Múlaþing: byggðasögurit Austurlands - 01.01.1999, Síða 176

Náttúrustofa Austurlands
Náttúrustofa Austurlands hefur nú starfað í 4 ár. Þar til á þessu ári hefur starfsemin verið í bráðabirgða-
húsnæði og lengst af hefur forstöðumaður verið eini starfsmaðurinn stofunnar. Merkir áfangar náðust á
þessu ári þegar stofan flutti í sérbúið húsnæði og starfsmönnum fjölgaði um helming. Uppbyggingarskeið
Náttúrustofunnar mun þó vonandi enn standa yfir í mörg ár.
Húsnæði
Náttúrustofan flutti í sérbúið húsnæði í maí sl. Það er í eldri byggingu Verkmenntaskóla Austurlands
og er útibú Rannsóknastofnunar fiskiðnaðarins einnig þar til húsa. Náttúrustofan hefur til afnota tvö
skrifstofuherbergi, bókasafn, rannsóknastofu og geymslu. Akveðinn hluti hússins er samnýttur svo sem
sýnamóttaka, aðstaða fyrir ljósritun og fax auk kaffistofu og snyrtinga. Náttúrustofan er nú að búa
húsnæðið húsgögnum og tækjum sem nauðsynleg eru. Aðstaða Náttúrustofunnar gerbreyttist til batnaðar
við þennan flutning og nú er mögulegt að vinna verkefni sem krefjast rannsóknastofu þótt hún sé enn ekki
fullbúin. Brýnt er að auka bóka- og ritakost stofunnar. Sambýlið við skólann og RF skapar allt annað
starfsumhverfi heldur en hægt væri að skapa ef Náttúrustofan væri í sérbýli auk þess sem hægt er að
samnýta ákveðin tæki og bókakost. Einnig eru bundnar vonir við að sambýli þessara stofnanna leiði til
sameiginlegra verkefna í framtíðinni.
Starfsfólk
Forstöðumaður er sem fyrr Guðrún Á. Jónsdóttir og var hún í fullu starfi allt árið. Þann 1. júní sl. kom
Kristín Ágústdóttir landfræðingur til starfa. Hún sér um verkefnið Staðardagskrá 21 og tekur þátt í öðrum
verkefnum Náttúrustofunnar eftir þörfum. Einnig hefur hún haft umsjón með uppbyggingu á búnaði
stofunnar til kortagerðar og annast verkefni á því sviði. Eins og undanfarin ár hafa Halldór Walter
Stefánsson og Skarphéðinn Guðmundur Þórisson unnið einstök verkefni fyrir stofuna.
Verkefni 1998-1999
Rannsóknarverkefni
- Rannsóknir á hreindýrabeit í eyðibyggðum á Gerpissvæðinu. Stefnt er að því að fylgjast með gróðri
og gróðurfarsbreytingum þarna í nokkur ár. Átak var gert í verkefninu nú í sumar þegar komið var upp
mælireitum í Sandvík til að fylgjast með gróðurbreytingum.
- Fuglalíf á Gerpissvæðinu. Náttúrustofan fékk styrk frá Náttúruvemdarsamtökum Austurlands til
verkefnisins og var unnið að gagnasöfnun síðastliðið sumar.
Umhverfismál sveitarfélaga
- Staðardagskrá 21 í Fjarðabyggð. Náttúrustofan vinnur að verkefninu í samráði við staðardagskrár-
nefnd Fjarðabyggðar.
Umhverfisrannsóknir vegna framkvæmda
Verkefni sem hefur verið lokið við frá því haustið 1998:
- Rannsóknir á gróðri í Reyðarfirði; vegna staðarvals og mats á umhverfisáhrifum fyrirhugaðs álvers.
- Könnun á dýralífi í Reyðarfirði; vegna mats á umhverfiáhrifum fyrirhugaðs álvers.
- Könnun á gróðurfari í Njarðvík eystri; vegna mats á umhverfisáhrifum vegargerðar.
- Nokkur atriði varðandi fuglalíf í botni Eskifjarðar; vegna mats á umhverfisáhrifum vegagerðar.
174