Bjartur og frú Emilía: tímarit um bókmenntir og leiklist - 01.01.1994, Page 7

Fyrsta fjölskyldumyndin. Hinn ungi Tsjekhov er annar frá vinstri í efri röð.
II.
Hér verður ekki reynt að lesa ævisögu Tsjekhovs af bréfum hans. En
áður en til þeirra verður leitað fanga er rétt að minna á fáein atriði sem
gott er að hafa í huga þegar það er skoðað sem Tsjekhov segir um
sjálfan sig, bókmenntirnar, Rússland og tilveruna.
Hann fæddist árið 1860 í borginni Taganrog við Asovhaf, sonur
kaupmanns og sonarsonur ánauðugs bónda. Borgin var skelfing menn-
ingarsnauð, eins og ótal rússnesk pláss sem hann lýsti í sögum sínum -
sjálfur reyndi hann að bæta úr því menningarleysi síðar með því að
stofna þar almenningsbókasafn og senda þangað bækur í stórum stíl.
Faðir hans Pavel var kirkjurækinn þverhaus og harðstjóri og átti Anton
T í m a r i t u m bókmenntir og leiklist
5