Tímarit hjúkrunarfræðinga - 01.04.2011, Blaðsíða 27

Tímarit hjúkrunarfræ›inga – 2. tbl. 87. árg. 2011 23
áfram í lífinu. Niðurstaða mín er sú að ef fólk lendir í
skyndilegum breytingum á högum sínum, ég vil ekki tala
um áfall, þá gengur það í gegnum ákveðið sorgarferli. En
með því að hafa jákvæðnina að leiðarljósi og trú á eigin
getu kemst maður nánast hvert sem er og getur gert
hvað sem er. Það skiptir einnig miklu máli að fá stuðning
og ráðgjöf í upphafi. Þá hefur heilsuefling afar góð áhrif
á líðan fólks, fara út að ganga eða synda, að fá vindinn í
fangið, eins og einn viðmælandi minn orðaði það,“ segir
Halla enn fremur.
Enn önnur aðgerð
„Það var búið að segja mér í Seattle að það hefði verið
gengið þannig frá ristlinum í aðgerðinni að það ætti að
vera hægt að tengja hann saman á nýjan leik. Ég átti því
von á að losna við stómapokann. Ég tel reyndar að hann
hafi ekki takmarkað daglegt líf mitt því ég gat gert allt
með hann. Ég ákvað samt að fara til Tómasar Jónssonar
læknis sem sendi mig í rannsóknir og speglun. Þar sem
allt leit vel út var ákveðið að ég færi í aðgerð í apríl 2010.
Ég var varla tilbúin í aðra aðgerð, var á fullu í seinna
meistaraverkefninu og búin að ljúka kennslufræðinni
og ætlaði mér að útskrifast um sumarið 2010. Ég var
eiginlega í algjörri afneitun. Svo sá ég fram á að ef ég
færi ekki í aðgerðina á þessum tíma væri óvíst hvenær
ég kæmist í hana. Það var sumarlokun fram undan og
mér var sagt að það gæti dregist að ég yrði kölluð í
aðgerðina aftur.
Ég ákvað því að láta slag standa. Ristillinn var tengdur
saman og svo vildi til að búturinn, þar sem sárið
hafði verið, var fjarlægður þannig að ég læknaðist af
ristilssjúkdómnum en því átti enginn von á. Ég er því hætt
á öllum lyfjum núna. Í dag hef ég alveg náð mér og er
eiginlega betri til heilsunnar en áður en ég veiktist, það er
eiginlega kraftaverk,“ segir Halla en telja má víst að hún
hafi verið afar heppin eftir öll þessi erfiðu veikindi.
Halla á fyrirtækið Heilsuljósið sem hún stofnaði á þeim
tíma þegar fæðingar heimilið var á teikniborðinu, eða
fyrir hrun og fyrir veikindi. „Það er dálítið sérkennilegt
að vera í þeim sporum núna að vera að leita að vinnu
komin með þetta mikla menntun og langa starfsreynslu.
Ég er nokkuð viss um að ég fæ fljótlega vinnu þar sem
þetta tvennt nýtist. Það er um að gera að vera jákvæð
og hafa trú á eigin getu,“ segir Halla að lokum og víst
er að eftirspurn ætti að vera eftir starfskröftum hennar á
vinnumarkaðnum og í þjóðfélaginu.
Fr
ét
ta
pu
nk
tu
r
Bandarískt kennaranámskeið
um líknarhjúkrun
Hrund Helgadóttir, hjúkrunarfræðingur og meistara nemi
í líknarhjúkrun, sótti nýlega tveggja daga kennara-
námskeið um líknarhjúkrun í San Diego í Banda ríkjunum.
Námskeiðið kallast ELNEC-Core og er ætlað hjúkrunar-
fræðingum sem starfa við sí- og endur menntun og
einnig hjúkrunar kennurum í grunn- og framhaldsnámi.
Hrund segir að hjúkrunarfræðingar verji meiri tíma í
umönnun einstaklinga með langt gengna sjúkdóma en
aðrir starfsmenn heilbrigðisþjónustunnar. Þrátt fyrir það
sýna rannsóknir að margir hjúkrunarfræðingar telja sig
ekki hafa hlotið nægilegan undirbúning til að veita slíka
hjúkrun.
Hrund var eini Íslendingurinn meðal 350 bandarískra
hjúkrunarfræðinga sem sóttu námskeiðið. Helsta markmið
námskeiðsins er að veita þeim hjúkrunarfræðingum,
sem annast kennslu, upplýsingar og úrræði til að kenna
líknarhjúkrun eða samþætta kennsluefnið námskeiðum
sínum og öðrum störfum.
Kennarar námskeiðsins eru virtir fræði menn og leiðtogar
á sviði líknar meðferðar. Aðalkennari er Betty Ferrell en
hún ritstýrði ásamt Nessa Coyle bókinni The Oxford
Textbook of Palliative Nursing (2010). Þær hafa einnig
skrifað bókina The Nature of Suffering and The Goals
of Nursing (2008).
Hrund Helgadóttir.