Tímarit hjúkrunarfræðinga - 01.06.2013, Síða 18

Tímarit hjúkrunarfræðinga – 3. tbl. 89. árg. 201314
Þórdís situr einnig í stjórn rannsóknarinnar
en þar voru hinir ýmsu prófessorar og
þvagfæralæknar. „Það sem eykur gildi
rannsóknar er að stjórnendurnir tveir
eru ekki þvagfæralæknar heldur annars
vegar almennur skurðlæknir og hins
vegar rannsóknarlæknir. Það er alltaf
hætt við að rannsókn verði lituð af þeim
sem gera hana en hér standa þau tvö
fyrir utan þær tvær fylkingar sem eru
kringum opnar aðgerðir annars vegar og
aðgerðir með aðgerðaþjark hins vegar.
Það er svolítið stríð þar á milli. Það geta
orðið mjög fjörugir fundir,“ segir hún.
Þórdís tekur áfram þátt í starfi rannsóknar­
hópsins og nú er hópurinn með tvær greinar
í smíðum, aðra um þvagleka einu ári eftir
aðgerð og hina um skammtímafylgikvilla
þrem mánuðum eftir aðgerð. Leynd hvílir
enn yfir niðurstöðunum og áhugavert
verður að sjá hvor skurðaðferðin kemur
betur út. Sumir hafa líkt aðgerðaþjarkinum
við að fara til tannlæknis en ekki er enn ljóst
hvort til dæmis þvagleki og kynlífsvandamál
eru minna áberandi en með opinni aðferð.
Þórdís hefur einnig hug á að vinna enn
frekar með gögnin sem hafa safnast.
„Þegar ég hef fengið greinarnar mínar
um íþyngjandi hugsanir og hugsanir um
dauðann birtar get ég vonandi farið að
vinna frekari upplýsingar úr gögnunum.
Þarna er fjöldi spurninga tengdur hjúkrun
og annarri reynslu sem aðrir geta haft
áhuga á, eins og hvernig vinnumarkaðurinn
tekur á móti fólki sem hefur farið í þessar
aðgerðir.“
Gögnin úr rannsókninni eru geymd á
læstu svæði á krabbameinsmiðstöð í
Gautaborg. „Þetta er allt unnið mjög
formlega,“ segir Þórdís. „Ef ég hef tilgátu,
sem ég vil greina, þá sendi ég beiðni til
stjórnenda rannsóknarinnar og þeir taka
afstöðu til hvort maður megi greina það
og fylgjast líka með ef aðrir vilja gera það
sama. Úrvinnslan er svo unnin meira og
minna af tölfræðingi.“
Starfið á Landspítala
Þórdís og fjölskylda hennar fluttust heim
til Íslands í fyrrasumar og hún fór að
vinna sem verkefnastjóri á rannsóknastofu
í bráðafræðum. „Starfið var auglýst um
sama leyti og ég varði doktorsritgerðina
mína. Vinkona mín sá það og sagði að ég
ætti að sækja um og ég hlýddi því. Enda er
þetta ótrúlega spennandi starf. Við sinnum
þverfaglegum rannsóknum í bráðafræðum
á Landspítala. Þetta er nýtt starf og ég
hef getað byggt það upp dálítið eftir mínu
höfði. Það eina sem var fast í hendi
var að vera í forsvari fyrir bráðadaginn
sem er ráðstefna haldin einu sinni á ári
á vegum bráðasviðs. Ég var formaður
undirbúningsnefndar í ár en það var mjög
skemmtilegt starf. Ég hef komist að því að
það er afskaplega virkt og duglegt fólk hér í
vinnu og mikið í gangi og enn meiri áhugi á
að gera meira. Ég hef smám saman komið
inn í þó nokkur rannsóknarverkefni hér á
sviðinu,“ segir Þórdís. Hún er í samstarfi við
lækna, hjúkrunarfræðinga, lyfjafræðinga og
meistaranema í lýðheilsuvísindum og margt
spennandi að gerast. Sviðið fékk nýlega
sjö styrki úr vísindasjóði Landspítalans og
þar af tekur Þórdís þátt í fjórum verkefnum.
„Mér finnst að rannsóknir eigi að snúast
um að gera heiminn betri fyrir einhvern,
helst fyrir skjólstæðingana okkar, það ætti
að vera meginmarkmiðið. Leiðin að því er
oft í gegnum betri og skilvirkari starfsemi
en líka líðan og ánægju starfsfólksins,“
segir hún.
Þórdís segir mikinn feng vera að því að
hafa aðgang að rafrænni sjúkraskrá og
þær samtölur sem kerfið býr til. „Þetta
stórkostlega rafræna kerfi, sem við erum
með, er ótrúlegur brunnur af alls konar
upplýsingum og það er bara spurning
um að vinna úr því. Svo sér maður líka að
það þarf að bæta hvernig er skráð inn í
kerfið til þess að geta nýtt upplýsingarnar
betur. Það er til dæmis mjög spennandi
að nota hjúkrunarskráninguna meira og
hafa hana betur staðlaða. Það væri
gaman ef það væri gert og fólk gæti séð
betur til lengra tíma litið hvaða áhrif allt
það sem hjúkrunarfræðingar gera hefur
fyrir sjúklingana,“ segir hún.
Nú fer bráðum af stað rannsókn á
sjálfssköðum og sjálfsvígstilraunum eftir
efnahagshrun en erlendis hafa sést
merki um fjölgun sjálfsvíga. „Ég hef í
framhaldinu sjálf áhuga á að kafa enn þá
betur í einstaklingana sem koma inn vegna
sjálfsvígstilrauna eða sjálfsskaða. Það eru
merki um það úr erlendum rannsóknum
að meira sé um sjálfsskaðandi hegðun
meðal aðstandenda fólks sem hefur dáið
úr krabbameini, til dæmis börn þess.
Stúlkur, sem voru unglingar þegar foreldri
dó úr krabbameini, skera sig eða brenna
oftar heldur en almennt gerist. Slíkt á
ekki endilega bara við um aðstandendur
krabbameinsveikra heldur einnig aðra
langtímaveika. Til langs tíma gæti það að
vera aðstandandi einhvers sem fremur
Omron M6 Comfort
Nemur óreglulegan hjartslátt
Auðveldara að koma armborðanum fyrir
Nemur rétta staðsetningu armborðans
Nemur hvort hreyfing trufli mælingu
Minni fyrir 2 notendur - 100 mælingar fyrir hvorn
Tveir þrýstinemar sem tryggja nákvæma mælingu
Birtir þrýstisvið á skjánum
Stillir réttan hraða og þrýsting við dælingu og hjöðnun
Armborði fyrir
upphandlegg
með ummál á
bilinu 22-42 cm
Nemur rétta staðsetningu armborðans
Nemur óreglulegan hjartslátt
Birtir þrýstisvið á skjánum
Stillir réttan hraða og þrýsting
við dælingu og hjöðnun
Omron M2
Armborði fyrir
upphandlegg
með ummál á
bilinu 22-32 cm

Gjöf s
em h
ittir
be
int
í hj
art
ast
að
www.hbv.is
Blóðþrýstingsmælar
Omron blóðþrýstingsmælar fá hæstu einkunn í klínískum
rannsóknum og eru viðkenndir af ESH, BHS og WHO.
Omron blóðþrýstingsmælar fást í flestum apótekum
Þegar heilsan er annars vegar þá
skipta gæði tækisins mestu máli.
C
M
Y
CM
MY
CY
CMY
K
Heilsida Omron_A4.pdf 1 26/11/12 1:15 AM