Gerðir kirkjuþings - 1988, Blaðsíða 12

9
nefndarmenn skýrðu sín sjónarmið. Ég met mikils einlægan
vilja nefndarmanna til að finna leið sem er liklegust til að
vinna málinu brautargengi.
Nefndin hefur reynt að ná samstöðu um sem flest atriði en
vikið til hliðar þeim málum, sem vænta megi að mæti andstöðu.
Ég tel þetta vera skynsamleg vinnubrögð og komi málinu úr
þeirri sjálfheldu sem það var komið i. Meginatriðið i
tillögum nefndarinnar er að hún leggur til að sameina umrædd
frumvörp. Jafnframt er lagt til að landið verði áfram eitt
biskupsdæmi en embætti vigslubiskupa stórefld og aðsetur
þeirra ákveðin á hinum fornu biskupssetrum.
Tillögur þessar ganga skemmra en fyrri tillögur sem
Kirkjuþing og Prestastefna hafa samþykkt. Jafnframt er lagt
til að málið verði endurskoðað að nokkrum árum liðnum, að
fenginni reynslu. Ég vænti þess að um þetta mál megi nást
samstaða, bæði hér á Kirkjuþingi, svo og þegar málið kemur
fyrir Alþingi.
Á þessu ári hafa staðið yfir endurbætur á Hóladómakirkju.
Vænta má þess að viðgerð að innanverðu ljúki á þessu ári ef
tekst að tryggja fjármagn. Hóladómkirkja er ómetanleg bygging
jafnt fyrir kirkjuna og þjóðina i heild. Með endurbyggingu
hennar er verðmætum bjargað sem aldrei verða metin til fjár
og varða sögu og menningu landsins í rikari mæli en flestar
aðrar byggingar sem við eigum.
Ástand kirkjunnar var öllum áhyggjuefni sem þar komu og
endurreisn hefur forðað okkur frá þeirri miklu skömm sem
hefði fylgt þvi að horfa á kirkjuna verða fyrir frekari
skemmdum af völdum viðhaldsleysis.
Frelsið til að hugsa og álykta, velja og hafna, gerir okkur
mögulegt að vera manneskjur. Við leitum eftir þroska og
hamingju með eigin starfi og styrk annarra. Þótt lífskjörin
og umhverfið skipi ríkan þátt í hugum okkar allra er það ekki
trygging farsældar. Starf kirkjunnar eykur þroska og bætir
manninn. Það hjálpar hverjum og einum til að viðhalda frelsi
hugsunar og tjáningar. Við þjónum best Guði með þvi að skerpa
betur i eigin huga hvað er rétt og hvað er rangt. Það reynist
fæstum auðvelt og allir þurfa á aðstoð að halda. Það hlutverk
rækir kirkjan með öflugri hætti en flestir gera sér grein
fyrir. Til þess þarf hún samstarf og skilning samfélagsins,
sem byggir ekki síst á frumkvæði og lifandi starfi í sem
mestri nálægð við hvern og einn.
Ég vænti þess að kirkjan fái nauðsynlegan stuðning þannig að
hún geti áfram stutt okkur sem best til meiri þroska og
hamingju.
Stutt yfirlit um fundarstörf Kirkjubings.
Á fyrsta fundi var kjörbréfanefnd kölluð til starfa en hana