Peningamál - 01.05.2009, Blaðsíða 69

ANNÁLL
P
E
N
I
N
G
A
M
Á
L

2
0
0
9
•
2
69
Hinn 12. desember tóku gildi lög um embætti sérstaks saksóknara. Í
lögunum er kveðið á um að sett skuli á stofn embætti sérstaks sak-
sóknara til að rannsaka grun um refsiverða háttsemi í aðdraganda,
tengslum við og kjölfar atburða er leiddu til setningar laga um heimild
til fjárveitingar úr ríkissjóði vegna sérstakra aðstæðna á fjármálamark-
aði o.fl ., og þess ástands sem þá skapaðist á fjármálamarkaði, hvort
sem það tengist starfsemi fjármálafyrirtækja, annarra lögaðila eða ein-
staklinga, og eftir atvikum fylgja rannsókn eftir með saksókn.
Hinn 12. desember var tollalögum breytt þannig að allt landið verður
eitt tollumdæmi.
Hinn 17. desember ákvað bankastjórn Seðlabanka Íslands að auka bilið
milli hæstu og lægstu vaxta bankans. Stýrivextir bankans voru óbreyttir.
Hinn 18. desember samþykkti Alþingi breytingu á lögum um vexti og
verðtryggingu. Í lögunum eru gerðar breytingar á ákvæðum 6. gr. lag-
anna um dráttarvexti þess efnis að dráttarvextir miðist framvegis við
7% álag ofan á algengustu skammtímalán Seðlabankans til lánastofn-
ana. Þá hefur heimild Seðlabankans til að ákveða annað vanefndaálag
jafnframt verið felld brott. Með lagabreytingunni má gera ráð fyrir að
dráttarvextir lækki um 4% frá því sem annars væri. Dráttarvextir verða
auk þess framvegis ákveðnir mánaðarlega í stað tvisvar á ári.
Hinn 18. desember samþykkti Alþingi breytingu á lögum um ársreikn-
inga til að heimila fyrirtækjum að sækja um heimild til að færa ársreikn-
inga áranna 2008 og 2009 í erlendum gjaldmiðli.
Hinn 18. desember samþykkti Alþingi að nýta aðlögunarheimildir að-
ildarsamnings EES frá árinu 2007 um aðgengi ríkisborgara Búlgaríu og
Rúmeníu að íslenskum vinnumarkaði þar til 1. janúar 2012.
Hinn 18. desember lauk sendinefnd Alþjóðagjaldeyrissjóðsins fjögurra
daga heimsókn til Íslands. Tilgangur heimsóknarinnar var að kanna
stöðu og horfur í efnahagsmálum. Heimsóknin tengdist þeirri lánafyrir-
greiðslu sem Alþjóðagjaldeyrissjóðurinn veitti íslenskum stjórnvöldum
19. nóvember. Sendinefndin átti fundi með stjórnvöldum, þingmönn-
um og ýmsum hagsmunaaðilum.
Hinn 19. desember tilkynnti skilanefnd Landsbanka Íslands að Kepler
Capital Markets hafi verið selt stjórnendum og starfsmönnum Kepler.
Hinn 20. desember samþykkti Alþingi lög um aðgerðir í ríkisfjármál-
um. Tekjuskattur einstaklinga var hækkaður úr 22,75% í 24,1% og
hámarksútsvar úr 13,03% í 13,28%, sóknargjöld, sjómannaafsláttur,
hámarksfæðingarorlof, barnabætur og greiðslur samkvæmt búvöru-
samningum voru lækkuð miðað við fyrri viðmiðanir og kostnaður rík-
isins við lífeyristryggingar og vistun aldraðra lækkaður með því að auka
vægi fjármagnstekna við útreikning bóta og kostnaðarþátttöku.
Hinn 22. desember samþykkti Alþingi breytingu á lögum um lífeyris-
sjóði sem rýmkuðu heimildir til að taka út séreignarsparnað, afnámu
hámarksaldur fyrir lífeyristöku og rýmkuðu heimildir lífeyrissjóða til að
kaupa óskráð verðbréf.
Hinn 22. desember voru samþykkt á Alþingi fjáraukalög fyrir árið
2008. Í fjáraukalögum er gert ráð fyrir 6 ma.kr. halla en í upphafl egum
fjárlögum var gert ráð fyrir 39 ma.kr. afgangi.