Múlaþing: byggðasögurit Austurlands - 01.01.1999, Qupperneq 149

Hamra-Setta
Aldamótahátíð á Egilsstöðum á Völlum sumarið 1900. Myndin er tekin í svonefndum „Leyningi",
norðaustur á klettunum utan við gamla bœinn á Egilsstöðum. Bak viðfólkið er uppgerð hey á klettunum;
innar og vestar útihús sem bera viðfellin íEkkjufellslandi handan við Fljótið. Ljósmyiulasafn Austurlands
L.A. 79/1985. Ljósm.: Eyjólfur Jónsson.
en eftir 1520 sem hann kemur til Austur-
lands og reyndar áhöld um að hann hafi
nokkurn tíma átt þar bú. Hafi hann búið þar
þá er það tæpast nema örfá síðustu æviár
hans.
Svo er að sjá sem Loftur hafi verið náinn
Ögmundi biskup Pálssyni og er nærtækt að
telja Loft frænda hans. Ögmundur dró mjög
fram hlut frænda sinna vestfirskra en þeir
voru tengdir Hagaættinni. Eg tel líkur á að
Loftur Eyjólfsson hafi verið bróðir Magn-
úsar biskups Eyjólfssonar og Ingibjargar
Eyjólfsdóttur sem var móðir þeirra Erlings
og Snæbjarnar Gíslasona frá Haga á
Barðaströnd.
Um Hagaættina vísast til skrifa
prófessors Einars Bjarnasonar í I. bindi
íslenskra œttstuðla þar sem hann gerir grein
fyrir Hagaættinni og ættum þeirra biskup-
anna Magnúsar Eyjólfssonar og Ögmundar
Pálssonar.31 Einar Bjarnason gerir ekki ráð
fyrir Lofti Eyjólfssyni meðal þessa fólks.
Þess hefur verið getið til að Vilborg
Loptsdóttir kona Erlendar sýslumanns
Bjarnasonar hafi verið dóttir Lofts.32
Eg tel að kona Lofts síðari eða síðasta
hafi verið Guðrún sú Finnbogadóttir sem
gaf Skálholtskirkju próventu sína og þar í
Egilsstaði á Völlum. Eg mun hér síðar leiða
líkum að því að Guðrún hafi verið stjúp-
móðir Sesselju Loptsdóttur. Guðrún var
ættuð af Norðurlandi. Hún hefur væntan-
lega verið að Lofti Eyjólfssyni látnum
forráðamaður Sesselju og ráðið giftingu
hennar. Fyrir Guðrúnu og rökum fyrir því
að hún hafi verið gift Lofti Eyjólfssyni mun
ég gera grein síðar.
Þorsteinn og Sigurður Finnbogasynir
Þeir bræður voru synir Finnboga
lögmanns Jónssonar, Sigurður var fyrri
maður Margrétar ríku Þorvarðardóttur frá
Eiðum. Hann var sýslumaður í Hegranes-
þingi og í Skagafirði hafa þau Margrét
líklega búið. Sigurður varð skammlífur og
147