Jón á Bægisá - 01.02.2007, Side 88

Ragnar Jóhannesson
í fylgd með Auden
Kynni okkar Audens skálds urðu ekki löng, aðeins fáar vikur. Samt finnst
mér [...] sem þau séu mér harla minnsstæð, og mynd mannsins sjálfs skýrar
mörkuð í hugskotið en margra annarra, sem ég hefi haft lengri kynni af.
Eins finnst mér sem ég hafi kynnzt honum betur en jafnvel flestum öðrum
á svo skömmum tíma, og stafar það efalaust mest af því, að Auden var mað-
ur opinskár og ódeigur að segja hug sinn allan og allra manna ræðnastur.
Mig furðar á því nú, hve vel hann undi því að spjalla við mig, fáfróðan,
íslenzkan stúdent, um alla heima og geima. Við röbbuðum saman alla daga
og stundum fram á nætur. Var það ekki eingöngu, að hann reyndi að veiða
upp úr mér allt það, sem ég vissi um land og þjóð, bókmenntir, forna siði
og menningarháttu, heldur töluðum við um margt, sem ekki kom Islandi
við, um menningu annarra landa, nýjungar í bókmenntum o. fl. Var hann
óspar á að miðla af mikilli þeltkingu sinni í þessum efnum. Auðvitað hafði
hann, dögum saman, ekki við annan að tala en mig; aldursmunur okkar
var ekki eins mikill og mér virtist þá - hann var aðeins 6-7 árum eldri. Auk
þess var honum vel lagið að umgangast ungt fólk, hafði verið skólastjóri í
heimavistarskóla fyrir pilta og kvað sér hafa fallið það starf vel. A ferðalagi
okkar sóttist hann engu síður eftir félagsskap barna og unglinga en fullorð-
inna.
Auden sýndi mér ýmislegt af því, sem hann var að yrkja. Man ég
sérstaklega eftir einu kvæði, sem hann orti að morgni dags og var furðu
skamman tíma að því. Ekki hafði hann neitt með sér af bókum sínum,
nema nýtt leikrit, „The Summit", (birtist undir nafninu The Ascent ofF6,
1936); las ég það í próförk og þótti það harla nýstárlegt. Mér skildist á
Auden, að sjónleik þennan ætti að sýna í New York þá um haustið, og
þangað ætlaði hann. Þar bjóst hann líka við að hitta konu sína, Eriku
Mann (dóttur Thomasar Mann, Nóbelsverðlaunahöfundarins þýzka.
Höfðu þau hjón þá ekki sézt í ein tvö ár, að mig minnir).
Auden var mikill ferðalangur um þessar mundir, hafði farið um nær
öll Evrópulönd, þó ekki Rússland. Lagði hann mesta stund á það, á ferðum
86
d JSaytíd - Ti'marit þýðenda nr. ii / 2007