Fréttablaðið - 06.12.2014, Síða 40

6. desember 2014 LAUGARDAGUR| HELGIN | 40
JÓLABÆR Í
LJÓSASKIPTUM
Gunnar V. Andrésson ljósmyndari Fréttablaðsins
fór á stjá eldsnemma morguns og myndaði miðbæ
Reykjavíkur í jólabúningi. Jólaljósin nutu sín í fallegri
birtunni, fólk gekk um í rólegheitum og kíkti inn um
jólaskreytta búðarglugga á Laugaveginum og fyrsti
kaffibolli dagsins yljaði köldum borgarbúum.
SKÓLAVÖRÐUSTÍGURINN Snjórinn liggur á bílum og grýlukertin hanga neðan af ljósastaurum. Ein fallegasta gata miðbæjarins er að vakna í morgunsárið.
LJÓMANDI TRÉ Borgartréð 2014
er vel upplýst með hjálp fjölda
ljósasería. Garðhlynurinn er við
Sturluhallir þar sem Íslenska
auglýsingastofan er til húsa og
lýsir upp Laufásveginn í myrkrinu.
AUSTURVÖLLUR Metnaðurinn í ljósadýrðinni á Austurvelli vex ár frá ári og má sjá nýja liti
og enn meiri ljósadýrð í kringum Jón Sigurðsson en áður.
FYRSTI BOLLINN Rjúkandi kaffi rennur ljúflega niður í kuldanum en á hverjum morgni hittast fjölmiðlamenn og
samfélagsrýnar á Kaffifélaginu og taka stöðuna á málunum. Björn Þór Sigurbjörnsson, Kolbeinn Óttarsson Proppé og
Helgi Seljan voru á fyrsta bolla þegar ljósmyndarinn rakst á þá.
SKOÐA Í
GLUGGA
Búðarglugg-
arnir á Lauga-
veginum
eru komnir í
jólabúning og
skreytingarn-
ar draga að
forvitin augu
enda erfitt
að ganga
fram hjá án
þess að virða
fyrir sér jóla-
sveina, engla
og skreytt
jólatré.