Tímarit hjúkrunarfræðinga - 01.04.2011, Blaðsíða 32

Tímarit hjúkrunarfræ›inga – 2. tbl. 87. árg. 201128
eru aðalhvatinn að nýjum verkferlum sem
sérfræðingar okkar í hjúkrun hafa staðfært
og síðan innleitt í daglegt starf okkar á
deildunum með það að leiðarljósi að gera
gott starf betra.
Það hefur svo sannarlega verið gefandi að
vera hluti af þessum samstillta hóp í yfir
20 ár og sjá hve mikil breyting hefur orðið
á hugmyndafræði krabbameinshjúkrunar
á þessum tíma. Fyrir 20 árum var það
ekki sjálfgefið og þótti jafnvel hallæris­
legt ef skráð var eitthvað um líðan
aðstandanda í framvindunni. Reynslunni
ríkari skilgreinum við nú vinnu okkar
á allt annan hátt. Fjölskyldan veitir
sjúklingnum ómetanlegan stuðning í
veikindunum og því er mikilvægt að hlúa
að henni í sjúkdómsferlinu og sorginni.
Fjölskylduhjúkrun er samofin öllu starfi
á 11­E og notkun meðferðarferlis fyrir
deyjandi sjúklinga (LCP ) sömuleiðis. Má
líta á ákveðna þætti eins og fræðsluna og
bætt upplýsingaflæði sem forvarnarstarf
vegna þeirra jákvæðu áhrifa sem það
hefur á heildræna líðan sjúklingsins og
fjölskyldu hans í sjúkdómsferlinu og ekki
síður í úrvinnslu sorgarinnar.
stuðningur settur í þann farveg sem við
á og endurmat á þörfum gert reglulega.
Teymisvinna er öflug á deildinni í þeim
tilgangi að styðja fjölskylduna sem best
frá upphafi og sinna síðan þörfum hennar
eftir því sem líður á sjúkdómsferlið og
efla þannig öryggiskennd og tryggja
sem besta líðan bæði sjúklings og
aðstandenda.
Hjúkrunarfræðingur, sem sinnir fjölskyldu­
hjúkrun, er sjálfur mikilvægt verkfæri. Ef
hann er ekki heill og allur í samtalinu
og þeirri vinnu sem fjölskylduhjúkrun
krefst myndast hvorki tengsl né það
traust sem er grundvöllur fyrir sam vinnu
hjúkrunarfræðings, sjúklings og fjölskyldu
til að ná þeim árangri sem við óskum eftir í
fjölskylduhjúkrun. Að vinna með sjúklingum
sem greinst hafa með lífshættulegan
sjúkdóm eins og krabbamein, er mjög
krefjandi og kallar á mikla nánd. Aðstæður
geta komið upp sem auðveldlega geta
valdið hjúkrunarfræðingnum óöryggi ef
hann hefur ekki vel skilgreinda verkferla
til að vinna eftir og veit hvert hann
getur leitað ef upp koma vafaatriði.
Allir hjúkrunarfræðingar á 11­E fara á
Fjölskylduhjúkrun og LCP–með-
ferðar ferlið
Fjölskylduhjúkrun út frá skilgreiningu
Calgary­líkansins (Wright og Leahey,
2009) var innleidd á 11­E árið 2005.
Það var þá löngu orðið ljóst hve mikil­
vægt það var að sinna sjúklingnum og
fjölskyldunni sem einni heild út frá
líkam legum, andlegum, félagslegum og
trúarlegum þáttum og það höfum við
gert með öflugri teymisvinnu í gegnum
tíðina. Fjölskylduhjúkrunin samkvæmt
skilgreiningum Calgary­líkansins gerir
okkur sem hjúkrunarfræðinga þessa
sjúklingahóps meðvitaða um hve
mikilvægu hlutverki við gegnum á degi
hverjum (Wright og Leahey, 2009). Við
höfum mikil samskipti við fjölskylduna
í gegnum sjúklinginn. Hið svonefnda
fimmtán mínútna samtal og gerð
fjölskyldutrés er árangurssrík leið til
upplýsingasöfnunar og mikilvægt að
það sé gert á fyrstu dögum legunnar
(Wright og Leahey, 2009). Sjúklingurinn
og nánasti aðstandandi hans eru
með hjúkrunarfræðingnum í samtalinu
og notaðar eru opnar spurningar við
upplýsingaröflun. Styrkur og veikleikar
fjölskyldunnar eru greindir í samtalinu og
www.ils.is
Borgartúni 21, 105 Reykjavík
Sími : 569 6900, 800 6969
Aukalán vegna sérþarfa
Þeir sem hafa skerta starfsorku, eru fatlaðir eða hreyfihamlaðir geta fengið aukalán
til að gera breytingar á íbúðarhúsnæði eða til að kaupa eða byggja húsnæði vegna
sérþarfa sinna. Lánið kemur til viðbótar 20 milljóna króna hámarksláni Íbúðalánasjóðs
eða öðrum fasteignaveðlánum að hámarki 20 milljónum. Einnig er heimilt að veita
aukalán til forsvarsmanna þeirra sem búa við sérþarfir.
Nánari upplýsingar er að finna á heimasíðu Íbúðalánasjóðs
www.ils.is, ils@ils.is eða í síma 569 6900 og 800 6969.
90% af kaupverði eða
byggingarkostnaði
90% af viðbótar- og
endurbótakostnaði
Lánamöguleikar
vegna sérþarfa:
Hámarksupphæð 8 milljónir
Fastir vextir án
uppgreiðsluákvæðis
Lántökugjald 0,5% af
lánsupphæðinni