Tímarit hjúkrunarfræðinga - 01.06.2013, Blaðsíða 41

Tímarit hjúkrunarfræðinga – 3. tbl. 89. árg. 2013 37
ljós að þetta er alltaf rétt!“ Það er, ef
við veljum að túlka hegðun annarra á
kærleiksríkan hátt, og það um leið veldur
okkur gleði og hamingju frekar en gremju
og pirringi, er líklegra að sú túlkun sé
sannari en ella. Þetta er svo djúpt hugsað
að ég fann fyrir svima þegar ég las það.
Ég vitnaði í Predikarann hér á undan.
Hann segir einnig: „Ver þú eigi fljótur
til að láta þér gremjast, því að gremja
hvílir í brjósti heimskra manna.“ Það er,
gremjan gerir mann heimskan. Kærleikur
opinberar sannleikann en gremja hylur
hann.
Hjúkrun snýst um að sinna veiku fólki eða
aðstoða það við að halda heilsu. Hvernig
getur þessi boðskapur komið að gagni
hér? Hvaða áhrif hefur það á veikindi
að velja óhamingju eða að sjá sig vera
fórnarlamb? Um þetta fjallar höfundurinn
í kafla sem heitir Hver er ég? og svo
áfram í næstu köflum. Það er staðreynd
að hugsanir fólks um sjálft sig hafa
lífeðlisfræðileg áhrif á líkama þess. Það er
vel þekkt að andlegt álag getur valdið til
dæmis blóðþrýstingshækkun. Kay Pollak
heldur því fram að neikvæðar hugsanir
og óhamingja hafi beinlínis áhrif á hverja
frumu í líkamanum. Hjúkrunarfræðingar
geta því gert mikið gagn með því að
aðstoða fólk við að breyta hugsanagangi
sínum. Þegar þetta allt leggst á eitt getur
það haft mikil lýðheilsuáhrif.
Frávarp og fyrirgefning
Allt sem hér hefur verið sagt kemur fram
í fyrri hluta bókarinnar en höfundur kallar
hann grunnnámskeiðið. Bókin er hins
vegar í fimm hlutum. Í öðrum hluta er
fjallað um það sem hann nefnir frávarp,
að varpa frá sér ábyrgðinni á eigin
hugsunum og tilfinningum. Þegar við
veltum ábyrgðinni yfir á aðra er það í raun
árás á þá manneskju og því eins konar
ofbeldi, segir höfundur. Slík árás býr þó
alltaf til sektarkennd en sektarkennd og
hamingja eiga ekki saman.
Kay Pollak heldur svo áfram að byggja
á grunninnum með því að bæta við fleiri
atriðum eins og sjálfsmati, fyrirlitningu
og einelti og listinni að fyrirgefa
sjálfum sér. Að lokum er komið að
framhaldsnámskeiðinu en það snýst um
að gera upp við óttann við refsingu.
Þegar lesandinn hefur með æfingum
náð að vera hamingjusamur að verulegu
leyti finnst honum að hljóti að koma
að því að honum verði refsað fyrir. Á
eftir hamingju verði að koma óhamingja.
„Svona vel getur manni ekki liðið án þess
að hegnast fyrir það.“ Flest könnumst
við við þennan ótta því okkur finnst að
við eigum varla skilið að vera svona
óendanlega hamingjusöm. Þegar okkur
tekst að frelsa okkur undan þessum ótta
erum við útskrifuð og þurfum ekki lengur
leiðsagnar Kays Pollaks með.
Góð sjálfshjálparbók
Sem ritstjóri hnýt ég um val þýðanda
þegar kemur að því að setja fram
kynbundin orð. Áráttan að forðast
kynjamisrétti veldur stundum því að
textinn verður óþarflega þungur, og
leiðigjarnt er að lesa aftur og aftur: „Ég
ein/n get valið hugsanir mínar um sjálfa/n
mig“, „Á þann hátt er ég skapari sjálfrar/
sjálfs mín“ eða „... þú ert vön/vanur að
vera pirruð/aður eða öskureið/ur ...“.
Betra væri að velja eitt kyn og halda sig
við það. Höfundurinn er karlmaður og ég
held að allir sem lesa bókina séu fullfærir
um að hugsa þessar setningar út frá eigin
kyni. En þetta eru smámunir sem mega
ekki skyggja á boðskapinn í bókinni. Ég
hef því valið að horfa fram hjá þessu við
lestur bókarinnar og nefni þetta mest til
umhugsunar fyrir lesendur sem hyggjast
skrifa leiðbeiningar til sjúklinga eða þess
háttar texta.
Þetta er nefnilega sjálfshjálparbók sem
vit er í að lesa. Bókin er auðlesin og
vel upp sett. Röksemdafærslan er skýr
og lesandinn skilur strax hvernig allt í
bókinni hangir saman. Hver kafli leiðir
lesandann áfram en sumt getur vakið
ófyrirséð viðbrögð. Þá er um að gera að
staldra við, láta hugann reika og fara sér
svo hægt við lesturinn. Bókin fjallar um
að breyta gömlum grundvallarhugsunum
sem við höfum alist upp við frá fæðingu
en það er ekki gert á einni kvöldstund.
Best er að líta á bókina sem námskeið
og gera ráð fyrir að það taki vikur
eða mánuði. Uppskeran gæti hins vegar
orðið stórfengleg.
Fr
ét
ta
pu
nk
tu
r
Stjórn Rannsóknasjóðs Ingibjargar
R. Magnús dóttur auglýsir eftir
umsóknum um styrki úr sjóðnum
til doktorsnema í hjúkrunar- og
ljós móðurfræðum. Heildar upphæð
styrkja er 1 milljón króna.
Umsóknarfrestur er til 30. ágúst
2013. Rafræn umsóknar eyðu blöð
er að finna á heimasíðu Rann-
sókna stofnunar í hjúkrunar fræði,
www. rsh.hi.is.
Markmið sjóðsins er að efla rann-
sóknir í hjúkrunar- og ljós móður-
fræðum. Styrkir verða veittir til
rann sóknaverkefna hjúkrunar -
fræðinga og ljósmæðra í doktors-
námi.
Nánari upplýsingar veitir Margrét
Björnsdóttir, verkefnisstjóri RSH,
á netfanginu margbjo@hi.is.
Hægt er að styrkja sjóðinn með
ýmsu móti, til dæmis vegna
árgangs afmæla eða útskriftar.
Einnig er hægt að senda minningar -
kort og tækifæriskort. Fjár hæðir
má leggja inn á banka reikning
0513-26-004057 hjá Íslandsbanka.
Kennitala styrktar sjóða HÍ er
571292-3199.
STYRKIR TIL
DOKTORSNEMA