Dagblaðið Vísir - DV - 28.12.2013, Qupperneq 88

Áramótablað 28. desember 201388 Fólk
Stjörnublik ársins
í Hollywood
Miley Cyrus tætir og tryllir
Ungstirnið Miley Cyrus gerði hvern skandalinn á fætur öðrum allt árið.
Toppnum var líklega náð á tónlistarverðlaunum MTV-sjónvarpsstöðvar-
innar þegar hún sýndi á sér nokkuð grófar hliðar í flutningi sínum ásamt
Robin Thicke. Hún tjáði sig þó líka opinskátt um eiturlyfjaneyslu og fór
nakin í myndatöku hjá ljósmyndaranum Terry Richardson. Tónlistar-
myndbandið við lagið Wreckingball, þar sem hún er nær nakin að faðma
keðju í nokkrar mínútur, þótti líka gróft.
Stóra árið
hans Bens
Árið 2013 var árið sem Ben Affleck
kom sér aftur í hóp þeirra bestu og
mestu í Hollywood. Kvikmyndin
hans Argo sló heldur betur í gegn
og færði Affleck fjöldann allan af
verðlaunum; meðal annars ósk-
arsverðlaun. Þá var tilkynnt um það
á árinu að hann yrði næsti Batman.
Val sem kom mörgum á óvart og
þótti umdeilt.
Amanda missti sjálfræðið
Amanda Bynes fetaði í fótspor Britney Spears frá því 2007. Hún byrjaði á því
að kalla fólk ljótt á Twitter og að vera hent út úr líkamsræktartíma en var
svo handtekin á miðju ári fyrir vörslu fíkniefna, fyrir að reyna að koma und-
an sönnunargögnum og fyrir að valda öðrum hættu. Hún var svo lögð inn á
spítala gegn sínum vilja eftir að hafa kveikt eld í innkeyrslu nágranna síns. Í
kjölfarið missti hún svo sjálfræðið.
Ekki meira
Robsten
Bella og Edward lifðu hamingju-
söm til æviloka í bókunum og kvik-
myndunum Twilight. Það á hins
vegar ekki við um leikarana Kristen
Stewart og Robert Pattinson. Þau
hættu saman og byrjuðu saman á
víxl áður en að samband þeirra end-
aði endanlega í maí síðastliðnum
eftir fjögurra ára samband. Heyra
mátti grátur æstra Twilight-aðdá-
enda um allan heim í kjölfarið.
Lawrence
elskuð og dáð
Jennifer Lawrence sló heldur betur í
gegn á árinu með hinum ýmsu upp-
átækjum og gullkornum. Ekki er
hægt að segja annað en að heims-
byggðin öll hafi fallið fyrir þessari
skeleggu og kraftmiklu leikkonu sem
talar tæpitungulaust um allt sem
brennur á henni.
North West
Raunveruleikastjarnan og viðskipta-
mógúllinn Kim Kardashian eignað-
ist sitt fyrsta barn á árinu með sínum
heittelskaða, Kanye West. Barnið fékk
hið óhefðbundna nafn North sem er
sérstaklega sérkennilegt þegar litið er
til þess að eftirnafn þess er West.
Skilnaður ársins
Ofurparið Michael Douglas og Catherine Zeta-Jones skildu að borði og sæng
á árinu. Parið hafði verið táknmynd hins hamingjusama Hollywood-hjóna-
bands um árabil þangað til tilkynnt var um skilnaðinn. Útlit er hins vegar
fyrir að ástin muni sigra að lokum en samkvæmt slúðurpressunni eru þau
enn að reyna að lappa upp á hjónabandið.
Prinsinn er fæddur
Nýr erfingi bresku krúnunnar fæddist á árinu. Georg prins fæddist undir vök-
ulu auga heimspressunnar í júlí en hann er þegar sá þriðji í röðinni bresku
krúnunni, á eftir afa sínum og föður. Foreldrar drengsins eru þau Vilhjálmur
og Katrín, hertoginn og hertogaynjan af Cambridge.
Glee-stjarna
kvaddi
Glee-stjarnan Cory Monteith lést á
árinu, 31 árs að aldri, eftir að hafa
tekið inn of stóran skammt af lyfjum.
Hann lést á hótelherbergi í miðbæ
Vancouver eftir að hafa verið edrú í
mánuð. Cory skildi eftir sig unnustu,
leikkonuna Leu Michele, en þau
höfðu verið í sambandi í rúmt ár
þegar hann féll frá. Þau voru stjörnu-
rnar í sjónvarpsþáttunum Glee.
Lést í bílslysi
Leikarinn Paul Walker, sem þekkt-
astur er fyrir leik sinn í aksturskvik-
myndaseríunni Fast and Furious,
lést í hræðilegu bílslysi und-
ir lok ársins. Bílslysið átti sér
stað á sama tíma og hann
var kynnir á bílasýningu
sem haldin var til styrktar
fórnarlömbum fellibylj-
arins Haiyan sem fór
yfir Filippseyjar með
hörmulegum af-
leiðingum.