Húnavaka - 01.05.2015, Blaðsíða 184

H Ú N A V A K A 182
og hey hröktust. Úrkomumet mánað-
arins féllu á nálægum veðurstöðvum.
Á Brúsastöðum mældist mánaðar-
úrkoman 122,5 mm en ársúrkoman
alls 451 mm. Í Stafni varð úrkomu
vart 29 daga í júlí, samtals 119,4 mm.
Undir verslunarmannahelgi batn-
aði tíðin. Ágúst var hlýr og úrkomu-
minni. Stórt eldgos hófst í Holuhrauni
norðan Vatnajökuls í lok mánaðarins
og var ekki lokið í árslok. Miklar
eiturgufur stigu upp af gosinu og
lagðist blámóða yfir landið og barst
undan vindi um land allt. Hefur slík
gosmóða ekki fylgt nokkru öðru gosi, í
jafn ríkum mæli, síðan í Móðu harð-
indunum. Þegar móðan var mest var
skyggni ekki nema örfáir kílómetrar.
Ýmsir fundu fyrir óþægindum í
öndunarfærum frá eiturgufunni.
Í september var hlýtt og úrkomu-
samt. Göngur á heiðum gengu vel
þrátt fyrir nokkurt hvassviðri. Októ-
ber tíðin var frábær, þó snjóaði dálítið
í hærri sveitum undir lok mánaðarins
en tók fremur fljótt upp. Nóvember
var stilltur, þurr og mildur. Um mán-
aða mótin nóvember desember gekk
sunnan stórviðri yfir vestanvert landið.
Ekki varð verulegt tjón af því í
héraðinu. Áfram var mjög veðrasamt
og þann 10. gerði norðan áhlaup með
mikilli veðurhæð, snjókomu og ófærð.
Illviðratíðin hélst en segja má að úr
henni drægi eftir suðvestan aftakaveður
sem gekk yfir, einkum um innanvert
héraðið, þann 17. Úr því var heldur
vægari vetrartíð til áramóta.
Veðragarðurinn í mánuðinum setti
samgöngur mjög úr skorðum. Fremur
snjólétt var á láglendi í árslok og logn
á gamlárskvöld.
Jóhann Guðmundsson.
FRÉTTIR FRÁ
BLÖNDUÓSBÆ.
Samkvæmt heimildum Hag-
stofu Íslands var íbúafjöldi
Blönduósbæjar, 1. desember 2014,
859 sem er fækkun um 29 íbúa frá ár-
inu áður.
Brim við Skagaströnd. Ljósm.: Árni Geir.