Jón á Bægisá - 01.12.2001, Page 52

Knuts Skujenieks
og tók frá henni allt,
skildi henni aðeins eftir nafnið:
EVRÍDÍKA
Sekur?
Nei!
Staðfastur.
IV. LJÓÐRÆNT MILLISPIL
Meðal allra guða
er aðeins einn mennskur.
Hýpnos.
Hann sendir mér stundum svefn.
V. DRAUMUR MEÐ GÓÐKUNNRI RÖDD, EI AÐEINS MÉR, HELDUR
EINNIG LESANDANUM OG ÁHEYRANDANUM.
Hvar eru söngvar þínir, glaðir sem svölur?
Hvar er bergflétta þín, logandi draumsóley?
Á strengi þína hefur ofið sér vef kónguló -
Orfeifur!
Hvar eru hendurnar, sem brjóta og beygja mig?
Hví er svæfillinn svo harður?
Líkaminn er holur sem vindblóm,
Orfeifur!
Hvernig lifi ég af án þín? Hvað geri ég nú?
Draumurinn með þyngd þinni, hann kæfir -
Orfei - burt!!!
(Sýnin kemur í raddar stað)
Um miðja nótt
á hálftómum beði
renna ástarinnar
sviti og tár
og drjúpa blóði
af samanherptum vörum.
50
á — TÍMARIT ÞÝÐENDA NR. 6 / 2001