Gerðir kirkjuþings - 01.01.2011, Síða 79

79

Frá Þjóðmálanefnd kirkjunnar
Umsögn um tillögu til þingsályktunar um staðgöngumæðrun (310.mál)
Niðurstaða:
Þjóðmálanefnd kirkjunnar leggst gegn því að farið sé fram með þeim hraða sem
virðist ríkja varðandi það að undirbúa lög sem leyfa staðgöngumæðrun og leggur
nefndin til að málið fái mun meiri umræðu og skoðun áður en lengra er haldið.

Sjá slóðina: http://www2.kirkjan.is/sites/default/files/umsogn-vegna-stadgongu-
maedrunar.pdf

Málþing um kynþáttafordóma: Hvar erum við stödd?
Í hve miklum mæli dafna kynþáttafordómar hér á landi? Hvað er gert til að sporna við
þeim? Þessar og fleiri spurningar verða ræddar á málþingi Þjóðmálanefndar
kirkjunnar um kynþáttafordóma sem verður haldið á Alþjóðadegi gegn kynþáttamis-
rétti, mánudaginn 21. mars.
Þar munu Toshiki Toma og Baldur Kristjánsson reyna að greina í hve miklum mæli
kynþáttafordómar dafna hér á landi og svara því hvað við erum að gera til þess að
berjast gegn þeim og hvað við gætum gert. Magnús Erlingsson mun segja frá því sem
kirkjan er að gera á Vestfjörðum til þess að styrkja stöðu minnihlutahópa og
einstaklinga innan þess hóps og Svavar Stefánsson skýra frá því sem þau hafa verið að
gera til þess að ná til innflytjenda.
Um fyrirlesarana
Toshiki er prestur innflytjenda hér á landi og sá Íslendingur sem hefur látið einna mest
til sín taka á þessu sviði. Baldur er sérfræðingur í ECRI (European Commision against
Racism and Intolerance) og mun m.a. fjalla um hvað íslenskum stjórnvöldum hefur
verið ráðlagt á þessu sviði og hvað þau gætu gert til þess að berjast gegn kynþátta-
fordómum og misrétti sem af þeim leiðir. Magnús er sóknarprestur á Ísafirði og
Svavar er sóknarprestur í Fellasókn.
Fundarstjóri er Inga Rún Ólafsdóttir kirkjuþingsmaður og fulltrúi í Þjóðmálanefnd
þjóðkirkjunnar.
Málþingið hefst kl 12 og verður haldið á Torginu í safnaðarheimili Neskirkju eins og
það er kallað. Það er öllum opið. Hægt er að kaupa súpu og kaffi á staðnum.
Áhyggjur af duldum kynþáttafordómum
Kynþáttafordómar birtast sem andúð gagnvart öðrum kynþáttum en maður sjálfur til-
heyrir og sem andúð gagnvart þeim sem tilheyra öðrum menningarheimum, sagði
Toshiki Toma, sem var einn frummælenda á málþingi Þjóðmálanefndar um kyn-
þáttafordóma og kynþáttamisrétti í Neskirkju.