Dagblaðið Vísir - DV - 17.10.2008, Blaðsíða 40

föstudagur 17. október 200840 Sport
Sport KínaKappaKstur um helgina Næstsíðasti kappaksturinn á formúlu 1-tímabilinu verður um helgina þegar ökuþórarnir leggja kína undir sig. Lewis Hamilton er með sex stiga forystu í keppni ökumanna og getur með sigri og hagstæðum úrslitum fagnað heimsmeistaratitlinum á sunnudaginn. felipe Massa og robert kubica hafa þó ekki sagt sitt síðasta og ekki má gleyma að það var um þetta leyti í fyrra sem Hamilton bugaðist undan pressunni og kastaði frá sér heimsmeistaratitlinum. aðeins sjö stigum munar í keppni bílasmiða þannig að spenna er á öllum vígstöðum.
Eftir þrjá leiki án sigurs í undan-
riðli heimsmeistaramótsins settu ís-
lensku landsliðsmennirnir og þjálf-
arinn, Ólafur Jóhannesson, vissa
pressu á sig fyrir leikinn gegn Make-
dóníu síðastliðið miðvikudagskvöld.
Sækja átti til sigurs gegn liðinu sem
báðir þjálfararnir höfðu ítrekað sagt
það næstbesta í riðlinum á eftir Hol-
landi. Allir leikmenn og þjálfarar
gerðu sér grein fyrir stöðunni í riðlin-
um og sögðust ætla að vinna leikinn.
Það er töluverð pressa að setja á sig
miðað við þær væntingar sem þjóð-
in gerir til liðsins nánast sama hvað
gengur á.
Sigur var þó niðurstaðan eft-
ir hetjulega baráttu og smá heppni.
En heppni þurfa menn að skapa sér
sjálfir og það er eins og þjálfarinn
sagði eftir leikinn: „Það hlaut eitt-
hvað að fara detta með okkur.“ Það er
satt hjá þjálfaranum sem hefur farið
í gegnum mikla rússíbanareið með
landsliðið á árinu. Prófað marga
menn, náð góðum úrslitum og þurft
að sætta sig við nokkur slæm. En eitt
er víst. Landsliðið undir stjórn Ólafs
er mun betra og hefur mun meiri trú
á öllu því sem það gerir en áður var.
Það er, eins og blaðamaður skrifaði í
grein um Makedóníuleikinn á mið-
vikudaginn, „... aftur orðið spenn-
andi og skemmtilegt að fylgjast með
íslenska landsliðinu.“
Vantaði sigra og vantaði mörk
Það blés ekki byrlega fyrir Ólafi
í fyrstu leikjum hans sem þjálfari.
Fyrir það fyrsta var honum rétt það
óvinnandi verkefni að taka við nið-
urbrotnu liði Eyjólfs Sverrissonar og
var sendur á Parken í leik sem skipti
engu máli. Þar tapaði Ísland, 3-0,
áður en það hélt svo á æfingamót á
Möltu í byrjun febrúarmánaðar. Þar
voru aðeins notaðir leikmenn sem
leika hér heima og í Skandinavíu
ásamt Aroni Einari Gunnarssyni sem
lék þá með AZ Alkmaar
Mótið byrjaði á tveimur tapleikj-
um gegn Hvíta-Rússlandi sem erf-
itt er að kvarta yfir en þegar 1-0 tap
gegn Möltu var staðreynd skrifaði
þessi blaðamaður til dæmis forsíðu-
grein með yfirskriftinni „Það vant-
ar sigur og það vantar mörk“. Litlar
fréttir bárust af mótinu og var erfitt
að fylgjast með framgangi liðsins
sem endaði þó mótið með góð-
um 2-0 sigri á Armenum.
innkoma arons
Sunnudaginn 16. mars
var svo brotið blað í sögu
landsleikja á Íslandi. Leik-
ið var innanhúss í Kórn-
um gegn frændum okkar
Færeyingum. Leikur-
inn var ekki á alþjóð-
legum leikdegi og
áfram hélt Ólafur
að leyfa mönnum
sem leika hér heima
að spreyta sig. Alls
valdi hann 51 leik-
mann í alla vináttu-
leikina, 42 í það sem
kallast má „alvöru“
leiki og aðeins fjóra leikmenn valdi
hann í öll skiptin.
Leikurinn í Kórnum verð-
ur ekki minnisstæður fyrir
margt annað en gífurlega
dræma mætingu enda
miðaverðið líklega það
fáránlegasta sem KSÍ
hefur dottið í hug. Þar
fékk fólk og fjölmiðlar
í fyrsta skipti að berja
Aron Einar Gunn-
arsson augum. Allir
voru sammála um að
hann hefði borið af
á vellinum og þarna
væri nýtt
og
ferskt blóð komið í hópinn. Hann
sannaði það svo enn fremur
með frábærri frammi-
stöðu í fyrsta lands-
leik Ólafs á alþjóð-
legum leikdegi.
