Dagblaðið Vísir - DV - 15.11.2013, Qupperneq 4
4 Fréttir 15.–17. nóvember 2013 Helgarblað
Bannað að mæta í vinnu
n Gerði athugasemd við hæfi framkvæmdastjóra lækninga
T
ómasi Halldóri Pajdak hefur
verið sagt upp störfum sem
lækni við Heilbrigðisstofnun
Vestfjarða. Hann greinir frá
þessu í yfirlýsingu sem hann send-
ir á fjölmiðla en þar segir hann fram-
kvæmdastjóra Heilbrigðisstofnunar
Vestfjarða, Þröst Óskarsson, og fram-
kvæmdastjóra lækninga við stofnun-
ina, Þorstein Jóhannesson, hafa bann-
að honum að mæta til vinnu sem lækni
frá og með 12. nóvember 2013.
„Framkvæmdastjóri Heilbrigðis-
stofnunar Vestfjarða og undirmaður
hans, framkvæmdastjóri lækninga,
hafa bannað mér að mæta til vinnu sem
læknir frá og með 12. nóv. 2013. Þetta
gerðu þeir, án nokkurs rökstuðnings
og án þess að nefna nokkra ástæðu,
þrátt fyrir að ég hafi lýst yfir vilja til að
vinna við stofnunina út árið, eins og
ég er með samning upp á, og jafnvel
lengur,“ segir Tómas Halldór í yfirlýs-
ingunni en hann er einn þeirra lækna
við Heilbrigðisstofnun Vestfjarða sem
fóru fram á að fengið yrði faglegt mat á
starfshæfi Þorsteins Jóhannessonar frá
landlækni vegna veikinda hans.
„Mér er hulin ráðgáta hvernig þeir,
sem ekki hefur gengið vel að reka
stofnunina innan ramma fjárlaga þetta
árið, ætla að mæta þeim fjárútlát-
um sem óhjákvæmilega falla til vegna
ákvörðunar þeirra en stofnunin þarf
t.d. að greiða mér full laun út árið. Mér
þykir m.a. mjög miður að hafa óvænt
og skyndilega verið sviptur aðstöðu
til að fylgja eftir skjólstæðingum sem
ég hafði ráðgert að fylgja eftir, svipt-
ur því að sinna heilsugæslu í Súða-
vík og á Flat eyri og sviptur því að fá að
kveðja samstarfsfólk mitt á stofnuninni
á eðlilegan hátt. Ég bið skjólstæðinga
sem ég hef ekki og/eða mun ekki hafa
samband við á næstunni vegna rann-
sóknaniðurstaðna eða annars um að
erfa það ekki við mig,“ segir Tómas í yf-
irlýsingunni en mál Þorsteins er nú til
vinnslu hjá embætti landlæknis. n
Flott föt fyrir
flottar konur
Stærðir 38-58
Verslunin Belladonna
Skeifunni 8 • 108 Reykjavík • Sími: 517 6460 • www.belladonna.is
Sagt upp Tómasi Halldóri Pajdak hefur
verið sagt upp störfum sem lækni hjá
Heilbrigðisstofnun Vestfjarða.
Handtekinn með
„óþekktar töflur“
Hæstiréttur staðfesti á fimmtu-
daginn dóm héraðsdóms á karl-
manni fyrir hraðakstur undir
áhrifum amfetamíns. Hafði hér-
aðsdómur dæmt manninn í eins
og hálfs ára fangelsisvist. Auk
glæfralegs aksturs var maðurinn
með fíkniefni sem ætluð voru til
sölu. Athygli vekur í dómnum að
auk amfetamíns og alsælu var
hann með „óþekktar töflur“. Við
ákvörðun refsingarinnar var litið
til þess að karlmaðurinn hafði
langan sakaferil og hafði auk þess
rofið skilorð með afbroti sínu. Auk
fangelsisvistar var hann sviptur
ökuréttindum ævilangt.
Lýtalæknar
finna fyrir
fordómum
Þórdís Kjartansdóttir, formaður
Félags íslenskra lýtalækna, skrifar
grein í nýjasta tölublað Lækna-
blaðsins þar sem hún segir for-
dóma gæta í garð fegrunarlækn-
inga. Hún segir lýtalækna finna oft
fyrir fordómum og þá helst vegna
brjóstastækkunaraðgerða. „Mjög
lítil brjóst geta haft neikvæð áhrif á
lífsgæði kvenna. Þær geta ekki klætt
sig að vild, þrátt fyrir brjóstahaldara
með mikla fyllingu, verða hoknar
í baki af vanlíðun og til að fela
brjóstin. Þær koma ekki í aðgerðina
vegna einhverrar staðal ímyndar,
eins og margar gagnrýnis raddir
halda fram, heldur fyrst og fremst
fyrir þær sjálfar,“ segir Þórdís. Hild-
ur Lilliendahl er ein slík gagnrýnis-
rödd og segir hún á Facebook-síðu
sinni að henni finnist það óskiljan-
legt að Þórdís skuli halda þessu
fram. „Þessi orð, stafi þau ekki af
mjög djúpri afneitun, lýsa full-
kominni vanþekkingu á því hvað
staðalímyndir eru, hvernig þær
virka eða hvaðan þær koma,“ segir
Hildur. Hún segir það mikilvægt að
fólk átti sig á því að það sé vegna
skilaboða frá samfélaginu sem fólk
ákveði að fara í aðgerð sem þessa.
