Gerðir kirkjuþings - 01.01.2011, Page 82

82

Viðmiðin þarf að setja í nokkurs konar velferðarreikni og þá er lágmarks
framfærsluviðmið í nafni mannréttinda en lágmarks virkniviðmið í nafni félagsauðs.
Áfangaskýrslu hópsins má nálgast á vef Reykjavíkurborgar.
Tímamót í hjálparstarfinu
Vilborg Oddsdóttir ræddi um breytingar á innanlandsaðstoð Hjálparstarfsins. Sífelld
þróun er í innanlandsaðstoðinni, bætt var t.d. við félagsráðgjöfum til að sinna
viðtölum við skjólstæðinga. Lykilatriði er þó að allar breytingar þarf að miða við þau
sem leita til hjálparstarfsins og að sú aðstoð sem veitt er þarf að vera fjölbreytt og
einstaklingsmiðuð
Vilborg benti á að ein af leiðunum til að vinna gegn fátækt er að styðja skjólstæðinga
til náms til að eyða fátæktargildrunni og upphefja erfðalögmál fátæktar. Vinna þarf út
frá forsendum barnanna og sinna barnafólki sérstaklega. Biðja fólk um gögn og af því
leiddi fækkun skjólstæðinga.
Ákveðið að vinna eftir nýrri aðferðafræði í innanlandsaðstoð árið 2011 og sú breyting
tók gildi nú í maí. Breytingin felst í að taka út matarpakkana og innleiða inneignar-
kort. Mismunandi forsendur eru fyrir bágindum fólks og því þörf á mismunandi
aðstoð. Áætlað er að fjármálaráðgjöf verði efld.
Starfsfólk hjálparstarfsins hefur sest niður með mörg þúsund einstaklingum og af því
hafa verið dregnar ályktanir sem leiða til þessara breytinga.
Tímabært að fara yfir þessi mál
Þórhallur Heimisson brást við erindum Bjarna og Vilborgar. Hann þakkaði Þjóðmála-
nefnd og minnti á að það væri löngu tímabært að ræða málin og fara yfir þau saman
og skoða þau frá flestum sjónarhornum.
Þórhallur segir frá því að hjá félagsmálayfirvöldum sveitarfélaga sé stundum sagt við
skjólstæðinga: Farðu og talaðu við kirkjuna! Eins og bent hefur verið á þá er neyðar-
hjálp í neyð. Krafan er að samfélagið sem slíkt verður að taka á þessu máli og
stjórnvöld verða að vinna að lausn sem ekki er aðeins í neyð.
Þórhallur undirstrikaði gott starf starfshóps á vegum velferðarráðs borgarinnar.
Áfangaskýrslan er góð samantekt um ástandið. Hann benti á að varðandi neyslu-
viðmiðið þá eigi samkvæmt nýgerðum kjarasamningum lágmarkslaun að verða
204.000 árið 2014 og það er langt undir velferðarmörkum.
Að hans mati er nauðsynlegt að móta markmið, tilgang og stefnu í málefnum þeirra
sem búa við fátækt. Stóra spurningin snýr að beinum aðgerðum!
Í október 2011

Baldur Kristjánsson formaður
Sigrún Óskarsdóttir
Sólveig Anna Bóasdóttir
Svavar Alfreð Jónsson
Inga Rún Ólafsdóttir