Tímarit hjúkrunarfræðinga - 01.06.2010, Blaðsíða 31

Tímarit hjúkrunarfræ›inga – 3. tbl. 86. árg. 2010 27
Það eru miklar reglur í samfélaginu um
hvernig karlar og konur eiga að vera.
Þegar karl fer í kvennastétt þá er hann
að lækka sig á stall en þegar kona
fer í karlastörf þá er hún að hækka
sig á stall. Það eru ekki bara karlar
sem tala svona, það eru líka konur.
Þær taka þannig þátt í að lítillækka
sjálfa sig. Kúgunin kemur ekki frá
körlum heldur frá öllu samfélaginu.
Stundum hafa konur, meira að segja
hjúkrunarfræðingar, spurt mig með
skrýtnum svip, hvað ertu að gera í
hjúkrun? Ég hef þá svarað, bíddu, er
ég þá að lækka mig eða gera lítið úr
sjálfum mér með því að vera eins og
þú? Þá hrökkva þær við.“
En þó að Axel sé ánægður í starfinu
hefur slíkt tal haft áhrif á hann,
sérstaklega fyrir hrun þegar allt var á
fleygiferð. „Þá runnu stundum á mig
tvær grímur. Kannski ætti ég að hafa
orðið bankastjóri eða þess háttar.“
Axel segist ekki finna fyrir því í vinnunni
að hann sé karlkyns hjúkrunar­
fræðingur. „Ég fæ stundum skot frá
ráð gjöfum, þeir kalla mig „strákinn“ og
svona. En annað er það ekki.“ Á Vogi
virðist vera annað andrúmsloft en á
mörgum öðrum heilbrigðisstofnunum.
„Það eru talsvert fleiri karlar að vinna
hér og kannski harðgerðara starfsfólk.“
Þá eru umræðuefnin önnur en á hefð­
bundnum kvennavinnustöðum. „Ég
vissi til dæmis ekki fyrr en í síðustu
viku að Ísland væri í Evróvision. Við
tölum ekki mikið um þetta í vinnunni,
mest um sjúklingana.“
Fyrir utan vinnuna er Axel að huga að
fjölskyldunni. Hann á tvö lítil börn, 5
ára og hálfs árs. Þau á hann reyndar
með tveimum konum en eldra barnið
býr nú í Hollandi. Svo segist hann
vera mikill bókaormur. „Ég les mikið
fagurbókmenntir, núna er ég til dæmis
að lesa Jón Kalman Stefánsson.
Svo var ég í nokkrum áföngum í
háskólanum, líffræði, mannfræði og
erfða fræði. Hugsanlega tek ég nokkra
áfanga í viðbót. Í sumar ætla ég að
læra sjálfsvarnarlistir. Ég var græn­
metisæta á Akureyri en hef nú fengið
áhuga á ofbeldisíþróttum,“ segir hann.
Axel er ekki sérlega upptekinn af því
að fáir karlar séu í hjúkrun. Hann er
heldur ekki mikið að velta fyrir sér hvort
starfsheiti hans sé hjúkrunarfræðingur
eða eitthvað annað. Hann segir að
margir vilja skilgreina hvað hjúkrun sé
en Axel hefur ekki mikla þörf fyrir það.
Þetta sé merki um tilvistarkreppu.
„Hjúkrunarnemar ganga um í peysum
merktum hjúkrun en engum í öðrum
starfsstéttum myndi láta sér detta slíkt
í hug,“ segir Axel.
Nokkuð erfiðAuðveld
Sudoku
Lausn Sudoku er þannig að í hverjum 3x3 reit og í hverri láréttri og lóðréttri línu fyrirfinnast tölustafirnir 1 til 9 aðeins einu sinni. Hver og einn finnur sínar
lausnaraðferðir en fyrir byrjendur er fyrsta skrefið að skoða í hvaða einstaka reit er hugsanlegt að koma fyrir tölustafnum 1 og svo koll af kolli. Í auðveldu
þrautinni er til dæmis aðeins einn reitur í 3x3 reitnum neðst til hægri þar sem hægt er að koma fyrir tölunni 2. Lausnir er að finna á bls. 60.