Þar gerði Ís-
land sér lítið
fyrir og lagði
Slóvaka 2-1
á útivelli.
niðurtúrinn
Mikil
spenna var fyr-
ir landsleiknum
gegn Wal-
es í lok
maí. Þar tapaði Ísland eftir að Wal-
es-menn skoruðu úr eina færi sínu í
leiknum. Jafntefli gegn Aserbaídsjan
fylgdi svo í kjölfarið áður en að und-
ankeppninni kom. Ólafur var mjög
ósáttur við úrslitin í báðum þess-
um leikjum og sérstaklega var hann
svekktur eftir leikinn gegn Aserum.
Vonin var því ekki mikil í samfélag-
inu áður en kom að fyrsta leik riðils-
ins í Osló.
stöngin inn, stöngin út
Tvö klaufamörk voru íslenska
liðinu dýr í Osló þar sem náðist 2-2
jafntefli í fyrsta leik 9. riðils undan-
keppni HM. Úrslit sem ekki margir
höfðu búist við eftir leikinn gegn As-
erbaídsjan þar sem virtist sem hóp-
urinn væri að falla í sama svartnætti
og sást oft í stjórnartíð Eyjólfs Sverr-
issonar. Óþarfa tap gegn Skotum
fylgdi í kjölfarið þar sem Ólafur sagði
hvergi banginn eftir leik: „Betra liðið
tapaði leiknum.“
Tap í Hollandi varð svo niðurstað-
an fyrir viku áður en þessi fínu úrslit
gegn Makedónum náðust. Ísland
er því með fjögur stig eftir fjóra
leiki og landslagið er allt annað
en hefði getað verið með tapi.
Það er auðvelt að heyra stöng-
ina í Ósló syngja í hausnum á
sér eftir skot Veigars Páls. Sjö
stig hefðu svo sannarlega litið
vel út á pappírnum fræga.
enn er ýmsu ábótavant
Þó þessi dökkletraða milli-
fyrirsögn hér virðist neikvæð er
hún ekkert nema jákvæð. Hægt
er að segja að Ísland hefði getað
unnið Noreg, náð betri úrslitum
gegn Skotlandi, jafnvel Hollandi og
sigur vannst á Makedóníumönnum.
Samt er ennþá margt sem má bæta
og er það ekkert nema vel. Dugnað-
urinn og viljinn eru aftur komnir á
sinn stað. Strákarnir virðast jákvæðir
og einbeittir þegar þeir sjást saman
og hafa gaman af því að hittast.
Inni á vellinum er stundum eins
og ekki gefi allir á hvern sem er. Sumir
leikmenn eiga það til að dansa allt of
mikið með boltann þegar auðveldur
sendingarmöguleiki er til staðar. Það
er jákvætt að menn vilji vel en kapp
er best með forsjá og Ísland er alltaf
best þegar það spilar sem lið. Leik-
mennirnir verða líka að hafa meiri
trú á sjálfum sér fyrir framan mark-
ið. Liðið hefur verið að fá fín og oft
mjög góð færi gegn sterkari þjóðum
sem ekki hafa nýst. Það er grátlegt að
sjá góð færi fara til spillis því við gjör-
samlega megum ekki við því.
erfiður seinni hluti
Þegar riðillinn snýst við lítur hann
ekki billega út fyrir okkar menn. Gíf-
urlega erfiðir útileikir bíða í Skot-
landi og Makedóníu. Þá koma Hol-
lendingar og Norðmenn í heimsókn.
Það þyrfti engan að undra ef aðeins
eitt eða kannski þrjú stig komi í hús
úr þessum fjórum leikjum. Aðal-
atriðið er að liðið haldi sig á sömu
braut og stilli saman strengi enn bet-
ur. Ólafur Jóhannesson og Pétur Pét-
ursson eru á réttri leið með liðið en
stóra prófraunin er þessi seinni hluti
riðilsins. Hvað sem verður bíður
allavega íslenska þjóðin spennt eft-
ir næstu leikjum. Það er annað hug-
arfar en eftir tap gegn Liechtenstein.
Svo mikið er víst.
Sigur íslenska landsliðsins í knattspyrnu á Makedóníu í undankeppni HM á miðvikudagskvöldið markaði
vissan viðsnúning hjá íslenska liðinu. Strákarnir þurftu að hafa mikið fyrir sigrinum en dugnaðurinn og vilj-
inn var til staðar. Mikil stígandi hefur verið í leik landsliðsins eftir að Ólafur Jóhannesson tók við því. DV fer
yfir landsleikjaár Ólafs sem á eftir einn vináttulandsleik, í nóvember, gegn Möltu.
ALLT ANNAÐ LANDSLIÐ
tÓmas ÞÓr ÞÓrÐarsOn
blaðamaður skrifar: tomas@dv.is
góðir Íslenska landsliðið náði góðum sigri
gegn Makedóníumönnum og er á réttri leið.
Ólafur Jóhannesson
er að koma trúnni aftur
í landsliðsmennina.