Són - 01.01.2015, Qupperneq 124

122 HAukur Þorgeirsson
Vísuorðin sem Resen hefur umfram er ekki að finna í öðrum fornum
kvæðum. Reyndar má líka segja að þau séu ekki sérstaklega fornleg að sjá.
Ofstuðlun er mjög sjaldgæf í fornum kvæðum en algeng á fimmtándu,
sextándu og sautjándu öld (Ragnar Ingi Aðalsteinsson 2010:245). Líklega
eru því orðin heiðríkum himni / og hlæjandi herra til orðin á því tímabili.
5. Aðrar miðaldaheimildir
Ef texti Resens er byggður á miðaldagerð HÁVAMÁLA annarri en þeirri
sem finnst í Konungsbók mætti ef til vill búast við að hann sýndi skyld-
leika við þær slitrur af HÁVAMÁLUM sem varðveittar eru í öðrum gömlum
handritum. Að vísu er ekki feitan gölt að flá en nokkuð má þó taka til
rannsóknar.
Fyrsta vísa HÁVAMÁLA er varðveitt í handritum Gylfaginningar og er
þar fjórum fornum handritum til að dreifa; Konungsbók Snorra-Eddu,
Trektarbók, Wormsbók og Uppsalabók. Texti þeirra er eftirfarandi, með
nútímastafsetningu:
Konungsbók Sn-E Trektarbók
Gáttir allar Gáttir allar
áður gangi fram áður gangi fram
um skoðast skyli,
um skyggnast skyli um skygnast skyli
því að óvíst er að vita því að óvíst er að vita
hvar óvinir hvar óvinir
sitja á fleti fyrir. sitja á fleti fyrir
(Finnur Jónsson 1931:9) (Finnur Jónsson 1931:9)
Wormsbók Uppsalabók
Gáttir allar Skatnar allir
áður gangi fram áður né gangim fram
um skyggnast skyli, um skyggnast skyli,
því að óvíst er því að óvíst er að vita
hvar óvinir hvar óvinir
sitja á fleti fyrir. sitja á fletjum fyrir.
(Finnur Jónsson 1931:9) (Heimir Pálsson 2013:155)
Eins og sjá má er textinn nokkuð mismunandi í þessum handritum – en
ekkert handrit sýnir skyldleika við erindið eins og það birtist hjá Resen.