Dagblaðið Vísir - DV - 17.10.2008, Blaðsíða 45

föstudagur 17. október 2008 45Á ferðinni
Á ferðinni
Laxness á sikiLey
Norðurlandabúar leituðu mikið til sikileyjar og gera
enn. en á austurströnd sikileyjar má finna kastala
sem heita sænskum nöfnum. svíar og danir eru ekki
þeir einu sem leita í eyjuna fallegu. samkvæmt Wik-
ipedia dvaldi Nóbelsskáldið Halldór Laxness í bæn-
um taormina um stund á meðan hann lagði drög að
einni af sínum fyrstu skáldsögum, Vefaranum mikla
frá kasmír. bærinn hefur án efa verið honum mikill
innblástur en fegurðin þar er ólýsanleg.umsjóN: Ásgeir jóNssoN asgeir@dv.is
Paradís á jörðu
Sikiley er sannkölluð ferðamannaparadís og hefur eyjan löngum verið vinsæl meðal
Norðurlandaþjóðanna. Austurströnd Sikileyjar er hinn fullkomni áfangastaður fyrir
áhugasama ferðamenn sem vilja sól og sumaryl í bland við menningu og listir. DV tók
saman nokkra bráðskemmtilega staði sem ferðamenn mega ekki láta framhjá sér fara
í fríi sínu á Sikiley.
Taormina
Taormina er gullfallegur bær.
Ferðamenn verða að leggja leið
sína þangað því hann er algjört
augnayndi. Stjórnvöld í Taormina
hafa lagt mikla peninga í bæinn
og það sést. Þetta er ferðamanna-
paradís í einu orði sagt. Bærinn
er byggður ofan á fjallshlíð og er
bráðskemmtilegt að keyra upp
hæðina, eiginlega ævintýri út af
fyrir sig. Það er mjög dýrt í Taorm-
ina en vel þess virði. Ferðamenn
ættu að kaupa sér pistasíupestó
og gæða sér á cannoli, sikileyskum
sætindum fylltum með mascarp-
one-osti og pistasíukremi. Hægt
er að fá cannoli í hinum ýmsu út-
færslum og er mælt með því að
ferðamenn prófi sem flestar. Ekki
gleyma að bragða á möndluvíninu
sem og sikileysku Marsala. Í Ta-
ormina má einnig finna gullfallegt
grískt hringleikahús með mikla
sögu. Áhugasamir verða að gera
sér ferð þangað. Útsýnið er himn-
eskt í Taormina. Ferðamenn ættu
að gefa sér góðan tíma í þessum
gullfallega bæ því það er mikið að
sjá og skoða.
Giardini naxos
Er í einu orðið sagt Ibiza Sikil-
eyjar. Þangað leita túristar og þá
sérstaklega frá Norðurlöndunum.
Oft er gott að hafa aðsetur í Giard-
ini Naxos, leigja sér bíl og kynna
sér svæðið umhverfis þannig.
Það er ódýrara að gista þar og má
finna skemmtilegar strendur til
að slappa af á. Í bænum má finna
besta ísinn á Sikiley (svo segja
þeir) og þótt víðar væri leitað.
Gelateria Ice Go Go er fjölskyldu-
rekið fyrirtæki þar sem mamma og
pabbi taka við greiðslum á meðan
synirnir búa til ísinn. Öll hráefn-
in eru fersk og er alls ekki erfitt að
breytast í ísfíkil eftir að hafa bragð-
að á Ice Go Go-ísnum.
Gola D´alcantara
Fyrir fólk sem hefur gaman
af smáspennu er nauðsynlegt að
kíkja í Gola D´Alcantara sem er
straummikil á sem liggur í gegn-
um heljarinnar gljúfur. Vatnið er
jökulkalt og er erfitt að vaða út í
það. Til þess er þó leikurinn gerð-
ur, að vaða á móti straumnum upp
að upptökum árinnar. Sumir fara á
eigin vegum, aðrir með leiðsögu-
manni og í tilteknum búningum.
Fjörið hefst síðan á leiðinni til
baka en þá lætur maður sig fljóta
niður ána. Áin ískalda er eitt af því
skemmtilegasta sem ferðamenn
munu upplifa í ferð sinni um Sik-
iley.
