Són - 01.01.2015, Page 128

126 HAukur Þorgeirsson
Hluti af bl. 6r í GKS 2365 4to.
Hér er svo að sjá að skrifarinn hafi fyrst ritað ‹nóttþv́n ſat› og ef til vill
séð fyrir sér að það ætti að lesa „nóttþunn sat“. En síðan hefur hann
áttað sig á því að hann gerði villu. Hann skrifaði ‹n› þar sem hann átti
að skrifa ‹rı› - væntanlega vegna þess að hann hefur mislesið ‹rı› sem
‹n› í forritinu. Þessa villu leiðréttir hann með því að setja tvo eyðingar-
punkta undir ‹n›-ið og bæta við stöfunum ‹rı› með litlu letri fyrir ofan.
Útgefendur hafa skilið þessa leiðréttingu sem svo að þarna eigi að standa
‹nótt þv́ rıſat›, sem sagt „nótt þú rís-at“, og mun það vera rétt enda
gefur það góða merkingu í samhenginu. Þetta er næstum örugglega það
sem hefur staðið í forriti Konungsbókar. En lítum nú á hvernig þessi
vísuhelmingur er í útgáfu Resens. Hér vísa ég stafrétt í fyrsta vísuorðið:
Resen 102.4–6 Konungsbók 112.5–7
„Not thunnar set“ Nótt þú rís-at
nema á njósnum sért nema á njósn sér
eður vitir þér í von útstaðar. eða þú leitir þér innan út staðar.
(GS 1998:42)
Texti Resens af fyrsta vísuorði er illskiljanlegur en það er augljóst hvernig
hann er til kominn. Einhver hefur lesið þessa vísu í Konungsbók en
ekki áttað sig á leiðréttingunni. Hann hefur skilið r-ið yfir n-inu sem
ar-band og ef til vill hefur hann skilið eyðingarpunkt sem tvöföldunar-
punkt. Þannig má búa sér til orðmyndina þunnar. Mjög er vandséð
hvernig þessi orðmynd ætti að geta komist í textann með öðrum leiðum
en með mislestri á Konungsbók.
Lítum nú á hina lesháttuna sem Faulkes bendir á. Fyrst má telja vísu
113 í Konungsbók. Lítum á textann eins og hann er venjulega prentaður:
Resen 103.1–3 Konungsbók 113.5–7
Fjölkunnigrar konu Fjölkunnigri konu
firrð þú þig öllu lagi skal-at-tu í faðmi sofa
svo hún lyki þig ekki liðum. svo að hún lyki þig liðum.
(GS 1998:42)