Gerðir kirkjuþings - 1988, Qupperneq 135

132
þessir aðiljar hafa valið þvi. Lokaafgreiðsla kirkju-
laganefndar hefir þvi aðeins varðað lagatæknileg atriði og
samningu greinargerðar, en ekki hefir verið haggað við
efnisatriðum frv., eins og það kom frá stofnunum þjóð-
kirkjunnar, i neinu, sem verulega skiptir."
Á árinu 1986 var frumvarpið lagt fyrir Alþingi til
kynningar.
í upphafi athugasemda með frumvarpinu segir m.a.:
"í frumvarpinu er ákvæði, sem rikisstjórnin getur ekki
samþykkt óbreytt. Það er hinsvegar eindregin ósk kirkju-
ráðs, að það verði lagt fram á Alþingi óbreytt. Þvi hefur
verið ákveðið að leggja frumvarpið fram til kynningar án þess
að afstaða verði tekin til þess i heild. Augljóst er að
einhverjar breytingar þarf að gera á frumvarpinu áður en það
hlýtur endanlega afgreiðslu."
Einkum eru það eftirtalin atriði sem hafa mætt
andstöðu:
Kostnaðarauka er myndi fylgja ef frumvarpið yrði að
lögum óbreytt.
Ákvæði IV. kafla frumvarpsins um biskupa og
biskups-dæmi þjóðkirkjunnar.
Ákvæði er kveða á um launagreiðslur þótti ekki eiga
heima i téðu frumvarpi.
Einnig má benda á að nauðsynlegt er að samhæfa eða
sameina umrætt frumvarp frumvarpi til laga um skipan presta-
kalla og prófastsdæma þar sem bæði frumvörpin fjalla að hluta
til um sama efni.
Nefndin hefur reynt að ná samstöðu um sem flest atriði
en vikið til hliðar öðrum sem samstaða hefur ekki náðst um.
Um I. og II. kafla frumvarpsins visast til þess sem
áður hefur verið sagt.
III. kafli frumvarpsins fjallar um embættisgengi
presta. Efnislega eru ákvæði kaflans samhljóða 1. til 4. gr.
og 45. gr. "starfsmannafrumvarpsins".
IV. kafli frumvarpsins fjallar um ýmis ákvæði um
presta og samstarf þeirra. Hluti kaflans, þ.e. ákvæði
20.,21., 22. og 26. gr. eru samhljóða III. kafla frumvarps um
skipan prestakalla og prófastsdæma. 23. gr. er efnislega
samhljóða 11. gr. "starfsmannafrumvarpsins", 24. gr. er
samhljóða 9. gr. "starfsmannafrumvarpsins" og 25. gr. er
samhljóða 10. gr. "starfsmannafrumvarpsins".
V. kafli frumvarpsins um prófasta er nær óbreyttur
tekinn upp úr "starfsmannafrumvarpinu".