Húnavaka - 01.05.2015, Blaðsíða 134

H Ú N A V A K A 132
gjarna í andlit mjaltarans. Hún var því alltaf mjólkuð við snúrustaurinn og
snúruendinn sem niður lafði notaður til að binda upp halann.
Nú er það þarna í sunnanþeynum að hvítu damaskverin blakta hressilega
og Ása er að mjólka Skessu við staurinn. Ari litli er að koma út úr kjallaranum
og fyrir húshornið er hann sér að sú mógolsótta er enn kominn í túnið. Hann
sigar hundinum og etur honum hressilega til að róta við rollunni. Eitthvað
hefur hundurinn misskilið bendinguna því hann rýkur inn í sundið og glefsar
í hælana á svörtu beljunni Skessu, sem kippist til, hellir niður úr fötunni og
skellir móður hans flatri. Síðan brunar beljan af stað í flogum, slítur niður
snúrurnar með öllum þvottinum, fyrst af staurnum en síðan úr skemmuveggn-
um. Beljan hleypur einu sinni eða tvisvar eftir hlaðinu með snúruna í halanum
og blaktandi sængurverin, líkt og slóða á flugdreka og fælist sífellt meira. Loks
tekur hún stefnuna á fjósið, hefur sennilega fundist mest öryggi að leita þangað
en þegar hún kemur fyrir fjóshornið er ferðin á henni svo mikil að hún nær
ekki beygjunni og lendir langt út í haugnum. Þar sem haugurinn var harðastur
næst fjósinu hélt hann beljunni nokkuð en eftir því sem framar dró sökk hún
meira og loks á miðjar síður, braust þó framúr haugnum en þá loks slitnaði
snúran frá halanum. Var fjóshaugurinn nú til að sjá eins og fjall að vori sem er
með hvíta skafla á víð og dreif í giljum.
Þeir sváfu ekki við damask sunnangestirnir að Á að þessu sinni og sagan
segir að sú mógolsótta sé eina rollan hér í sveit sem sést hefur hlæja.
RAGNHEIÐUR BLÖNDAL frá Brúsastöðum:
Björn minn kemur í heimsókn
Á dyrnar mínar drepið var
og drengur úti beið
sem þekki ég vel, hann ungur er
með augu blá og heið.
Við komum inn, hann köku fékk
ég kyssti vininn minn
með hendur á baki hann nú gekk
og hýr var svipurinn.
Ég er með bangsa, amma mín,
hann á þér að vera hjá
og þú mátt eiga hann, augun þín
verða ekki eins döpur þá.
Og síðan bangsa sef ég hjá
hann set við vanga minn
í blíðum draumi breytist þá
í barn í annað sinn.