Húnavaka - 01.05.2015, Blaðsíða 167

H Ú N A V A K A 165
Hulda átti heima á Njálsstöðum til ársins 1934 en það ár brugðu foreldrar
hennar búi. Þau voru við vinnu á prestssetrinu á Höskuldsstöðum í eitt ár en
fluttu þá á Blönduós þar sem þau áttu heima í röskan áratug. Hulda naut
hefðbundinnar barnafræðslu þess tíma og hún
var við nám í Kvennaskólanum á Blönduósi
veturinn 1938-1939.
Hún byrjaði ung að vinna við heimilis- og
bústörf eins og unglingar til sveita gerðu jafnan á
fyrsta þriðjungi síðustu aldar og lengur. Hún fór
og ung til starfa utan heimilis og vann á hinum
ýmsu stöðum. Hún var m.a. við vinnu í Skagafirði
og í Bakkaseli í Öxnadal þar sem á þeim tíma var
rekin, auk hefðbundins búskapar, greiðasala og
athvarf fyrir ferðafólk.
Hulda flutti til Reykjavíkur um 1940 og fór að
vinna hjá Lofti ljósmyndara, þekktum myndasmið
á þeirri tíð og hjá honum starfaði hún í nokkur ár.
Hún fór síðan til starfa á heimili Hilmars Stefáns-
sonar bankastjóra og fjölskyldu hans. Þar vann hún í áratugi af þeirri
trúmennsku og samviskusemi sem einkenndi hana svo mjög. Börnin á
heimilinu voru henni afar kær og börnin í götunni voru svo elsk að henni að
þau kölluðu hana ömmu. Hundar voru í miklu uppáhaldi hjá Huldu og sóttu
mjög til hennar. Hún vann einnig við ræstingar.
Hulda las mikið og hún var sérlega ljóðelsk. Svo nátengd var hún ljóðinu að
segja má að hún hafi lifað í heimi þess. Hún kunni mikið af ljóðum og var
sannur ljóðaunnandi. Jónas Hallgrímsson, listaskáldið góða, var í sérstöku
uppáhaldi hjá henni.
Huldu var gefið gott hjartalag. Hún var þeirrar gerðar að vilja öllum vel.
Hún var umtalsfróm, létt á fæti, brosmild og kærleiksrík. Hún hafði góða
nærveru og kunni þá list að miðla góðu til fólks, ekki síst til þeirra ungu.
Útför Huldu Sigríðar Pálsdóttur, frá Njálsstöðum, fór fram frá Fossvogs-
kapellu þann 6. febrúar. Jarðsett var í Fossvogskirkjugarði.
Sr. Ægir Fr. Sigurgeirsson.
Magnús Björnsson
frá Flögu
Fæddur 1. september 1942 – Dáinn 26. febrúar 2014
Magnús fæddist í Reykjavík. Hann var sonur Bergþóru Magnúsdóttur og
Gunnars Jóelssonar en var ættleiddur tveggja ára af Elsu Lyng Magnúsdóttur
frá Flögu í Vatnsdal (1917-2011) og Birni Sigurðssyni frá Kornsá í Vatnsdal
(1920-2010).
Magnús ólst upp á Flögu í Vatnsdal með kjörforeldrum sínum sem voru