Jón á Bægisá - 01.12.2001, Síða 76

Erlendir höfundar
sjvílí sumarið 1937; hann var dæmdur til dauða og skotinn. - Sjá nán-
ar í greinargerð þýðanda aftan við söguna.
Rainer J. Hocher [Sjö ljóð bls. 64) fæddist 1948 í Gersdorf í DDR (Þýska
alþýðulýðveldinu). Hann stundaði nám í „fjölbrautar-menntaskóla":
Polytechnische Oberschule; þessir skólar líktust í mörgu fjölbrautarskól-
unum okkar nema að því leyti að sá sem lauk stúdentsprófi var skyldug-
ur til að læra einhverja iðn eða starf; þess vegna varð Hocher rennismið-
ur og stundaði þá iðn og ýmis tilfallandi störf næstu árin. Auk þess
keppti hann í hjólreiðum um skeið. Hann hóf snemma að fást við rit-
störf, yrkja ljóð og semja prósa, og hefur þegar gefið út fimm ljóðasöfn en
einnig fáein frásagnasöfn og eina skáldsögu. Hispursleysi og djarflegt
tungutak einkenna einatt verk hans, einkum ljóðin; þar er honum fátt
heilagt enda hefur honum verið líkt við þýsk-bandaríska skáldið Charles
Bukowski.
Hocher hefur jafnan verið mikill lífsnautnamaður og ekki alltaf í hófi.
Á síðasta áratug fór Hocher í heimsreisu um Suðaustur-Asíu og Japan en
endaði í Bandaríkjunum þar sem hann vann um tíma við baðmullar-
tínslu. Þá var hann reyndar orðinn býsna drykkfelldur og féll að lokum
í botnlaust þunglyndi og ætlaði að svipta sig lífi; en skotið geigaði og
sjálfsvígið mistókst. Um það skrifaði hann skáldsöguna Tot-gelebt
(2000). Fyrir örfáum árum heimsótti hann ísland og dvaldi hér lungann
úr sumri. Ljóðin sem hér birtast eru tekin úr ljóðasöfnunum Liebe, Lust
&■ Laster (1999)og Aus dem Leben eines Unmaskierten (2001).
Giorgi Leonidze (Óskatréð bls. 38) fæddist árið 1898 og gaf út fyrsta ljóð
sitt, Mtskhet, árið 1911 og samdi upp frá því margt ljóða og smásagna
sem hann birti í blöðum og tímaritum. Safn smásagna hans undir heit-
inu Óskatréð kom út 1962. Leonidze var mjög virkur á sviði þjóðmála og
var það ekki síst fyrir forgöngu hans að stofnað var þjóðminjasafn í Ge-
orgíu enda er það við hann kennt. Einnig beitti hann sér fyrir að komið
var upp safni til minningar um Ilja Tsjavtsjavadze í Saguramo í Austur-
Georgíu. Giorgi Leonidze lést þann 9. ágúst árið 1966.
Gabríel García Marquez (Ljósið er eins og vatnið bls. 68) fæddist 1928 í
Aracataca, litlum bæ í Norður-Kólumbíu, skammt frá Karíbahafi. Hann
hóf laganám í Bogotá en hvarf frá því til þess að gerast blaðamaður og
rithöfundur. Var um skeið fréttaritari í París, Róm og New York. Hann
mun hafa tengst samtökum frjálslyndra og vinstri manna í Suður-Amer-
íku. í frásögum hans ber æskuslóðir hans við Karíbahaf oft fyrir en í raun
74
á jffieeýfáiá — TÍMARIT ÞÝÐENDA NR. 6 / 2001