„Af því að samfélagið gerir þá
óorðuðu kröfu að brjóst kvenna séu
jafnstór,“ segir Hildur.
Vilja draga úr
ríkisábyrgðum
n Tillaga hagræðingarhópsins n Ríkið ábyrgist í dag 1.275 milljarða
H
agræðingarhópur ríkis-
stjórnarinnar leggur til að
ríkisábyrgð á fyrirtækjum í
eigu ríkisins verði takmörk-
uð. Þetta er tillaga númer
sex af 111 sem hópurinn hefur afhent
sérstakri ráðherranefnd um ríkisfjár-
mál. „Unnið verði skipulega að því
að draga úr ríkisábyrgðum, svo sem
hvað varðar Landsvirkjun, Íbúða-
lánasjóð og Farice,“ segir einfaldlega
í tillögunni án frekari skýringa. Ekki
liggur fyrir hvernig á að takmarka
þessa ríkisábyrgð en fram kemur
í gögnum hagræðingarhópsins að
ekki sé byrjað að vinna að þessari til-
lögu.
Borga sérstakt gjald
Bankar, lánasjóðir, lánastofnanir,
fyrirtæki og aðrir aðilar og verkefni
sem ríkið ábyrgist greiða sérstakt
ábyrgðargjald af þeim skuldbinding-
um sem eru í ábyrgð. Þetta kem-
ur fram í lögum um ríkisábyrgð. Í
lögunum segir einnig að ábyrgðar-
gjaldið eigi að svara að fullu til þeirr-
ar ívilnunar sem viðkomandi að-
ili nýtur vegna ríkisábyrgðarinnar í
formi hagstæðari lánskjara en þeirra
sem bjóðast þeim sem ekki njóta
slíkrar ábyrgðar. Nokkrar undanþág-
ur eru þó á greiðslu þessa sérstaka
gjalds. Til að mynda greiðir Íbúða-
lánasjóður ekki slíkt gjald til ríkis-
ins vegna ríkisábyrgðarinnar. Þá eru
almennar viðskiptaskuldir og eft-
irlauna- og lífeyrisskuldbindingar
undanþegnar gjaldinu.
Sérstakur ríkisábyrgðarsjóður
er starfræktur til að halda utan um
ábyrgðir sem ríkið hefur gengist í.
Sjóðurinn var stofnaðir árið 1962
en hann annast undirbúning ríkisá-
byrgða og afgreiðslu þeirra og sér líka
um að annast innlausn krafna sem
falla á ríkissjóð vegna ábyrgða.
Á annað þúsund milljarðar í ábyrgð
Samkvæmt yfirliti sem Lánasýsla
ríkisins gaf út í byrjun mánaðarins
kemur fram að staða ríkisábyrgða
hafi verið 1.275 milljarðar króna í
lok septembermánaðar. Innistæður
í íslenskum bönkum sem njóta ríkis-
ábyrgðar vegna yfirlýsingar ríkis-
stjórnarinnar í kjölfar hrunsins eru
ekki taldar með í þessum tölum.
Ríkisábyrgðin er því í raun meiri en
tölurnar gefa til kynna. Ríkisábyrgð-
ir hafa snarhækkað frá því fyrir hrun
en skuldir voru í fyrsta sinn árið 2011
hærri en ríkisábyrgðirnar sem hlut-
fall af vergri landsframleiðslu.
Langstærstur hluti ríkisábyrgð-
anna er í íslenskum krónum, eða
77,9 prósent. Ábyrgðir í erlendum
gjaldmiðlum eru að stærstum hluta
í Bandaríkjadölum en 13,9 prósent
ríkisábyrgða eru í þeim gjaldmiðli.
Þá eru 7,7 prósent í evrum en innan
við hálft prósent í japönskum jenum
og pundum.
Mest í ábyrgð hjá Íbúðalánasjóði
Stærstu ríkisábyrgðirnar eru á Íbúða-
lánasjóði, 934,4 þúsund milljarðar,
og Landsvirkjun, 308 þúsund millj-
arðar króna. Í skýrslunni eru nefnd
átta fyrirtæki og stofnanir sem njóta
ríkisábyrgðar en þess utan eru nokk-
ur verkefni sem einnig njóta ábyrgð-
ar. Þau eru þó öll talsvert minni en
þær ábyrgðir sem stofnanirnar njóta.
Fyrirtækin og stofnanirnar sem tald-
ar eru upp eru auk áðurnefndra
Byggðastofnun, RARIK, Farice,
Isavia, RÚV og Norræni fjárfestinga-
bankinn. n
Ábyrgist
Ríkið er í
ábyrgð
fyrir 1.275
milljörðum.
„Ríkisábyrgðin er
því í raun meiri en
tölurnar gefa til kynna.
Aðalsteinn Kjartansson
blaðamaður skrifar adalsteinn@dv.is