Són - 01.01.2015, Side 189

187
Bjarki Karlsson:
Háttvísitölur – að reikna fylgni bundins máls við bragarhætti og hafa af
því eitthvert gagn.
Kristján Hreinsson las eigin ljóð.
Kristján Eiríksson:
Óðfræðivefur og tímarit um óðfræði.
Alls voru haldnir þrír stjórnarfundir á árinu auk aðalfundar. Á fyrsta fundi
stjórnar, sem haldinn var strax að loknum aðalfundi 18. febrúar, skipti stjórnin
með sér verkum þannig að Þórunn Sigurðardóttir er formaður, Bjarki Karlsson
gjaldkeri og Alda Björk Valdimarsdóttir ritari. Meðstjórnendur eru Helgi Skúli
Kjartansson, Anna Þorbjörg Ingólfsdóttir og Haukur Þorgeirsson. Hin tvö síðar-
nefndu, ritstjórar Sónar, fara saman með eitt atkvæði á fundum. Þá voru haldnir
fundir 20. maí og 16. október.
Stjórn sótti um styrk til Miðstöðvar íslenskra bókmennta til að koma útgáfu
Sónar á fastan grundvöll. Fékkst útgáfustyrkur að upphæð 300.000 krónur.
Gerir það stjórninni kleift að halda útgáfu tímaritsins gangandi. Ekki er þó talið
mögulegt að greiða fyrir efni sem birtist í ritinu, til þess þyrfti árleg innkoma
að hækka verulega. Fyrsta hefti Sónar er uppselt en stjórn samþykkti að láta
endurprenta um 50 eintök af því. – Til stendur að setja á netið frágangsreglur fyrir
höfunda sem skrifa fyrir Són.
Næsta Boðnarþing verður haldið 15. apríl 2016.
Þórunn Sigurðardóttir,
formaður Óðfræðifélagsins Boðnar