Motta Camastra
Motta Camastra er pínulítill
bær byggður inn í fjallshlíðina og
er á stundum erfitt að sjá hvar hús-
in enda og fjallið tekur við. Keyrsl-
an upp fjallshlíðina er ekkert grín.
Íslenskir ökumenn ættu ekki að
hafa áhyggjur enda ófáir vegirn-
ir hér heima líkir þeim sikileysku.
Í Motta Camastra er allt lítið, all-
ar dyr, garðar og gluggar. Bæjar-
stjórn bæjarins hefur lagt mikla
peninga í endurnýjun húsa og hef-
ur það verið gert á afar fágaðan
hátt. Það er einn veitingastaður í
bænum, við hlið útsýnispallsins
og er um að gera að borða kvöld-
verð þar og njóta fegurðarinnar.
Sagt hefur verið að atriði úr Guð-
föðurnum hafi verið tekin upp á
þessum stað.
Castelmola
Án efa einn fallegasti bærinn á
austurströnd Sikileyjar. Hann situr
ofan á hæð, ofar en Taormina sem
nefndur var áðan. Bærinn er gullfal-
legur, útsýni af eldfjallinu Etnu á sól-
ríku kvöldi er fullkomið. Að leggja
leið sína til Catelmola er nauðsyn-
legt. Ekki vera hrædd við að spjalla
við íbúana, þeim finnst það ógur-
lega skemmtilegt. Ef þið eruð á ann-
að borð stödd í bænum er skylda að
kíkja á Torrisi-barinn. Þar inni er
maður umkringdur typpum í formi
bolla, stólfóta og margt, margt fleira.
Einnig er mælt með því að kíkja á
Ciccino´s-pitsustaðinn. Heimilis-
legur staður með dásamlegum pits-
um og eftirréttirnir eru unaðslegir.
Castiglione
Er lítill og fallegur bær nánast við
hliðina á Motta Camastra. Ferða-
menn ættu endilega að gera sér ferð
til Castiglione. Það er fátt skemmti-
legra en að fylgjast með gömlu
mönnunum á aðaltorginu spjalla
um daginn og veginn. Ekki vera
hrædd við að spjalla við þá, þeim
finnst það ekki mjög leiðinlegt. Þeg-
ar þið eruð stödd í bænum er um að
gera að spyrjast fyrir um Nino tré-
myndhöggvarann. Þeir vísa ykkur
leiðina. Nino elskar að sýna ferða-
mönnum verk sín og segja sögur af
sjálfum sér.
aci Castello
Fallegt svæði nálægt Catan-
ia. Í Aci Castello er gamall kastali
byggður inn í stóran klett. Kast-
alinn er á heimsminjaskrá Un-
esco. Allt strandsvæðið í kring er
unaðslega fallegt. Mælt er með
því að verja heilum degi á þessu
svæði. Það er svo mikið að sjá.
Ekki gleyma að taka baðfötin með
því það er hægt að hoppa út í krist-
albláan sjóinn hvar sem er. Í Aci
Castello má einnig finna leifar af
Ítalíu undir fasistastjórn Benitos
Mussolini. En á aðaltorginu má
finna á einu húsinu skilaboð frá
Mussolini sjálfum. Mögnuð sjón.
Takið einnig eftir lyktinni sem um-
lykur bæinn. Á þessu svæði vaxa
fíkjutré óspart sem umvefja bæinn
með sætri lykt.
Markaðurinn í siracusa
Matar- og fiskmarkaðurinn í
Siracusa er óborganlegur. Siki-
leysku markaðarnir eru frábær
skemmtun og þar gerir maður
bestu kaupin. Að verja tíma með
ítölskum sjómönnum sem kalla
til manns að kaupa fiskinn þeirra
er upplifun sem gleymist seint.
Markaðurinn í borginni Catania
er stærri í sniðum en sá í Siracusa
og þeir sem hafa áhuga á matvæl-
um ættu ekki að láta hann fram-
hjá sér fara. Einnig er nauðsynlegt
að skoða gríska hringleikhúsið
og katakomburnar. Skemmtilegt
er einnig að labba um bæinn og
skoða dómkirkjuna. Arkitektúrinn
í Siracusa er með öðru sniði en í
öðrum bæjum á Sikiley. Katalónar
réðu ríkjum þarna um tíma og má
sjá greinileg áhrif af gotneskum/
katalónskum stíl á hinum ýmsu
byggingum.
hanna@dv.is
Kreppulínan
Í gautaborg í svíþjóð sé ég auglýsta
neyðarlínu sem þeir sem hafa
áhyggjur af kreppunni geta hringt í
og spurt hvaða áhrif hún komi til
með að hafa á þá. danmörk var
fyrsta Norðurlandið til að lýsa því yfir
að hagvöxtur væri orðinn
neikvæður, og líklegt að kreppan
fari að breiðast yfir til svíþjóðar. ef til
vill er hún þegar komin til malmö.
