Múlaþing: byggðasögurit Austurlands - 01.01.1999, Page 167

Ársskýrslur
reyndist vera bænhús eða kirkja úr torfi með viðarstólpum og viðarstafni. Endurgerð kirkjunnar í landi
Litla-Bakka byggir á þessari rannsókn.
Greinar eftir Jóhönnu og Steinunni birtust í Múlaþingi, byggðasöguriti Austfirðinga. Fjallaði Jóhanna
um þann safnauka sem sérstaklega er getið í kaflanum hér að ofan en Steinunn gerði grein fyrir
fornleifarannsókn sumarsins að Þórarinsstöðum.
Við opnun sýningarinnar um Geirsstaðarannsóknina í júnímánuði sýndi Steinunn litskyggnur og
greindi frá framvindu uppgraftarins. Jóhanna flutti um haustið erindi á opnum fundi Framfarafélags
Fljótsdalshéraðs um efnið „Gildi fornleifarannsókna“. Gerði hún þar meðal annars grein fyrir þeim
fjölmörgu möguleikum sem árangursrík rannsókn opnar til frekari þekkingaleitar, kynningar á þekkingu
og samvinnu við ýmsa aðila sem meðal annars getur leitt til aukins ferðamannastraums um svæðið.
Jólakort ársins var með mynd af steinkrossinum sem fannst við rannsóknina að Þórarinsstöðum.
Kortið var gert í samvinnu við Minjavörð Austurlands.
Innlán - útlán
34 gripir voru lánaðir af safninu á árinu en enginn fenginn að láni. Til sumarsýningar um Snorra
Gunnarsson að Skriðuklaustri um Snorra Gunnarsson voru Iánaðir tveir munir sem hann notaði á sínum
ferli. Á sýninguna voru einnig lánuð 3 sýningarborð. Ymis sýni, teikningar og Ijósmyndir frá rannsókninni
að Geirsstöðum sumarið 1997 voru send á Evrópusýningu í Perlunni í nóvember. Media,
upplýsingaþjónustan á Islandi, sýndi í bás sínum sitthvað sem lýsir þeim Evrópusamstarfsverkefnum sem
íslensk fyrirtæki og stofnanir taka þátt í undir Raphaeláætlun Evrópusambandsins. Leikfélagið og
Fellaskóli fengu nokkra gripi vegna leikmyndar og Guðmundur Ármannsson, Vaði, Skriðdal, fékk heim
með sér sleggjuhaus mikinn til þess að sníða ofan í hann skaft, sem hann og gerði.
Styrktaraðilar
Fjölmargir styrktu Minjasafnið með einum eða öðrum hætti á árinu. Á góugleðinni naut starfsfólk
Safnahússins aðstoðar Dagnýjar Pálsdóttur og Ragnhildar Rós Indriðadóttur við tónlistarflutning og
Jónbjargar Eyjólfsdóttur og Brynjólfs Bergsteinssonar sem kváðust á. Signýju Ormardóttur er þakkaður
fyrirlestur sinn og kynning. Glímumenn frá Reyðarfirði og tónlistarnemar tónskóla Fellahrepps stóðu sig
með stakri prýði og er þeim og forsprökkum þeirra, Þóroddi Helgasyni og Ármanni Einarssyni, þakkað sitt
framlag. Eldri borgararnir Guðrún Björnsdóttir, Kristjana Einarsdóttir, Gunnhildur Björnsdóttir, Þórólfur
Stefánsson, Laufey Ólafsóttir, Stefánný Níelsdóttir, Helga Stefánsdóttir og Svanhvít Hannesdóttir sinntu
tóvinnunni í baðstofu af stakri samviskusemi og eru þeim færðar bestu þakkir fyrir. Sveitadaginn bættust
nokkrir í hóp þeirra sem endurgjaldslaust lífguðu upp á starfsemi safnsins með því að sýna forn handtök.
Þau voru Jóhann Magnússon, Petra Björnsdóttir, Guðbjörg Jóhannesdóttir, Þorbjörn Bergsteinsson og
Stefán Pálsson sem einnig lagði til hesta. Harðfiskverkunin Kross, Stöðvarfirði gaf harðfisk og
Mjólkurstöð Kaupfélags Héraðsbúa gaf mysu til drykkjar. Guðmundur Ármannsson kom með töðu til
rakstrar. Guðmundur var starfsmönnum safnsins innan handar á marga lund. Hann smíðaði jarðsniðmót
fyrir sumarsýninguna, tók sniðið á vettvangi, smíðaði slá fyrir textílgeymslu, aðstoðaði við flutning rnilli
útigeymsla og tók að sér að gera upp tvo traktora safnsins, svo einungis það helsta sé nefnt. Eru Guðmundi
færðar hinar bestu þakkir fyrir ómælt ómak.
Fóstrur og 5 ára börn Tjarnarlands fá þakkir fyrir ánægjulegt samstarf við gerð ljósmyndasýningar-
innar „Það sem mér finnst jólalegt“ og fyrir sönginn á jólagleðinni. Þá sáu börn tónlistarskóla Fella um
tónlistarflutning á jólagleði undir stjórn Ármanns Einarssonar sem endranær. Ágúst Ólafsson lék
165