Gerðir kirkjuþings - 01.01.2011, Qupperneq 103

103

einstakra sókna við val fulltrúa. Þær sóknir sem ekki fá fulltrúa í valnefnd skipa
áheyrnarfulltrúa til setu á fundum þeirrar valnefndar.
Sé ákveðið að auglýsa embætti prests er þjóni í fleiri en einu prestakalli skulu
sóknarnefndir í þeim prestaköllum velja sameiginlega níu manna valnefnd við val á
presti til starfa í þeim prestaköllum. Við val á fulltrúum í þá valnefnd skal taka tillit til
skiptingar á starfi prestsins og fjölda sóknarbarna í viðkomandi prestaköllum.
Prófastur er formaður hinnar sameiginlegu valnefndar og gilda um störf hennar sömu
reglur og um valnefndir prestakalla eins og við getur átt. Umboð sameiginlegrar
valnefndar fellur niður þegar nefndin hefur lokið störfum.
Biskup setur leiðbeinandi reglur fyrir valnefndir og umsækjendur.

7. gr.
Biskup felur prófasti að boða valnefnd til fundar svo fljótt sem verða má.
Formaður valnefndar stýrir störfum valnefndar og fundum hennar, viðtölum við
umsækjendur, gagnaöflun og er í fyrirsvari fyrir nefndina.
Þeim prestum sem áfram þjóna í prestakallinu skal boðið að tjá sig um umsækjendur
við valnefndina séu þeir sjálfir ekki meðal umsækjendanna.

8. gr.
Halda skal undirbúningsfund þar sem valnefndarmönnum eru kynntar starfsreglur, lög
og aðrar reglur sem við eiga. Nefndin skal undirbúa spurningar til umsækjenda og
skulu allir umsækjendur fá sömu spurningar. Rita skal minnisblað um það sem fram
fer á fundinum. Farið skal yfir umsóknir á þessum fundi og ákveðið hverja eigi að
kalla í viðtal. Þeir sem ekki eru kallaðir í viðtal geta farið fram á að valnefnd rökstyðji
þá ákvörðun.

9. gr.
Valnefnd boði umsækjendur í viðtal og getur krafið þá um ýmis gögn, svo sem
prófskírteini, vottorð um endurmenntun, námskeið og handleiðslu.
Valnefnd getur auk þess aflað sér vitneskju um starfsferil umsækjanda hjá vinnu-
veitendum og öðrum, sem samskipti hafa átt við umsækjanda vegna starfa hans og
prestsþjónustu ef því er að skipta og rita minnisblað um þær upplýsingar. Ef eitthvað í
þeim upplýsingum kallar á viðbrögð frá umsækjanda skal honum gefast kostur á að
kynna sér umsögn og bregðast við henni.

10. gr.
Sé áskilin sérstök þekking eða reynsla í auglýsingu um laust embætti eða það er að
öðru leyti mjög sérhæft, skal jafnframt meta umsækjendur eftir því hvernig þeir
uppfylla þau sérstöku skilyrði. Við matið skal valnefnd leggja til grundvallar guð-
fræðimenntun, starfsreynslu, starfsferil svo og hæfni til boðunar og sálgæslu og
samskiptahæfni umsækjanda og hvernig umsækjendur uppfylli sérstök skilyrði eða
sérstaka hæfni ef slíkt er áskilið í auglýsingu. Við mat á hæfni skal nefndin einnig
hafa til hliðsjónar aðra menntun og starfsreynslu, sem ætla má að hafi áhrif á niður-
stöðu nefndarinnar. Auk þess skal meta frammistöðu í viðtölum, leiðtogahæfileika og
framtíðarsýn Við val á sóknarpresti skal sérstaklega líta til reynslu og hæfni í stjórn-
unarstörfum. Við val samkvæmt ofanskráðu skal gæta ákvæða laga um jafna stöðu og
jafnan rétt kvenna og karla.