Það gengur alltaf allt á afturfótun-
um í malmö. Það er fjórum sinnum
meira af ránum þar en í stórborgun-
um stokkhólmi og kaupmannahöfn
og meira en helmingurinn af 12
útibúum swedbank þar hefur verið
rændur á árinu.
stokkhólmur er höfuðstaður
svíþjóðar og mikil menningarborg
þar sem glæstar hallir, að einhverju
leyti byggðar fyrir ránsfé frá
danmörku, Þýskalandi og tékklandi,
vitna um stórveldistímabil landsins.
Það er ekki laust við að gautaborg-
arar séu örlítið afbrýðisamir út í
höfuðstað sinn. gatan avenyn var
gerð til að ráða bót á því vandamáli,
glæsileg gata sem á að minna á
Champs-Élysées í París. Þó að svíar
heiðri frakka með þessum hætti
hafa frakkar ekki verið jafnhrifnir af
öllum uppátækjum svía. Nýlega var
sænsku fatabúðakeðjunni H&m
bannað af yfirvöldum að opna búð
á aðalgötu Parísar, þar sem það þótti
spilla ásýnd hennar.
avenyn teygir sig frá listasafni
gautaborgar, sem er næststærsta
listasafn svíþjóðar, til Vasastaden,
sem er miðbær borgarinnar. Við
götuna má finna óperuhúsið,
borgarbókasafnið og hina ýmsu
veitingastaði. miðpunktur hennar er
torgið götaplatsen með styttu af
sjávarguðinum Poisedon sem á að
tákna tengsl borgarbúa við sjóinn.
Þar er einnig skilti á ljósastaur þar
sem stendur: „Vinsamlegast ekki tala
stokkhólmsku á avenyn.“ Það er jú
til lítils að byggja glæsilega
breiðgötu í gautaborg ef stokk-
hólmarar láta þar eins og þeir séu
heima hjá sér.
en fyrir utan avenyn er gautaborg
borg verkamanna og sjóara.
gautaborg er stærsta höfn
Norðurlanda, og hér eru einnig
höfuðstöðvar Volvo, sem er stór
atvinnurekandi. fólk bendir þó
gjarnan á að það gangi ekki svo vel
hjá Volvo þessa dagana. Þeir eru
hins vegar enn stoltir af ljósmynda-
vélafyrirtækinu Hasselblad, og það
má finna styttu af stofnanda þess
við listasafnið. Það fór þó heldur
ekki vel hjá Hasselblad hjá
endanum, heldur var það tekið yfir
af dönum. glæstar höfuðstöðvar
þess standa enn við ána og bera
nafnið kanalen í höfuðið á henni.
Þær hafa nú verið teknar yfir af
sænska ríkissjónvarpinu og hefur
því nafnið fengið tvöfalda merkingu.
Í Noregi er hins vegar lítið um
kreppu. Ævintýri rússa í georgíu
gera það að verkum að evrópusam-
bandið kaupir nú norska olíu sem
aldrei fyrr. og Noregur virðst eina
landið í heiminum sem safnaði
gjaldeyrissjóðum í góðærinu. Þó eru
blikur á lofti. Húsnæðisverð fer
lækkandi í borgunum ósló, bergen,
Þrándheimi og tromsö. eini
staðurinn sem það fer enn
hækkandi er í olíubænum stafangri.
ef til vill er það eini bærinn sem er
alveg kreppuheldur.
Valur Gunnarsson er
staddur í noregi
skiLaboð frá LeiðToGa
gömul ræða benitos mussolini
trónir yfir torginu í aci Castello.
siraCusa
er algjör paradís.
unaðsLíf
Hægt er að hvíla sig
vel í giardini Naxos.
besTi ísin
ice go go í giardini
Naxos er sá besti.
VirðuLeGT
eldfjallið etna er mjög virkt.