Tímarit hjúkrunarfræðinga - 01.04.2011, Blaðsíða 53

Tímarit hjúkrunarfræ›inga – 2. tbl. 87. árg. 2011 49
og tillögur félagsins vegna niðurskurðar
í heilbrigðiskerfinu í júní 2009 og sendi
þáverandi heilbrigðisráðherra, Ögmundi
Jónassyni, en þær eru öryggi og gæði,
endurskoðun á heilbrigðiskerfinu og
greiðslufyrirkomulagi, forgangsröðun og
sameining stofnana.
Stefnunni fylgja tillögur um leiðir til að ná
markmiðunum og eru þær ætlaðar stjórn
til að vinna eftir fram til ársins 2020. Gert
er ráð fyrir að stjórn félagsins velji árlega
ákveðin stefnumál til að vinna að og leggi
þau fram í starfsáætlun næsta starfsárs
á árlegum aðalfundi þar sem félagsmenn
geta haft áhrif á þau.
Samfara endurskoðun á stefnu félagsins
í hjúkrunar­ og heilbrigðismálum hefur
farið fram endurskoðun á gildum félagsins
sem eru þau leiðarljós sem marka veg
til eflingar hjúkrunarstarfsins og bættrar
heilbrigðisþjónustu hér á landi. Í stað
Hugur, hjarta, hönd hefur komið fram
tillaga um að gildi félagsins skuli vera
Þekking, færni, umhyggja þar sem þekking
stendur fyrir rannsóknir og fagmennsku
í hjúkrun, færni fyrir þjálfun og notkun
faglegrar þekkingar við störf og umhyggja
fyrir virðingu, samheldni og trúnað.
Stefnan í hnotskurn
Meginmarkmið Félags íslenskra hjúkrunar­
fræðinga er að allir þjóðfélags þegnar
fái viðeigandi, árangursríka og örugga
hjúkrunar­ og heilbrigðisþjónustu. Til að ná
þessum markmiðun hefur félagið markað
sér stefnu og sett fram leiðir til að ná þeim.
Meginstefna félagsins er eins og
hér segir.
Hjúkrunarþjónusta og lýðheilsa
• Efla heilsugæslu og heimaþjónustu um
allt land með auknum fjárveitingum.
• Styrkja hlutverk hjúkrunarfræðinga
innan heilsugæslunnar og efla þannig
lýðheilsu með heilsuvernd, forvörnum
og heilsueflingu.
• Hjúkrunarfræðingar taki þátt í þróun
þeirrar þjónustu sem veitt er innan
sjúkrahúsa og leggi henni lið með
sérfræðiþekkingu sinni.
• Rekstur heilbrigðisþjónustunnar sé í
meginatriðum í höndum hins opinbera
og að þjónustan byggist á fjölbreyttum
rekstrarformum.
• Viðbótarmeðferð í hjúkrun byggist á
gagnreyndri þekkingu og er veitt af
hjúkrunarfræðingum sem hafa aflað
sér menntunar á því sviði.
Leiðtogahlutverk, ábyrgð og forræði
• Hjúkrunarfræðingar séu í forystu og
hafi forræði fyrir hjúkrunarþjónustu,
þróun hennar og skipulagi.
• Hjúkrunarfræðingar séu virkir
þátt takendur í allri umræðu og
ákvarðanatöku varðandi heilbrigðis­
þjónustu og heilbrigðismál.
• Þekking, reynsla og sjónarmið hjúkrunar­
fræðinga séu nýtt við stefnumótun og
breytingar innan heilbrigðisþjónustunnar.
• Hlutverk og valdsvið sérfræðinga í
hjúkrun verði styrkt.
• Hjúkrunarfræðingar sýni sjálfstæði og
frum kvæði og nýti þá möguleika sem
felast í breytingum innan heilbrigðis­
þjónustunnar.
Öryggi, gæði og starfsþróun
• Innleiddir verði gæðavísar í hjúkrun
sem gefa vísbendingar um öryggi og
árangur hjúkrunarmeðferðar.
• Heilsusamlegt og styðjandi starfs­
umhverfi mæti starfsfólki enda á
slíkt þátt í að tryggja gæði, öryggi
og árangur þjónustunnar og öryggi
heilbrigðisstarfsfólks.
• Mönnun hjúkrunarfræðinga sé í
samræmi við hjúkrunarþarfir sjúklinga
og vinnuálag hjúkrunarfræðinga og
við mat á þessum atriðum séu notuð
viðurkennd mælitæki.
• Markviss starfsþróun hjúkrunar­
fræð inga fari fram á öllum stigum
heilbrigðisþjónustunnar.
Menntun, þekking og þróun hjúkrunar
• Nám í hjúkrunarfræði efli þekkingu og
klíníska færni hjúkrunarfræðinga og
komi til móts við þarfir einstaklinga og
samfélags.
• Klínískt nám sé veigamikill hluti af grunn­
og framhaldsnámi hjúkrunarfræðinga.
• Framhaldsnám fari fram á diplóma­,
meistara­ eða doktorsstigi.
• Sérfræðimenntun hjúkrunarfræðinga
sé á meistara­ og doktorsstigi.
• Klínísk starfsreynsla sé ein forsenda
sérfræðileyfis í hjúkrun.
• Fjölga þarf stöðum sérfræðinga í
hjúkrun við heilbrigðisstofnanir.
• Styrkja þarf rannsóknir í hjúkrunarfræði.
Upplýsingatækni
• Hjúkrunarfræðingar taki þátt í að setja
upp rafræna sjúkraskrá og tileinki sér
samræmda rafræna skráningu.
• Notaðir séu alþjóðlegir staðlar á sviði
upplýsingatækni við skráningu, vistun
og miðlun upplýsinga.
• Rafræn gögn séu hagnýtt við söfnun,
skráningu, vistun, meðhöndlun og
miðlun upplýsinga í hjúkrun og styðji
við klínískar ákvarðanir.
• Rafræn gögn verði notuð við skil­
greiningu gæðavísa og mat á gæðum,
kostnaði og ávinningi hjúkrunar.
• Rafræn gögn og upplýsingar um
hjúkrunar þyngd og mönnun séu
aðgengi leg á hverjum tíma.
• Vél­ og hugbúnaður uppfylli kröfur
hvers tíma.
Hér hefur aðeins verið getið helstu þátta
í stefnu félagsins en stefnuna er hægt
að lesa í heild sinni á vefsvæði félagsins.
Vinnuhópurinn hefur nú lokið starfi sínu
og sent stjórn FÍH sínar tillögur. Nú er
það í höndum félagsmanna að ljúka
verkinu með því að samþykkja stefnuna
á aðalfundinum 19. maí nk.
Vigdís Hallgrímsdóttir kynnir drög að stefnu
félagsins í hjúkrunar­ og heilbrigðismálum á
hjúkrunarþingi í nóvember sl.


