Tímarit hjúkrunarfræðinga - 01.04.2011, Blaðsíða 50

Tímarit hjúkrunarfræ›inga – 2. tbl. 87. árg. 201146
Mary Seacole var fædd 1805 á Jamaíku
og hafði starfað sem hjúkrunarfræðingur
þar og í Suður­Ameríku þegar hún
heyrði um Krímstríðið og þær ömurlegu
aðstæður sem særðir hermenn bjuggu
við. Hún ákvað að fara til London og bjóða
fram aðstoð sína. Í fórum sínum hafði hún
meðmælabréf frá læknum á Jamaíku og
í Panama. Við komuna til Bretlands hafði
hún samband við hermálaskrifstofuna
og bað um að vera send til Krím sem
stríðshjúkrunarfræðingur. Henni var mjög
illa tekið og var send milli manna en fékk
hvergi viðtal. Hún sótti einnig um aðstoð
hjá Krímsjóðnum, sem safnaði peningum
meðal almennings til styrktar særðum,
en fékk neitun. Almennt er talið að kyn
hennar og ekki síst hörundslitur hafi þar
skipt sköpum.
Á þessum tíma hafði hjúkrunarsveit
Florence Nightingale þegar siglt af stað
en líklega hefði Mary Seacole ekki komist
að í henni af sömu sökum. Mary Seacole
ákvað þá að fara til Krím á eigin vegum
og reka þar sjúkraskýli og gistiheimili.
Hún lét prenta nafnspjöld sem voru send
til herbúða Breta til þess að boða komu
sína.
Á leiðinni til Istanbúl kom hún við á
Möltu en þar var sjúkrahús fyrir særða
hermenn. Hún hitti meðal annars breskan
lækni sem skrifaði meðmælabréf handa
henni en bréfið var stílað á Florence
Nightingale. Þegar hún kom til Istanbúl
tók hún strax bát yfir Bospórussundið til
Skutari þar sem Florence Nightingale var.
Florence afþakkaði hins vegar aðstoð
hennar. Mary Seacole fékk að gista
Christer Magnusson, christer@hjukrun.is
Hjúkrunarhetjur
HÖRUNDSDÖKK HEIMSHJÚKRUNARKONA
Alþekkt er för Florence Nightingale til Tyrklands í Krímstríðinu. Í Tímariti
hjúkrunarfræðinga 5 tbl. 2010 var sagt frá heimsókn hennar á Krím en þar
veiktist hún alvarlega. Lítt þekkt eru hins vegar störf annarra hjúkrunarfræðinga
á Krím. Hér er sögð saga Mary Seacole en hún kom á eigin vegum til Istanbúl í
febrúar 1855.
Mary Seacole. Vatnslitamynd frá um 1850.