Tímarit hjúkrunarfræðinga - 01.02.2010, Qupperneq 9

Tímarit hjúkrunarfræ›inga – 1. tbl. 86. árg. 2010 5
Það er auðvelt að taka tillit til sjúklings sem er með augljósa verki eða þarf að
nota hjólastól en að sama skapi auðvelt að gleyma fötlun sem sést ekki. Í grein
í þessu tölublaði kemur fram að líklega er tíundi hver Íslendingur með talsverða
heyrnarskerðingu. Tökum við tillit til þess á heilbrigðisstofnunum? Það virðist ekki
vera. Eins og kemur fram í greininni eru til dæmis tónmöskvar nánast óþekktir á
heilbrigðisstofnunum. (Þá vantar víðar, í Íslenskri orðabók eru 43 orð sem byrja á
tón­ en ekki tónmöskvi.) Á móttökum er starfsfólkið gjarnan bak við gler og þess
vegna eiga heyrnarskertir mjög erfitt með að heyra hvað sagt er. Fleiri slík atriði
eru reifuð í greininni. Það er gott framtak hjá Heyrnarhjálp að benda á þetta og
mættu fleiri sjúklingasamtök gera sams konar úttektir. Til eru fyrirtæki sem bjóða
upp á úttekt á aðgengi og ættu heilbrigðisstofnanir, eins og aðrar stofnanir ásamt
einkafyrirtækjum, að líta á það sem sjálfsagðan hlut að hafa þessi mál í lagi. Ég geri
ráð fyrir að nýr háskólaspítali verði hannaður með aðgengi í hávegum.
Nú er kreppa í kjölfar bankahruns og kreppa leiðir af sér átök. Boðaður er
niðurskurður og vitað er að ríkið þarf að spara enn meira á næstu árum. Á slíkum
tímum þarf gott eftirlit en það er einnig skorið niður. Þá hafa verið lagðar til breytingar
á heilbrigðislögum sem kunna að breyta stöðu hjúkrunarfræðinga verulega og
skerða öryggi sjúklinga. Óvissan fer illa með fólk og reynslu­ og þekkingarleysi
stjórnenda hvað varðar kreppustjórnun veldur því að þeir eiga erfitt með að takast
á við ástandið. Það er því ljóst að ástæða er fyrir Tímarit hjúkrunarfræðinga að
fylgjast vel með og upplýsa lesendur um gang mála. Í þessu tölublaði er fjallað um
fjárframlög Landspítala og um boðaðar breytingar á heilbrigðislögum.
Í ár eru 100 ár síðan Florence Nightingale lést. Hún er ein af okkar stóru hetjum og vel
þess virði að halda upp á það. Í þessu tölublaði er kynnt bók um Florence Nightingale
og seinna á árinu koma fleiri greinar. Það er ljóst að flestir hjúkrunarfræðingar vita
í raun lítið um Florence Nightingale en hún var á margan hátt stórbrotin manneskja
sem gaman er að kynnast betur. Tvenn aldamót hafa liðið síðan hún var sem virkust
en mörg skilaboð hennar til okkar hljóma enn eins og glæný.
Tímarit hjúkrunarfræðinga
Suðurlandsbraut 22
108 Reykjavík
Sími 540 6405
Bréfsími 540 6401
Netfang christer@hjukrun.is
Vefsíða www.hjukrun.is
Útgefandi: Félag íslenskra hjúkrunarfræðinga
Ritstjóri og ábyrgðarmaður
Christer Magnusson
Ritstjórnarfulltrúi
Sunna K. Símonardóttir
Tekið er á móti efni til birtingar á netfanginu
christer@hjukrun.is.
Leiðbeiningar um ritun fræðslu­ og fræðigreina er
að finna á vefsíðu tímaritsins.
Ritnefnd:
Ragnheiður Alfreðsdóttir, formaður
Auðna Ágústsdóttir
Brynja Ingadóttir
Dóróthea Bergs
Herdís Sveinsdóttir
Hildur Magnúsdóttir
Sigríður Skúladóttir
Ráðgjafi vegna handrits í ritrýni:
Árún K. Sigurðardóttir
Fréttaefni:
Aðalbjörg Finnbogadóttir, Christer Magnusson,
Jón Aðalbjörn Jónsson
Ljósmyndir:
CDC/ C.S. Goldsmith og A. Balish,
Christer Magnusson, Fríða Björnsdóttir,
Ingibjörg Árnadóttir, Jean Gagnon, Jim Gathany,
Sigurður Bogi Sævarsson o.fl.
Próförk: Ragnar Hauksson
Auglýsingar:
Þórdís Gunnarsdóttir, sími 866 3855
Hönnun: Þór Ingólfsson, grafískur hönnuður, FÍT
Prentvinnsla: Litróf
Upplag 4000 eintök
Pökkun og dreifing: Pósthúsið
AÐGENGI Á HEILBRIGÐISSTOFNUNUM
Það er ástæða til að íhuga hversu vel er
hugsað um aðgengi á mörgum heil brigðis­
stofnunum. Undanfarin ár hefur margt gott
verið gert til þess að bæta aðgengi fyrir
hreyfihamlaða en margs konar fötlun er
falin og margir sjúkdómar sjást ekki utan
á fólki en geta samt hamlað aðgengi þess.
Christer Magnusson.
Ritstjóraspjall
Bankastræti 7 • 101 Reykjavík
Sími: 510 6100 • Fax: 510 6150
sereign@lsr.is • www.lsr.iswww.lsr.is
Hlutverk LSR er að taka á móti
iðgjöldum sjóðfélaga og ávaxta
þau í sameiginlegum sjóði til að
greiða elli-, örorku-, maka- og
barnalífeyri.
Séreign LSR tekur við frjálsum
viðbótarsparnaði sjóðfélaga. Hvort
sem þú greiðir í A- eða B-deild
LSR ætti framlag í Séreign LSR að
vera eðlileg viðbót.
Á vef LSR, www.lsr.is, geta
sjóðfélagar nálgast yfirlit og séð
heildarstöðu lífeyrisréttinda sinna
og iðgjaldaskil launagreiðenda.
Traustur sjóður,
örugg samfylgd