Dagblaðið Vísir - DV - 28.12.2013, Page 74

Áramótablað 28. desember 201374 Lífsstíll
F
jölmargir selja flugelda nú
fyrir áramótin, löng hefð er
fyrir því að björgunarsveitirn-
ar fjármagni starf sitt með sölu
flugelda en auk þeirra eru fjöl-
margir aðrir sem selja flugelda, bæði
íþróttafélög og einkaaðilar. Flest-
ir einkaaðilarnir gefa þó
hluta af hagnaðinum
til góðgerðamála.
„Við erum búin
að breyta fjölskyldu-
pökkunum þannig
að það eru tveir sem
eru ekki með neinu
smádóti, en tveir eru
áfram með það líka,“ seg-
ir Jón Ingi Sigvaldason hjá Lands-
björg um nýjungar í flugeldasölunni.
„Svo bjuggum við til krakkapakka
fyrir nokkrum árum sem inniheld-
ur allt þetta smádót sem krakkarnir
eru að leita eftir en foreldrarnir eru
kannski ekkert mjög spenntir fyrir,“
segir hann.
„Við erum líka með rakettu-
pakka sem í eru valdar rakettur sem
er auðvelt að grípa með sér,“ seg-
ir hann og nefnir sérstaklega Bleiku
rakettuna sem sé sívinsæl en sagan
segir að hún sé til komin vegna sér-
stakra óska Dorritar Moussaieff for-
setafrúar.
„Bardagarnir eru mjög vinsælir
og henta fyrir flesta,“ segir Jón Ingi og
segir tertur yfirleitt með því vinsælla
fyrir áramótin.
Jón Ingi vill brýna fyrir öllum að
fara varlega við meðferð flugelda og
fylgja leiðbeiningum. „Allir eiga að
vera með gleraugu og svo erum
við með nýjung í ár, það er flug-
eldagleraugnapoki sem fæst á
næsta flugeldasölustað og ver
gleraugun fyrir hnjaski þannig
að það er hægt að nota þau ár
eftir ár. Þú pakkar þeim bara nið-
ur með jólaskrautinu og þar af leið-
andi koma þau bara upp með skraut-
inu aftur að ári. Því eins og þetta er
skemmtilegt þá getur verið mjög
leiðinlegt ef illa fer,“ segir hann.
„Vinsælast hjá okkur hefur ver-
ið tertupakki sem er með fimm tert-
um í og svo stóru terturnar, þess-
ar stærstu. Fólk er gríðarlega ánægt
með þá því það fær svo mikið fyrir
peningana,“ segir Högni Auðunsson
hjá PEP Flugeldum. „Terturnar eru
langt komnar með að leysa raketturn-
ar af hólmi, í einni tertu sem kostar
um 3.000 krónur eru kannski um 16
skot, það er eins og 16 rakettur. Það er
þó alltaf ákveðin stemning að skjóta
upp rakettum þannig að þær hverfa
aldrei alveg en þær eru hlutfallslega
miklu dýrari en terturnar.“
Kristófer Þorgrímsson hjá Súper
flugeldum segir Krakkapakka sem þeir
bjóða upp á það vinsælasta á boðstól-
um. „Í þeim er allt þetta smádót sem
krökkunum finnst skemmtilegt.“
Hann tekur undir vinsældir tert-
anna. „Þær fara lægra upp svo menn
sjá miklu betur hvað er að gerast.
Flugeldarnir hins vegar fljúga hátt
upp í himininn og menn sjá bara rétt
í skottið á þeim.“ n
Bleika rakettan
pöntuð af Dorrit
Hvað kostar?
49 skota terta
n Landsbjörg: Guðrún 9.500 kr.
(algengt verð) Grettir 14.100 kr.
(algengt verð)
n PEP Flugeldar: 8.900 kr.
n Súper flugeldar: 1,2" hólkvídd
12.000 kr. / 2" hólkvídd 23.900 kr.
Stjörnuljós
n Landsbjörg: Miðstærð 400 kr.
(algengt verð)
n Súper flugeldar: 50 cm. 450 kr.
n PEP Flugeldar: hjarta- og stjörnu-
laga stjörnuljós 300 kr.
Fjölskyldupakki
n Súper flugeldar: 19.900 kr.
n Landsbjörg: 8.900, 15.500, 19.800,
28.400 kr. (algengt verð)
n PEP Flugeldar: 8.900 kr. og með
rakettupakka á 9.900 kr.
Um hver áramót verða slys af völdum flug-
elda. Flestir slasast á höndum, en augnslys
eru líka algeng þó svo að alvarlegum
augnslysum hafi fækkað undanfarin ár
vegna aukinnar notkunar flugeldagleraugna.
Algengasta orsök þessara slysa er sú að
leiðbeiningum er ekki fylgt.
Um áramótin sjálf eru það fullorðnir
karlmenn sem slasast helst, en dagana
undan og eftir er algengara að ungir strákar
slasist þegar þeir taka vörunar í sundur og
búa til sínar eigin sprengjur. Slys tengd því
fikti hafa mörg hver verið mjög alvarleg og
áverkar oft bæði á andliti og á höndum þar
sem einstaklingar hafa jafnvel misst hluta af
útlim, fengið ævilangt lýti eða tapað sjón.
Þegar flugeldum er skotið á loft þarf undir-
staðan að vera stöðug og alla vega 20 metra
frá húsum. Aldrei
má kveikja í
flugeldi sem haldið
er á og alls ekki halla sér
yfir flugelda eða skottertur sem verið er
að kveikja á. Börn eiga alltaf að vera undir
eftirliti fullorðinna nálægt flugeldum.
Mikilvægt er að allir noti hlífðargleraugu,
bæði börn og fullorðnir, hvort sem þeir
kveikja í sjálfum flugeldunum eða ekki. Ágæt
regla er að enginn fari út úr húsi á gamlárs-
kvöld nema með gleraugu, sérstaklega
ekki á staði eins og brennur þar sem margir
safnast saman og eru jafnvel með skotblys
eða skjóta upp flugeldum.
Þeir sem eiga gæludýr verða að huga vel
að þeim, halda þeim innandyra, hafa ljósin
kveikt og útvarp í gangi til að minnka áhrifin
af blossum og hvellum.
n Skotterturnar vinsælastar n Fullorðnir karlmenn slasa sig helst á flugeldum
Gætum varúðarAuður Alfífa Ketilsdóttirfifa@dv.is
Vinsælar Flugeldasalar
eru sammála um að tertur
séu vinsælli en flugeldar.
„Terturnar eru langt
komnar með að
leysa raketturnar af hólmi