Múlaþing: byggðasögurit Austurlands - 01.01.1999, Síða 152

Múlaþing
Seinni kona Björns var eins og fyrr
sagði Þórunn Einarsdóttir. Hún hafði fyrr
átt Jón Torfason frá Klofa.47 Jón dó ungur
og sama ár barn þeirra Þórunnar ungt.
Þórunn erfði barnið og fékk eftir þeim
leiðum arf eftir rnann sinn.
Steingrímur Böðvarsson
Eiginmaður Sesselju Loftsdóttur hét
Steingrímur Böðvarsson. Ekki finnst neitt
haldbært um uppruna hans. Steingríms nafn
var nokkuð þekkt um Austurland og gæti
það verið vísbending um að hann hafi verið
Austfirðingur. I þeim skjölum sem til eru
um Sesseljumál sést hvergi votta fyrir
ættingjum Steingríms.
Steingrímur verður að vera um sinn
alger huldumaður, upprunalaus.
Sesselja Loftsdóttir
Það má ráða af skjölum að Sesselja
hefur verið í fullu fjöri þegar maður hennar
deyr á reyndar dóttur sem hún deilir með
ráðsmanninum Bjarna Skeggjasyni, en
Sesselja er svo frísk að hún kemst í Hóla-
kirkju samkvæmt Skarðsárannál og ef trúa
má þjóðsögunni þá giftist hún eftir að
þessum hremmingum líkur og eignast mörg
börn til viðbótar þeim sem hún átti með
Bjarna Skeggjasyni í útlegðinni og fyrir-
kom í hellisvatninu. Hér er eitthvað mikið
málurn blandið.
Það er bréfabók Gissurar Einarssonar
sem upplýsir okkur um að Bjarni Skeggja-
son hafi átt barn með tveimur mæðgum.
Önnur heimildin segir frá Bjarna Skeggja-
syni sem rær á kost Skálholtsstóls í Suður-
landi, útlægur að austan fyrir það að hann
hafi legið með tveimur mæðgum, en engan
drepið. Hinnar heimildarinnar er áður getið
sem er dómur Gissurar biskups Einarssonar
frá 5. ágúst 1544.48 Það sem er athugavert
við þessa heimild er að málsgreinin sem
getur um skyldleika lagskvenna Bjarna
Skeggjasonar hefur fallið úr megintexta
þegar dómurinn er færður inn í bréfabókina
og er færður með sömu rithendi neðanmáls.
Þetta þarf ekki að þýða það að heimildin sé
slæm en gefur mér þó tilefni til að skoða
hana í nánara ljósi.
Ef frá er talin fyrrgreind heimild um að
Sesselja hafi 1541 átt dóttur sem var svo
gömul að hún hafi verið í tygjum við Bjarna
Skeggjason fyrr en Sesselja féll fyrir hon-
um, þá er ekkert sem bendir til annars en
Sesselja hafi verið í blóma lífsins þegar
Steingrímur Böðvarsson féll frá 25 til 35
ára.
Eg verð að geta þess hér að í kaþólskum
sið þá voru blóðbönd og mægðir lögð að
jöfnu. Þannig varð stjúpdóttir í sömu stöðu
og dóttir þegar kirkjan mat hin leyfilegu
mörk sem virða bar þegar dæmt-var um
siðferðisbrot.
Niðurstaða mín er að sá sem ritaði dóm
Gissurar biskups inn í bréfabókina hafi af
misgáningi snúið við staðreyndum. Þannig
að Sesselja Loftsdóttir hafi verið dóttir
Lofts Eyjólfssonar en ekki dóttir Guðrúnar
Finnbogadóttur. Sesselja hefur verið miklu
yngri en Vilborg Loftsdóttir á Ketilsstöðum
og þær hafa aðeins verið hálfssystur
samfeðra ef Vilborg var dóttir Lofts
Eyjólfssonar.
Loftur Eyjólfsson hefur verið orðinn
aldraður maður þegar hann giftist Guðrúnu
Finnbogadóttur. Sesselja hefur því verið
stjúpdóttir Guðrúnar Finnbogadóttur og
þær þess vegna mæðgur samkvæmt kirkju-
rétti.
*ráðsmaður