Jökull - 01.10.1998, Page 82

Guðjónsson og Þórarinn Sigurgeirsson lögðu á Brúar-
jökul. Fóru þeir suður yfir Vatnajökul og fram Breiða-
merkurjökul með viðkomu í Esjufjöllum. Að Kvískerj-
um komu þeir svo aðfaranótt þess 20.100
1942 ?/7 Að sögn Flosa Bjömssonar munu, auk
jökulgöngunnar 14. júlí, hafa verið farnar, þetta
sumar, að minnsta kosti tvær ferðir aðrar á Öræfajökul,
seint í júlí, frá Sandfelli. Þrír jöklafarar munu hafa
verið frá Reykjavík, að talið var. Önnur ferð var farin í
sama mánuði, sem nánar mun ekki vitað um nú, annað
en að þar vom aðkomumenn á ferð.19 39
1942 13/8 Steinþór Sigurðsson, Sveinn Þórðar-
son, Einar B. Pálsson og Franz Pálsson fóm frá Kálfa-
felli, um Djúpárdal, á Síðujökul. Þeir héldu vestan
Pálsfjalls um Fíáubungu og á Svíahnúk-eystri. Síðan
fóru þeir ofan í Vötnin og að loknum mælingum þar,
sömu leið til baka að Kálfafelli.I05'
1943 19/6 Tveir Norðmenn, T. Riddervoll og H.
Helgesen, kapteinn, gengu á Öræfajökul frá Sandfelli.1939
1943 10/7 Fimmtán Reykvíkingar, flestir skátar,
gengu á Hvannadalshnúk í tveimur hópum. Fór annar
frá Hofi en hinn frá Fagurhólsmýri. I Hofshópnum
voru þeir Þórarinn Bjömsson, Hjörtur Ólafsson, Guð-
steinn Sigurgeirsson, Einar Erlendsson, Tómas Tómas-
son, Garðar Fenger, Guðmundur Ófeigsson og Hjalti
Guðnason. Ætluðu þeir niður að Sandfelli en snem frá á
brúnum vegna þoku og snjókomu. Héldu þeir í sömu
slóð að Hofi og gengu þaðan að Sandfelli því þar áttu
þeir pantaðan mat. I hinum hópnum, sem gekk frá
Fagurhólsmýri, voru þau Ólína Jónsdóttir, Unnur
Briem, Edgar Thorsteinsson, Páll Jónsson, Guðmundur
Hannesson og tvennt að auki. Fóm þau sömu leið til
baka að Fagurhólsmýri. Voru hópamir samferða á jökl-
inum en höfðu að öðm leyti ekki samflot. 29'30'110'"?-
1943 12/7 Flosi, Helgi og Ingimundur Björns-
synir, Kvískerjum, gengu um Breiðamerkurfjall og
Mávabyggðir, í Esjufjöll. Þar tjölduðu þeir og gengu
um Skálabjörg, er svo voru nefnd síðar, og huguðu
meðal annars að plöntum. Síðdegis daginn eftir fóru
þeir niður á Breiðamerkursand og að Kvískerjum.22
1943 22/7 Þann dag héldu þeir Skarphéðinn
Jóhannsson, Friðþjófur Hraundal, Egill Kristbjöms-
son og Hjalti Jónsson, frá Kálfafelli á Síðujökul, með
Geirvörtum, á Þórðarhyrnu og þaðan á Grímsfjall. Af
Fjallinu héldu þeir eftir Skeiðarárjökli að Þumli, niður
með honum í Kjósina og að Skaftafelli.16'101
1944 21/7 Skarphéðinn Jóhannsson, Friðþjófur
Hraundal, Egill Kristbjörnsson og Alfreð Karlsson
fóru af Maríutungum á Brúarjökul og eftir honum í
Kverkfjöll. Þaðan í Grímsvötn, svo að Miðfelli og niður
með Morsárjökli í Skaftafell. '6-
1944 22/7 Fimmtán manna Ferðafélagshópur gekk
á Öræfajökul, fékk þoku og slæmt skyggni. Fóru þeir
ekki á Hvannadalshnúk. Hópurinn ferðaðist um Öræfin
í fimm daga undir fararstjóm Jóns Gissurarsonar.19'39
1944 23/7 Nærri miðnætti þann dag voru þeir
Grímur Magnússon, Haraldur Sigurðsson, Guðmundur
Gestsson, Guðmundur Guðmundsson, Ólafur Kjart-
ansson, Pétur Karlsson og Jón Bjarnason komnir
norður eftir Vonarskarði að Rjúpnabrekkujökli á ferð
sinni gangandi frá Tungnaá við Hald austur að Brú á
Jökuldal. í upphaflegri áætlun þeirra var ekki gert ráð
fyrir jökulgöngu en lélegur uppdráttur af austanverðu
Vonarskarði leiddi þá austan Tindafells en þar „er
sandur, öldur og fell, en á kortinu er þar enginn farar-
tálmi sýndur, og ákváðum við að fara beinustu leið, yfir
Rjúpnakvíslina - sem kemur undan Rjúpnabrekku-
jökli - sem næst jöklinum, því góðir menn höfðu frætt
okkur á þvr, að þessi kvísl væri hálfgert skaðræðis-
vatnsfall.“ Þeir taka því stefnuna austan Dyngjufells
en lenda fljótlega í jökulurðarhólum sem voru svo
ógreiðfærir að það tók þá stífa klukkustund að komast
hálfan kílómetra. „Við komumst að þeirri niðurstöðu,
að greiðfærast myndi vera að ganga skriðjökulinn upp á
Rjúpnafellið, austur af því og niður á sandana austan
Rjúpnakvíslar, í grennd við Gæsavötn. /—/ Jökullinn
var þama sæmilega sléttur, að vísu margsprunginn, en
engar breiðar, opnar sprungur. - Leiðin upp á Rjúpna-
fellið reyndist lengri en hún sýndist, eins og oft vill
vera á jökli. /—/ Uppi við fellið var ekki lengur ís,
heldur hjam. Þar voru einu verulegu jökulsprungum-
ar, sem á leið okkar urðu. Hyldjúpar gjár, blágrænar,
80
JÖKULL, No. 45, 1998