsóknarflokkinn í borgarstjórn-
arkosningum í Reykjavík árið 2006
þar sem hann átti eftir að leika stórt
hlutverk í stjórn borgarinnar. Hann
hrökklaðist úr borgarstjórn eftir að
meirihlutasamstarf Framsóknar-
flokksins, Samfylkingarinnar, Vinstri
grænna og frjálslyndra og óháðra
sprakk í borginni í kjölfar REI-máls-
ins.
Fyrrverandi samstarfsmaður
Björns Inga segir að Björn hafi góða
nærveru og að gott sé að vera í kring-
um hann. „Björn Ingi er rosalega
þægilegur maður, svo lengi sem þú
átt ekki í útistöðum við hann. Hann
er vel lesinn og víðlesinn. Hann er
duglegur og fróður. Hann veit ná-
kvæmlega um hvað málin snúast
og getur sótt sér fróðleik alls stað-
ar,“ segir fyrrverandi samstarfsmað-
ur Björns Inga. „Hann getur talað við
þig og haldið utan um þig og kysst
Aðalsteinn Kjartansson
blaðamaður skrifar adalsteinn@dv.is
n Var farinn að skrifa fyrir Morgunblaðið 11 ára gamall n Hætti sem þingfréttaritari
og gerðist stjórnmálamaður n Fékk hundruð milljóna lánuð frá bönkunum og byggði
upp fjölmiðlaveldi n Gamall félagi segir hann hafa meiri metnað en hugsjónir„Ég vinn allt sjálfur,
en fæ foreldra
mína til þess að hjálpa
mér við prófarkalestur.
M
y
n
d
K
a
r
l
P
Ed
Er
s
o
n