Húnavaka - 01.05.2015, Blaðsíða 265

263H Ú N A V A K A
markað í stétt í kringum verkið. Á
stuðla bergsdrangana er rist stórum
stöfum: „Tíminn er eins og vatnið og
vatnið er djúpt og kalt“.
Listskreytingasjóður ríkisins lagði
verkið til og afhenti sveitarfélaginu
það formlega til varðveislu. Listamað-
ur inn, Magnús Pálsson, hefur verið
einn helsti þátttakandi í nýrri skil-
greiningu á hugtakinu list í íslenskri
myndlist sem hugmyndasmiður og
lærimeistari.
Sveitarfélagið 75 ára.
Sveitarfélagið bauð til afmælisveislu
1. desember 2014. Tilefnið var að 75
ár voru liðin frá skiptingu Vindhælis-
hrepps hins forna í þrjú sveitarfélög
árið 1939 og þar með stofnun og
upphaf Höfðahrepps sem nú heitir
Sveitarfélagið Skagaströnd.
Vindhælishreppur hinn forni náði
allt frá Skagatá og fram að Kirkju-
skarði á Laxárdal. Strax árið 1872 tók
að bera á því, þegar farið var að skipa
hreppsnefndir, að það þótt langt að
sækja fundi fyrir þá sem bjuggu næst
endum hreppsins. Þorpið á Skaga-
strönd fór svo að vaxa, einkum á
þriðja og fjórða áratug 20. aldar. Þá
voru komnar vélar í bát-
ana, búið að steypa fyrstu
bryggjuna og raunveruleg-
ar hafnarframkvæmdir að
hefjast með því að gerður
var garður úr landi og út í
Spákonufellsey en vinna
við það hófst 1935.
Þegar þarna var komið
sögu voru góðbændur í
sveitarfélaginu, sem voru
helstu útsvarsgreiðendur,
orðnir mjög áhyggjufullir
vegna vaxandi íbúafjölda í
þorpinu sem þeir sáu ekki
fram á að gætu framfleytt
sér. Þá var einnig skollin á heimskreppa
og ágreiningur milli sveita og þorps
fór vaxandi.
Í hreppsnefndarkosningum 1937
náðu þorpsbúar svo meirihluta í
hrepps nefndinni og þá virðist sem
flest um verði ljós nauðsyn þess að
skipta hreppnum upp og þá er talað
um þrjá hreppa.
Allnokkur fundahöld voru í nýju
hreppshlutunum og í störfum skipta-
nefndar var tekist á um hve mikið
land ætti að fylgja þorpinu og um
ómaga framfærslu. Niðurstaða um
ómagaframfærsluna var að hafa hana
sameiginlega í sjö ár eftir skiptingu.
Auðvitað voru mörg fleiri úrlausnar-
mál en þeim var öllum fundinn nýr
farvegur. Nýju sveitarfélögin áttu að
heita Vindhælishreppur, Höfða hrepp-
ur og Skagahreppur.
Skipting Vindhælishrepps í þrjá
hreppa var rædd á fundi hreppsnefnd-
ar á Þorláksmessu 1938 og þá var
ákveðið að aðskilnaður hreppanna
tæki gildi 1. janúar 1939 og kosning
nýrra hreppsnefnda skyldi fara fram
15. janúar 1939.
Sólúrið á Hnappstaðatúni eftir Magnús Pálsson.