Gerðir kirkjuþings - 1988, Blaðsíða 216

213
kirkjuskrána: byggingarsögu hennar, viðhald kirkju og
réttindi hennar o.fl."
Af framansögðu má ljóst vera að tilgangur kirkiubókarinnar
var annars vegar að auðvelda skýrslugerð og að þvi leyti
kærkomið tækifæri til að fá rétta mynd af þjónustu
þjóðkirkjunnar og þvi mikla starfi sem fram fer á hennar
vegum, - og hins vegar að vera til aðhalds og gera
eftirlitsstarf allt auðveldara.
Að dómi flm. er hér um svo mikilvægt mál að ræða fyrir
kirkjuna bæði i nútið og framtíð, að ekkert má til spara að
þetta tækifæri verði nýtt til að koma skipan á skráningu og
upplýsingasöfnun kirkjunnar. Það er hins vegar mikið
vandaverk að samræma og skipuleggja þessa skráningu þannig að
hún geti þjónað fyrrnefndu markmiði. Þess vegna er hér gerð
tillaga um nefndarskipan og þykir flm. ekki óeðlilegt að
nefndin verði skipuð fulltrúa biskups, öðrum frá ráðuneytinu
og þeim þriðja frá Prestafélagi íslands.
Nefndin myndi m.a. reyna að gera sér grein fyrir hvernig
þessi skráning verði best framkvæmd. Ljóst er að einkum
stærri söfnuðum vefst þessi skráning fyrir mönnum. Þyrfti
t.d. að athuga hvort sóknarnefnd myndi aðeins færa hana eftir
dagbókum starfsmanna, svo sem ársfjórðungslega. Flm. litur
einnig svo á að óhjákvæmilegt verði um leið að taka afstöðu
til þeirrar skýrslna sem sóknarprestum er nú ætlað að skila
og jafnframt að skoða þau drög að starfsskýrslum sókna sem
fyrir liggja frá sérstakri nefnd sem til þess var sett.
Þá telur flm. rétt að nefnd þessari verði um leið falið að
kanna hvernig hin nýja tölvutækni geti komið að notum við
skráningu og upplýsingasöfnun kirkjunnar og önnur
skýrsluskil, svo sem til Hagstofu íslands.
Visað til fjárhagsnefndar (frsm. Halldór Finnsson).
Leggur nefndin til að tillagan verði samþykkt þannig orðuð:
Kirkjuþing 1988 beinir þeim tilmælum til biskups að hann
skipi nú þegar þriggja manna nefnd til að setja og samræma
reglur um færslu "Kirkjubókar" og laga að þeirri skýrslugerð
sem sóknarprestar (og sóknarnefndir og starfsmenn sókna),
kunna að verða krafðir um.
Komist nefndin að þeirri niðurstöðu að nýútsend bók fullnægi
ekki því sem til var ætlast þá verði hönnuð ný Kirkjubók.
Samþykkt samhljóða.