Tímarit hjúkrunarfræðinga - 01.06.2013, Síða 43

Tímarit hjúkrunarfræðinga – 3. tbl. 89. árg. 2013 39
er ávallt haft að leiðarljósi. Reynslan
og þekkingin er mikilvæg en ekki síður
umhyggjan fyrir fjölskyldunni og barninu.
Það er ætíð vandmeðfarið að nálgast
fjölskyldur við þessar aðstæður.
Fjölskyldur eru ólíkar og upplifun þeirra
getur verið ólík. Fyrir mér er það alltaf
mikilvægt að átta mig á fjölskyldunni
og sjá hvernig sé best að nálgast hana
til þess að samskipti geti verið farsæl.
Því þannig tel ég að hægt sé að styðja
foreldra í að vera þátttakendur í umönnun
og hjúkrun barnsins frá fyrstu stundu.
Þegar börn dvelja löngum stundum á
spítala vegna veikinda þurfa foreldrar oft
að leggja allt sitt traust á þá aðila sem sinna
barninu þeirra. Hjúkrunarfræðingurinn
hefur það mikilvæga hlutverk að undirbúa
fjölskyldur til að takast á við nýtt hlutverk
sem oft og tíðum er frábrugðið því sem
vonir foreldra stóðu til. Þegar fjölskylda
kveður starfsfólkið á vökudeild og
heldur heim fyllist ég stolti. Ég er stolt af
fjölskyldunni sem hefur öðlast styrk til að
takast á við komandi verkefni og ég er
stolt af því að vera hjúkrunarfræðingur
á vökudeild og hafa fengið að taka þátt
í því að fylgja fjölskyldunni þennan veg.
Ég skora á Jóhönnu Tryggvadóttur að
skrifa næsta þankastrik.
Félag íslenskra hjúkrunarfræðinga sendi í aðdraganda alþingis-
kosninga fyrirspurn til frambjóðenda þar sem þeir voru beðnir
um að svara þrem mikilvægum spurningum um afstöðu þeirra
til nokkurra heilbrigðismála. Skemmst er frá því að segja að þeir
virtu bréfið að vettugi og svör voru fá og fábrotin.
Fyrsta spurningin snérist um endurreisn heilbrigðiskerfisins. Svo
var spurt um jafn launastefnu og að lokum um hjúkrunar þjónustu
aldraðra og afstöðu þing mannsefna til yfirfærslu öldrunar stofna
til sveitarfélaga.
Spurningar voru sendar til efstu manna í öllum sex kjördæmum
og á öllum sex listum sem samkvæmt skoðana könnunum þóttu
líklegir til að ná inn manni á Alþingi. Vonir stóð því til þess að fá
36 svör. Þau urðu þó ekki nema 11.
Samfylkingin virtist við fyrstu skoðun áhugasömust um heil-
brigðis mál því þaðan komu svör úr öllum kjördæmum. Svörin
reyndust þó öll hljóða eins. Við nánari eftirgrennslan reyndust
þau koma frá flokksskrifstofunni og ekki frá frambjóðendum.
Fimm frambjóðendur eiga heiður skilið fyrir að taka sér tíma til
að skrifa persónuleg svör. Það eru þau Steingrímur J. Sigfússon
og Katrín Jakobsdóttir frá Vinstri grænum, Róbert Marshall frá
Bjartri framtíð, Vigdís Hauksdóttir frá Framsókn og Hanna Birna
Kristjánsdóttir frá Sjálfstæðisflokknum.
HEILBRIGÐISMÁL EKKI FORGANGSMÁL
ALÞINGISFRAMBJÓÐENDA
Fr
ét
ta
pu
nk
tu
r


